Mánudagur 12.06.2017 - 11:30 - Ummæli ()

Norska ríkisstjórnin hyggst banna blæjur og búrkur í öllum skólum landsins

Norska ríkisstjórnin hyggst banna þennan klæðaburð sem kallast niqab í skólum þar í landi.

Allur klæðaburður sem hylur andlit verður bannaður í norskum skólum. Bannið mun gilda bæði fyrir nemendur og starfsfólk og nær til allra skóla allt frá leikskólum til háskólastigs. Engar andlitsgrímur, andlitshettur né blæjur eða búrkur að hætti múslimakvenna verða leyfðar.

Með þessu eru reglurnar hertar frá því sem verið hefur til þessa. Hingað til hefur það verið á valdi fylkjastjórna eða skólanna sjálfra hvort leyft eða bannað sé að hylja andlit sín. Víða hafa bönn við slíku verið innleidd svo sem við Háskólann í Ósló og Akershus, Háskólann í Þelamörk, Háskólann í Austfold og í öllum framhaldsskólum í Akershus-fylki.

Við viljum ekki sjá andlitshyljandi klæðaplögg á leikskólum, né í menntastofnunum svo sem almennum skólum og háskólum. Þessi klæðnaður kemur í veg fyrir góð og eðlileg samskipti sem eru afgerandi til að nemendur hljóti góða menntun,

sagði Torbjörn Röe menntamálaráðherra Noregs á blaðamannafundi í morgun. Þar kynnti hann tillögur ríkisstjórnarinnar um nýtt lagafrumvarp sem bannar andlitshulningu í menntastofnunum sem nú verða sendar út til umsagna. Bannið mun bæði ná til einkaskóla og skóla á vegum hins opinbera, sem og til aðila sem sinna námskeiðahaldi fyrir flóttafólk og innflytjendur svo sem til að kynna fólki innviði norsks samfélags og kenna nýbúum norsku. Hvorki kennarar og annað starfsfólk né nemendur fá að hylja andlit sín verði þetta frumvarp að veruleika.

Lagafrumvarpið tryggir sömu reglur og jafnræði um land allt,

sagði menntamálaráðherrann að því er Aftenposten greinir frá. Samkvæmt frumvarpinu verður hægt að beita brottvísun gegn þeim sem ekki fari eftir reglunum. Verði þær brotnar ítrekað verður heimilt að segja fólki upp störfum eða vísa því úr skóla.

Frumvarpið hefur þegar vakið viðbrögð meðal skólafólks í Noregi. Norska stúdentasambandið (Norsk studentorganisjon) eru hagsmunasamtök háksólanema í Noregi. Talsmenn þeirra telja að áform ríkisstjórnarinnar um bann við andlitshyljandi klæðnaði sé vanhugsað. Slíkt bann snerti í raun afar fáa einstaklinga en geti hins vegar haft alvarlegar afleiðingar fyrir möguleika þeirra til að sækja sér menntun.

Rétturinn til menntunar skal gilda fyrir alla, líka þá sem velja fyrir sitt leyti einhverja valkosti sem stjórnmálamönnum mislíkar eða þeir eiga erfitt með að skilja. Ef eitthvað klæðaplagg er ekki hindrun í vegi fyrir því að kennsla geti farið fram þá er engin ástæða til að banna það,

segir Marianne K. Andenæs sem er í forsvari fyrir samtökin við Aftenposten.

Konur klæddar í búrkur. Mynd/Getty images

Notkun á múslimska kvenklæðaðinum niqab færist í vöxt meðal ungra múslimskra kvenna í Noregi. Þessi búningur er þannig að konurnar eru huldar í svartan búning frá hvirfli til ilja og með svarta blæju fyrir andliti þannig að einungis sést í augu. Þessi klæðaburður er mjög umdeildur í Noregi. Talið er að hið nýja frumvarp norsku ríkisstjórnarinnar, sem er hægristjórn Hægri flokksins og Framfaraflokksins, um bann í skólum njóti breiðs meirihlutastuðnings þingmanna flestra flokka í norska Stórþinginu. Þingmenn Verkamannaflokksin, Kristilega þjóðarflokksins, Miðflokksins og Vinstri hafa áður lagt fram svipað frumvarp.

Framfaraflokkurinn sem löngum hefur verið gagnrýninn á innflytendastefnuna í Noregi og situr nú í ríkisstjórn vill þó ganga lengst allra. Þar á bæ vilja menn banna með lögum alla notkun niqab og búrku á öllum opinberum svæðum.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Fjögur nýsköpunarfyrirtæki hljóta viðurkenningar fyrir samstarf

Í dag afhenti Kristján Þór Júlíusson sjávarútvegsráðherra viðurkenningar til fjögurra fyrirtækja innan Íslenska sjávarklasans sem skarað hafa framúr við að efla samstarf við önnur fyrirtæki. Fyrirtækin sem hlutu viðurkenningu eru Navis, Evris, Iceland Sustainable Fisheries og Knarr Maritime. Navis hlýtur viðurkenningu fyrir að efla samstarf tæknifyrirtækja um hönnun á umhverfisvænum skipum. Evris hlýtur viðurkenningu fyrir […]

Grein Hannesar á skjön við skýrslu Rannsóknarnefndar – „Því var bjargað sem bjargað varð“

Í tilefni 70 ára afmælis Davíðs Oddssonar ritar Hannes Hólmsteinn Gissurason eina og hálfa opnu um aðkomu Davíðs að bankahruninu í Morgunblaðinu í dag. Í Stundinni kemur fram að Hannes sé ósammála niðurstöðum rannsóknarnefndar Alþingis og lýsi Davíð sem bjargvætti Íslands í hruninu, en það sé söguskýring sem Hannes kenni í skyldunámskeiði í Háskóla Íslands. […]

Samkeppniseftirlitið hafnar kröfu Símans – Skilyrði samnings verða óbreytt

Samkeppniseftirlitið hefur hafnað kröfu Símans um að breyta skilyrðum samnings milli Fjarskipta hf. (Vodafone) og 365 miðla hf. Þetta kemur fram í tilkynningu frá Samkeppniseftirlitinu. Þann 9. október sl. heimilaði Samkeppniseftirlitið kaup Fjarskipta hf. (Vodafone) á tilteknum eignum og rekstri 365 miðla hf. Samruninn er háður skilyrðum sem Samkeppniseftirlitið og samrunaaðilar gerðu sátt um.   […]

Forsætisráðherra fundaði með formanni landsstjórnar Grænlands

Katrín Jakobsdóttir, forsætisráðherra, átti fund með Kim Kielsen, formanni landsstjórnar Grænlands í dag. Á fundinum var rætt um góð samskipti Íslands og Grænlands, stöðu efnahagsmála og stjórnmála. Þetta kemur fram í tilkynningu frá forsætisráðuneytinu. Mikilvægi Vestnorræna ráðsins kom til umræðu og aukin samvinna Íslands og Grænlands, meðal annars á sviði ferðamála.Vaxandi straumur ferðamanna er fyrirliggjandi […]

Skúli Helgason stefnir á 3. sætið hjá Samfylkingunni

Borgarfulltrúinn Skúli Helgason gefur kost á sér í 3. sæti í flokksvali Samfylkingarinnar fyrir komandi borgarstjórnarkosningar sem fram fer 10. febrúar næstkomandi. Þetta kemur fram í tilkynningu. Skúli hefur verið borgarfulltrúi í eitt kjörtímabil, í meirihlutasamstarfi undir forystu Samfylkingarinnar og stýrir einum viðamesta málaflokknum í borgarmálunum, skóla- og frístundamálum.   Skúli er menntaður stjórnmálafræðingur frá […]

Gjörbreyting á Kringlusvæðinu – Fyrirhuguð uppbygging gerir ráð fyrir Borgarlínu

Í dag skrifuðu Dagur B. Eggertsson borgarstjóri og Guðjón Auðunsson forstjóri Reita undir viljayfirlýsingu Reykjavíkurborgar og Reita um uppbyggingu á Kringlureitnum og verður það umfangsmesta uppbygging á svæðinu frá því verslunarmiðstöðin Kringlan var opnuð árið 1987. Reitir og Reykjavíkurborg munu vinna saman að nýju rammaskipulagi fyrir svæðið og breyta gildandi skipulagsáætlunum. Miðað er við að […]

Björn Valur: „Árni Páll til liðs við stjórnina?“

Björn Valur Gíslason, fyrrum varaformaður Vinstri grænna, veltir því fyrir sér á heimasíðu sinni hvort að Árni Páll Árnason, fyrrum formaður Samfylkingarinnar, sé ekki vel til þess fallinn að liðsinna ríkisstjórninni þegar kemur að málefnum ESB og Brexit.   Björn Valur dáðist að framgöngu Árna Páls í Silfrinu um helgina, hvar hann ræddi Brexit af […]

Reykjavíkurborg fær falleinkunn í þjónustukönnun Gallup

Reykjavíkurborg fær lægstu einkunn í nýrri þjónustukönnun Gallup, þegar þjónusta borgarinnar við leik- og grunnskóla, eldri borgara og fatlaða er borin saman við önnur sveitafélög. Þetta kemur fram á Kjarnanum.   Mælist Reykjavíkurborg einnig neðst í heildaránægju íbúa af sveitafélagi sínu. Hún mælist þó ekki neðst í öllum flokkum, þó litlu muni. Garðabær mælist efstur […]

Davíð Oddsson sjötugur í dag – „Ég er ekk­ert að hugsa um að hætta“

Davíð Oddsson, ritstjóri Morgunblaðsins og fyrrverandi forsætisráðherra, er sjötugur í dag. Af því tilefni fór hann í viðtal á útvarpsstöð Árvakurs, K100, í morgun. Þar kvaðst hann ekki ætla að setjast í helgan stein, líkt og tveir forverar hans, þeir Styrmir Gunnarsson og Matthías Johannessen gerðu þegar þeir urðu sjötugir. Davíð var hress og kátur […]

Kjartan vill endurskoða samning ríkis og borgar um samgöngumál

Kjartan Magnússon, borgarfulltrúi Sjálfstæðisflokksins, flutti tillögu þess efnis á borgarstjórnarfundi í gær, að endurskoða þyrfti samning ríkis og borgar um samgöngumál frá árinu 2013, með því augnarmiði að hægt verði að fara í stórframkvæmdir í samgöngumálum í borginni. Samningurinn kveður á um svokallað „framkvæmdarstopp í samgöngumálum Reykjavíkurborgar“ að sögn Kjartans og að ríkið veiti borginni […]

Konur brjóta blað í Atvinnuveganefnd Alþingis

Atvinnuveganefnd hefur störf á morgun að loknu jólaleyfi. Nú ber svo við að eingöngu konur stýra starfi nefndarinnar. Lilja Rafney Magnúsdóttir VG, er formaður, Inga Sæland Flokki fólksins er 1. varaformaður og Halla Signý Kristjánsdóttir Framsóknarflokki er 2. varaformaður.   Mun það ekki hafa áður gerst að eingöngu konur veittu þessari nefnd eða fyrirrennurum hennar […]

Kjartan vill vera áfram bæjarstjóri í Reykjanesbæ: „Ég er alveg til í það“

Kjartan Már Kjartansson, bæjarstjóri í Reykjanesbæ, segist áfram vilja starfa sem slíkur, en hann var ráðinn af núverandi meirihluta eftir sveitastjórnarkosningarnar árið 2014, en meirihluta skipa Bein leið, Frjálst afl og Samfylking. Kjartan er fyrrum bæjarfulltrúi Framsóknarflokksins en var ráðinn á faglegum forsendum, ekki pólitískum. Þetta kemur fram í Víkurfréttum.       Aðspurður hvort […]

Helgi Seljan sakar formann Varðar um seinheppni – Formaðurinn býður Helga í Valhöll til að læra um húmor

Í dag byrjaði utan-kjörfundaratkvæða-greiðsla í leiðtogakjöri Sjálfstæðisflokksins í Reykjavík, en leiðtogakjörið sjálft er þann 27. janúar. Vörður, fulltrúaráð sjálfstæðisfélaganna í Reykjavík, sér um framkvæmdina, en formaður hennar, Gísli Kr. Björnsson, greiddi atkvæði sitt í morgun.   Gísli birti mynd af sér við athöfnina, líkt og tíðkast. Birti hann myndina á Facebooksíðu sinni. Netverjum brá sumum […]

Stofna á ungmennaráð Heimsmarkmiða sameinuðu þjóðanna

Greint var frá fyrirhugaðri stofnun ungmennaráðs Heimsmarkmiða Sameinuðu þjóðanna á ríkisstjórnarfundi í morgun. Forsætisráðuneytið mun óska eftir umsóknum í ungmennaráð Heimsmarkmiða Sameinuðu þjóðanna 31. janúar nk. og mun sérfræðingur í þátttöku barna og ungmenna hjá UNICEF á Íslandi halda utan um skipulag og vinnu ráðsins. Eitt af meginstefum Heimsmarkmiðanna er samvinna milli ólíkra hagsmunaaðila, þ.á […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is