Miðvikudagur 17.05.2017 - 07:02 - Ummæli ()

Líður að lokum valdatíðar Donald Trump? Reyndi hann að hafa áhrif á rannsókn FBI?

Trump og Comey á meðan allt lék í lyndi. Mynd: Getty.

The New York Times skýrði frá því í gærkvöldi að samkvæmt minnisblaði frá James Comey, þáverandi forstjóra bandarísku alríkislögreglunnar FBI, hafi Donald Trump, forseti, beðið Comey um að hætta rannsókn á tengslum Michael Flynn, fyrrum þjóðaröryggisráðgjafa Trump, við Rússa. Þessa beiðni á Trump að hafa sett fram í samtali við Comey í febrúar. Þetta hefur vakið mikla athygli í Bandaríkjunum og víðar og telja sumir að vandræðagangur Trump sé orðinn svo mikill að nú hljóti að líða að endalokum valdatíma hans.

Talsmenn Hvíta hússins þvertaka fyrir að Trump hafi beðið Comey um að hætta rannsókninni. Samkvæmt minnisblaði Comey frá fundinum sagði Trump: „Ég vona að þú getir sleppt þessu.“ Þetta vekur upp spurningar um hvort Trump hafi reynt að blanda sér í rannsókn á vegum alríkislögreglunnar. Í sumum fjölmiðlum hefur þessu verið líkt við Watergatemálið sem varð Richard Nixon að falli á sínum tíma.

Flynn neyddist til að segja af sér eftir að í ljós kom að hann hafði leynt tengslum sínum við Rússa fyrir embættismönnum Hvíta hússins og Trump sjálfum.

The New York Times segir að samkvæmt minnisblaði Comey frá fundi sem hann átti með forsetanum 14. febrúar, degi eftir að Flynn sagði af sér embætti, hafi forsetinn sagt að Flynn væri góður maður og hefði ekki gert neitt rangt. Comey svaraði Trump engu um að hann myndi takmarka rannsókn FBI á máli Flynn og svaraði aðeins að hann væri sammála um að Flynn væri góður maður.

Sky-fréttastofan segir að frétt The New York Times í gærkvöldi hafi komið þingmönnum mjög á óvart og að mörgum hafi verið brugðið. Jason Chaffetz, repúblikani og formaður eftirlitsnefndar fulltrúadeildarinnar, sendi FBI bréf og krafðist þess að stofnunin leggði fram öll minnisblöð, fundargerðir og upptökur í tengslum við samskipti Comey og Trump. Hann veitti FBI frest til 24. maí til að verða við þessari kröfu.

Enn eitt vandræðamálið fyrir Trump

Fréttin um beiðni Trump bættist í safn vandræðalegra mála undanfarna daga. Á mánudaginn skýrði The Washington Post frá því að Trump hefði skýrt utanríkisráðherra Rússlands frá háleynilegum upplýsingum. Áður hafði hvert vandræðamálið á fætur öðrum komið upp í valdatíð Trump.

Ef rétt reynist að Trump hafi beðið Comey að hætta rannsókn á Flynn er það alvarlegt mál því þá hefur hann reynt að hafa áhrif á yfirstandandi rannsókn. Demókratar munu örugglega segja að forsetinn sé að reyna að hindra réttarvörslukerfið í starfi sínu en spurningin er hvað repúblikanar gera.

CNN segir í umfjöllun um málið að á fyrstu 116 dögum Trump á forsetastóli hafi hann getað lifað allt það sem upp hefur komið, og það hefur verið margt, af pólitískt. Ef það komi hins vegar í ljós að minnisblað Comey sé rétt og nákvæmt þá geti allt eins farið svo að Trump geti ekki bjargað sér pólitískt.

Hvað gera þingmenn repúblikana?

Nú verða þingmenn repúblikana að gera upp við sig hvort þeir styðja Trump. Hvort þeir taki hagsmuni þjóðarinnar fram yfir hagsmuni flokksins og krefjist svara við af hverju leiðtogi þeirra reyndi að hindra framgang réttvísinnar og misnotaði vald sitt.

En stóra spurningin er auðvitað hvort þeir munu gera það. Trump mun ekki þurfa að standa skil á gjörðum sínum nema þingmenn repúblikana komi þar að máli því þeir eru með meirihluta í báðum deildum þingsins. Þeir eru með formennsku í þingnefndum sem eru að rannsaka mál Trump og tengls hans við Rússa. Þessar þingnefndir geta krafist aðgangs að öllum þeim gögnum sem talin eru mikilvæg fyrir rannsóknina.

Meirihluti repúblikana í báðum þingdeildum gerir það að verkum að þeir þurfa að koma að málum ef stefna á Trump og krefjast þess að hann verði sviptur embætti.

Stjórnmálin eru oft á tíðum illskiljanleg og erfitt að spá fyrir um framvinduna. Það er því erfitt að spá fyrir um hvort repúblikanar á þingi munu láta hollustu við þjóð sína rjúfa ærandi þögn þeirra undanfarið og krefjast svara um embættisfærslur Trump eða munu þeir halda áfram að þegja þunnu hljóði, að mestu, og reyna að standa storminn af sér?

Það gæti þó skipt máli í þessu að á næstu vikum verður kosið um tvö þingsæti sem eru laus. Það eru þingsæti fyrir Georgíu og Montana. Repúblikanar hafa haldið þingsætinu í Montana frá 1997 og í Georgíu hafa þeir haldið þingsætinu frá 1979.

En óvinsældir Trump hafa áhrif og samkvæmt skoðanakönnunum þá bendir flest til að demókratar vinni bæði þingsætin. Þetta hringir auðvitað viðvörunarbjöllum fyrir þingkosningarnar á næsta ári. Eða eins og Hannah Thomas-Peter, fréttamaður Sky í Bandaríkjunum, segir þá er ekkert sem veitir stjórnmálamönnum meiri hvatningu en þeirra eigið pólitíska líf.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Landssamband veiðifélaga krefst stjórnsýsluúttektar á Matvælastofnun

Landssamband veiðifélaga hefur skrifað Kristjáni Þór Júlíussyni ráðherra bréf þar sem þess er krafist að fram fari stjórnsýsluúttekt á eftirliti Matvælastofnunar með sjókvíaeldi á laxi. Í bréfinu er vísað til þess að í fjölmiðlum hefur verið greint frá því að í óveðri að undanförnu hafi búnaður fiskeldisfyrirtækisins Arnarlax orðið fyrir skemmdum og sjókví  hafi laskast […]

Fyrrum formaður Neytendasamtakanna hnýtir í framkvæmdarstjórann

Ólafur Arnarson, sem sagði af sér formennsku í Neytendasamtökunum í fyrra vegna ásakana um óhófleg útgjöld, gerir sér mat úr ummælum Brynhildar Pétursdóttur, framkvæmdarstjóra Neytendasamtakanna á RÚV í dag. Þar segir Brynhildur að samtökin styðji aukið frelsi á leigubílamarkaði svo framarlega sem öryggiskröfur séu í lagi.   Ólafur fullyrðir á Facebooksíðu sinni að Brynhildur hafi […]

Brynjar Níelsson: „Kannski réttara að leggja fram frumvarp sem leyfir umskurð“

Brynjar Níelsson, þingmaður Sjálfstæðisflokksins, kemur með áhugavert innlegg í umræðuna um bann við umskurði hér á landi á Facebook síðu sinni í dag. Frumvarp Silju Daggar Gunnarsdóttur hefur vakið mikla athygli hérlendis sem erlendis og sitt sýnist hverjum. Brynjar, sem er lögfræðingur að mennt, segir að almenn hegningarlög banni nú þegar líkamsmeiðingar og umskurður sé […]

Styrmir: Meðvirkni meira vandamál en mistökin í íslenskri pólitík

Styrmir Gunnarsson, fyrrum ritstjóri Morgunblaðsins, tekur undir þá skoðun að meðvirkni í íslenskri pólitík sé meira vandamál heldur en mistökin. Vísar hann til þar til orða Vilhjálms Árnasonar, prófessors í siðfræði, í Silfrinu á sunnudag. Styrmir segir: „Meðvirknin lýsir sér í því að flokksmenn þegja um mistök flokksfélaga sinna eða gagnrýna skoðanir forystumanna ekki, þótt þeir séu þeim ósammála, vegna þess […]

Umboðsmaður barna á Íslandi styður umskurðarfrumvarpið

Umboðsmaður barna á Íslandi, Salvör Nordal, segist styðja umskurðarfrumvarp Silju Daggar Gunnarsdóttur, þingmanns Framsóknarflokksins. Vísar hún til samnorrænar yfirlýsingar sem umboðsmenn barna á Norðurlöndunum skrifuðu undir fyrir fimm árum síðan, að 15 ára aldurstakmark yrði sett á slíkar aðgerðir. Salvör segist ekki hafa verið beðin um að skrifa umsögn við frumvarpið, en hafi þó verið […]

Alþjóðadagur móðurmálsins á morgun í Veröld – húsi Vigdísar

Á morgun (21. febrúar) verður haldið upp á alþjóðadag móðurmálsins í Veröld – húsi Vigdísar. Einkunnarorð alþjóðadags móðurmálsins í ár snúast um að viðhalda fjölbreytni tungumála og ýta undir fjöltyngi, sem eru einnig meginmarkmið Vigdísarstofnunar – alþjóðlegrar miðstöðvar tungumála og menningar. Haldið verður upp á daginn með áhugaverðu málþingi: „Orðabækur: Fjölbreytni tungumála, fjöltyngi og þýðingar“ þar sem rætt […]

Segir styttingu vinnuvikunnar hina nýju leiðréttingu

Börkur Gunnarsson, listamaður og fyrsti varaborgarfulltrúi Sjálfstæðisflokksins, tætir í sig verkefni vinstri meirihlutans í borginni um styttingu vinnuvikunnar í Morgunblaðinu í dag. Verkefnið sem innleitt var hjá hluta af starfsmönnum borgarinnar, um styttri vinnuviku fyrir sömu laun, kallar Börkur hina nýju leiðréttingu, með vísun í þegar Framsóknarflokkurinn undir forystu Sigmundar Davíðs Gunnlaugssonar, lofaði afmörkuðum hópi […]

Ísland vill í framkvæmdastjórn UNESCO

Framboð Íslands um setu í framkvæmdastjórn UNESCO, Menningarmálastofnun Sameinuðu þjóðanna, fyrir tímabilið 2021 til 2025 var samþykkt á ríkisstjórnarfundi síðastliðinn föstudag. Hlutverk UNESCO er að stuðla að friði og öryggi í heiminum með því að efla samvinnu þjóða í mennta-, vísinda- og menningarmálum og efla þannig almenna tiltrú og virðingu fyrir réttlæti, lögum og mannréttindum, […]

Arðgreiðslur sjávarútvegsfyrirtækja undir meðaltali

Samkvæmt samantekt Samtaka fyrirtækja í sjávarútvegi eru arðgreiðslur mun lægri til sjávarútvegsfyrirtækja en fyrirtækja í öðrum geirum atvinnulífsins frá árinu 2010-2016, byggt á tölum frá Hagstofu Íslands. Sjávarútvegurinn hefur á þessu tímabili greitt 21 prósent af hagnaði sínum í arð, en viðskiptahagkerfið án sjávarútvegs hefur greitt 31 prósent af hagnaði sínum í arð. Tekið skal […]

Vilja tryggja áframhaldandi útgáfu Bæjarins besta

Haldin var stofnfundur nýs útgáfufélags Bæjarins besta á Ísafirði um helgina. Markmiðið er að glæða fjölmiðilinn nýju lífi, en hann hefur legið í láginni undanfarið vegna fjárhagsvandræða og útgáfa prentmiðilsins verið stopul. Bæjarins besta var stofnað árið 1984, en vefmiðillinn bb.is leit dagsins ljós árið 2000. Að sögn Shiran Þórissonar, sem kosinn var í stjórn […]

Björn bölsótast út í Helgu Völu og Helga Hrafn vegna vinnubragða á Alþingi

Björn Bjarnason, fyrrum ráðherra Sjálfstæðisflokksins, fjallar um vinnubrögð Alþingis í pistli á heimasíðu sinni. Tilefnið er ummæli Helgu Völu Helgadóttur, þingmanns Samfylkingarinnar í Fréttablaðinu í dag, þar sem hún segir að lagasetning á Íslandi sé oft „óttalegt fúsk sem unnin er í fljótheitum“ og ummæli Helga Hrafns, þingmanns Pírata, um að erfitt sé að sjá […]

Óvíst hvort kæruleið barna til barnaréttarnefndar Sameinuðu þjóðanna verði tekin upp hér á landi

Árið 2011  ákvað allsherjarþing Sameinuðu þjóðanna að setja á stofn svokallaða kæruleið fyrir börn og fulltrúa þeirra sem telja að aðildarríki hafi brotið  gegn rétti barnsins, samkvæmt ákvæðum Barnasáttmálans. Bókunin tók þó ekki gildi fyrr en árið 2014. Árið 2013 var Barnasáttmáli Sameinuðu þjóðanna lögfestur á Íslandi. Hinsvegar hafa stjórnvöld á Íslandi enn ekki sótt […]

Jeremy Corbyn, leiðtogi breska Verkamannaflokksins, sakaður um njósnir fyrir Sovétríkin

Leiðtogi breska Verkamannaflokksins, Jeremy Corbyn, er í miklum vandræðum þessa dagana. The Sun birti á fimmtudag gögn sem segja að Corbyn hafi þrívegis hitt Tékkóslavneskan njósnara á árunum 1986-1987, þar af tvívegis í fulltrúardeild breska þingsins. Njósnaranum, Ján Sarkocy, var síðar vísað frá Bretlandi af Margaret Thatcher, vegna njósna fyrir Sovétríkin. Corbyn hefur viðurkennt að […]

Morgunblaðið fagnar þjóðaratkvæðisgreiðslu um svissnesk afnotagjöld

Leiðarahöfundur Morgunblaðsins í dag fjallar um tilvonandi þjóðaratkvæðisgreiðslu Svisslendinga um ríkisútvarp heimamanna, SRG, í næsta mánuði, en kosið er um hvort leggja eigi afnotagjöldin þar í landi af. Svissneska ríkisútvarpið- og sjónvarpið hefur sætt gagnrýni fyrir aukin umsvif og að „draga taum vinstrimanna“, segir leiðari Morgunblaðsins og tekur fram að slík gagnrýni eigi ekki að […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is