Fimmtudagur 15.06.2017 - 15:15 - Ummæli ()

„Það er verið að breyta Íslandi og við eigum ekki að láta það gerast“

Brynjar Níelsson þingmaður Sjálfstæðisflokks og Ögmundur Jónasson fyrrum þingmaður VG og dómsmálaráðherra.

Ögmundur Jónasson og Brynjar Níelsson ræddu vopnaburð lögreglu í Bítinu á Bylgjunni í morgun við þá Heimi Karlsson og Gunnlaug Helgason og eru þeir félagar eru á öndverðu meiði um þetta líkt og svo margt annað. Ögmundur var formaður BSRB í á þriðja áratug og segist því vel þekkja til starfs lögreglumanna enda mikið unnið með forsvarsmönnum þeirra í gegnum árin. Það hafi verið upplifun hans að langflestir lögreglumenn, einkum þeir sem eldri voru hafi verið alfarið á móti því að lögreglumenn bæru vopn, því „vopnaburður, hann kallar á víxlverkun“ eins og Ögmundur orðar það.

Með því að vígbúa lögreglu segir Ögmundur að yfirbragð þjóðfélagsins breytist og eðli löggæslunnar sé annað þegar vopn eiga í hlut. Í stað þess að láta lögreglumenn fá vopn leggur fyrrum dómsmálaráðherra til að lögreglan verði efld með ýmsum hætti, til að mynda með því að fjölga lögreglumönnum.

Það gerðist því miður í kjölfar Hrunsins, meðal annars undir minni verkstjórn að skorið var ótæpilega niður við lögregluna,

segir Ögmundur og bætir við að ekki hafi verið komist hjá þessum niðurskurði en hann hafi einungis átt að vera tímabundinn vegna efnahagsþrenginga. Aðspurður hvort hann sjái eftir þessum niðurskurði viðurkennir Ögmundur að of langt hafi verið gengið á sínum tíma. Það sé brýnna að hlúa betur að lögreglunni en að vopna hana.

Illa mönnuð, undirmönnuð lögregla, vopnuð, það er ekkert sérstaklega farsæll kokteill,

segir Ögmundur.

Mynd/Getty

Róm og Reykjavík

Brynjar Níelsson, þingmaður Sjálfstæðisflokks segir það rangt að verið sé að vopnavæða lögregluna. Nú séu sérstakar aðstæður sem metnar sú þannig að vopnaburður er nauðsynlegur af lögreglu. Það sé ekki hans að meta hvort það mat sé á rökum reist eða ekki. Þetta sé eitthvað sem lögreglu sé í sjálfsvald sett að ákveða og hann furðar sig á því að „allt fari á annan endann“ út af því.

Aðspurður um það hvort að það sé ekki undarlegt að vopnaðir menn stilli sér upp í fjölskylduhlaupi líkt og Litahlaupinu segir Brynjar það í samræmi við þá þróun sem sé í gangi í löndunum í kringum okkur og nefnir það að þegar hann heimsótti Róm á Ítalíu fyrr á þessu ári voru vopnaðir menn á torgi einu sem hann fór um.

„Róm og Reykjavík er ekki það sama,“ segir Heimir Karlsson annar stjórnanda Bítisins.

Ef að fjöldi kemur saman er Róm og Reykjavík það sama,

svarar Brynjar.

Rómarborg og Vatíkanið.

Þurfum við að vera eins og hinir?

En er það ósanngjarnt að gagnrýna lögreglu fyrir þessar aðgerðir ef að hún býr yfir upplýsingum sem réttlæta það að hún vopnist? Það er mat Ögmundar að slíkar upplýsingar verði þá að vera gerðar opinberar. Þegar sú ákvörðun er tekin að lögreglan verði með byssur á fjölskylduskemmtun eins og 17. júní verða að vera fyrir því haldbær rök en hann telur að líklegra sé að skýringin sé sú sem Brynjar nefnir, að lögreglan hér sé að elta þróunina annars staðar í Evrópu.

Við þurfum að vera eins og hinir, líka vopnaðir,

segir Ögmundur og bætir við:

Það er hætta á ferðum í öllu mannlegu samfélagi, alltaf.

Það er verið að breyta Íslandi

Öryggi eykst ekki með vopnaðir gæslu segir Ögmundur en Heimir nefni dæmi um skotárás sem átti sér stað í Bandaríkjunum í gær þar sem vopnaðir lögreglumenn felldu mann sem skaut þingmann í bandarísku fulltrúadeildinni. Gæti það sama ekki gerst á Íslandi? Því hafnar Ögmundur og segir þetta „hræðsluaðstæður“ og veltir því fyrir sér hvort að Bandaríkin séu virkilega það land sem við viljum horfa til í þessum efnum þar sem fjöldi fólks sé skotinn á degi hverjum.

Það er verið að breyta Íslandi og við eigum ekki að láta það gerast,

segir fyrrum þingmaður Vinstri grænna um það að vopnum búin lögregla sjáist á fjölskylduhátíðum. Það verði að horfa til almennrar skynsemi, ekki bara mats lögreglu.

Viljum við að einn maður geti stráfellt mörg hundruð manns því enginn er á varðbergi,

spyr Brynjar á móti og að enginn svari þeirri spurningu játandi. Hann skilji sjónarmið Ögmundar en reglurnar séu þannig að það sé mat lögreglu sem ráði ferðinni.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Menntamálaráðherra: Eina sem hægt er að gera er að fá gerandann til að láta af þessu háttalagi

Kristján Þór Júlíusson menntamálaráðherra segir að vandinn í tengslum við kynferðislega áreitni sé miklu meiri en hann hafi gert sér grein fyrir. Um sé að ræða einstaklinga sem fari gegn eðlilegri háttsemi í samskiptum og það eina sem hægt sé að gera sé að fá þá til að láta af þessari háttsemi. Meira en 300 […]

Hagar hafa lengi skoðað sjálfsafgreiðslu í matvöruverslunum: Verður stór þáttur í framtíðinni

Finnur Árnason forstjóri Haga segir fyrirtækið hafa lengið skoðað að innleiða sjálfsafgreiðslu í matvöruverslunum en hár kostnaður hafi helst staðið í vegi fyrir innleiðingu slíks búnaðar hér á landi. Sjálfsafgreiðsla tíðkast víða í Bandaríkjunum og Evrópu þar sem viðskiptavinir sjá sjálfir um að skanna strikamerki og borga fyrir vöruna án þess að eiga samskipti við […]

Bráðum mega landsmenn eiga lögheimili í sumarbústöðum

Brátt geta þeir sem aldrei vilja fara heim úr sumarbústaðnum tekið gleði sína en til skoðunar er að breyta lögum um lögheimili til að gera fólki kleift að vera þar með lögheimili. Sama gildir um atvinnuhúsnæði. Fram kom á ráðstefnu Reykja­víkuraka­demí­unn­ar og Reykja­vík­ur­borg­ar sl. föstu­dag um ólög­legt hús­næði og óleyfisbúsetu, sem greint er frá í […]

Björn Valur: Bjarni sækir fast að því að fá sjötta ráðherrann

Bjarni Benediktsson formaður Sjálfstæðisflokksins sækir fast að því að fá sex ráðherra í hlut Sjálfstæðisflokksins í ríkisstjórninni en Vinstri græn og Framsóknarflokkurinn taka það ekki í mál. Þetta segir Björn Valur Gíslason fyrrverandi varaformaður Vinstri grænna í færslu á Fésbók. Björn Valur segir Sjálfstæðismenn eiga í miklum vandræðum með ráðherraval í væntanlegri ríkisstjórn Sjálfstæðisflokks, VG […]

Kjartan ósáttur við söluna og kaupin á OR-húsinu: „Furðulegur fjármálagjörningur“

Kjartan Magnússon borgarfulltrúi Sjálfstæðisflokksins segir að salan og kaup Orkuveitu Reykjavíkur á OR-húsinu á Bæjarhálsi sé furðulegur fjármálagjörningur og sé mjög kostnaðarsamur fyrir íbúa Reykjavíkur og íbúum annarra sveitarfélaga sem eiga Orkuveituna. Árið 2013 seldi Orkuveitan húsnæðið fyrir 5,1 milljarð króna til lífeyrissjóða og fjárfestingafélaga en hélt áfram að leigja húsnæðið. Síðar kom í ljós […]

Oktavía Hrund kjörin formaður Pírata i Evrópu

Oktavía Hrund Jónsdóttir var kjörin stjórnarformaður Pírata í Evrópu á fundi sem haldinn var í Prag um helgina. Oktavía er varaþingmaður Pírata í Suðvesturkjördæmi og alþjóðafulltrúi framkvæmdaráðs Pírata á Íslandi. Hún er með MA gráðu í alþjóðlegri þróunarfræði og samskiptum frá Hróarskelduháskóla. Oktavía situr í stjórn Freedom of the Press Foundation og síðstu ár hefur […]

Mismunandi niðurstöður jafn réttar

Á heimasíðu Hæstaréttar hefur nú verið birt viðtal við Eirík Tómasson sem lét af störfum sem dómari við réttinn 1. september s.l. Það er nýbreytni í starfi réttarins að birta svona efni á heimasíðu sinni. Gaman væri að heyra hvernig starfsháttum við þessa léttmetissíðu er háttað. Hver er ábyrgðarmaður síðunnar? Hver tók viðtalið við Eirík? […]

Morgunblaðið: Hvað um samband Kristjáns og Rósu? „Einkalíf Rósu B. er ekki til umræðu á samfélagsmiðlum“

Í Staksteinum í Morgunblaðinu eru fjölmiðlar gagnrýndir fyrir umfjallanir um einkalíf Sigmundar Davíðs og Bjarna Benediktssonar forsætisráðherra. Á meðan hjólað sé á ósanngjarnan hátt í þessa tvo stjórnmálamenn sé farið silkihöndum um aðra og er Rósa B. Brynjólfsdóttir, þingmaður Vg, sérstaklega nefnd í því samhengi. Staksteinar Morgunblaðsins byrja á þessum orðum: „Pál Vilhjálmsson bendir á. […]

Verri þjónusta er betri þjónusta

Ef eitthvað er idjótískt í nútímanum – og er í rauninni angi af þeirri nauðhyggju að öll tækniþróun sé skilyrðislaust af hinu góða – þá er það þegar reynt er að sannfæra mann um að lakari þjónusta sé í raun betri þjónusta.

Samtök atvinnulífsins segja kominn tíma til að stytta grunnskólanám: Getur mildað áhrif kennaraskorts

Samtök atvinnulífsins segja það vera kominn tími til að skoða af alvöru að stytta grunnskólanám um eitt ár. Fram kemur í grein á vef SA að það kunni að felast verðmæt tækifæri í að láta grunnskólann ná aðeins upp í 9.bekk, þar á meðal sé hægt að hægt að hækka laun kennara og milda áhrif […]

Björn Valur: Þarf að staðfesta að endurritið sé hið raunverulega samtal

Björn Valur Gíslason er í bankaráði Seðlabankans. Hann segir alvarlegt að trúnaðargögn hafi farið úr bankanum og endað á fjölmiðli. Þar á hann við símtal Davíðs Oddssonar þáverandi seðlabankastjóra og Geirs H. Haarde þáverandi forsætisráðherra sem birt var í Morgunblaðinu um helgina. Fjölmargir fjölmiðlar hafa reynt að fá samtalið afhent frá Seðlabankanum en verið hafnað. […]

Píratar vinna við að bjarga heimasíðu Sjálfstæðisflokksins

Þingmenn og áhrifamenn innan Pírata vinna nú að því að bjarga vefsíðum vefhýsingarfyrirtækisins 1984 sem hrundi í síðustu viku. Margar vefsíðu fóru illa út úr hruninu, þar á meðal vefur Eiríks Jónssonar sem og vefir Pírata og Sjálfstæðisflokksins. Fram kom í twitter-færslu frá 1984 í gær að þingmennirnir Helgi Hrafn Gunnarsson og Smári McCarthy ynnu […]

Magnús: Eitthvað allt annað en gagnleki þegar upplýsingarnar eru notaðar eftir hentugleika

„Gagnalekar sem hafa þann tilgang að upplýsa almenning um sitthvað misjafnt, jafnvel lögbrot, í störfum og fjármálum ráða- og efnamanna hafa löngu sannað mikilvægi sitt fyrir framgang lýðræðisins. En að hafa á brott með sér upplýsingar frá ríkisstofnun, þegar viðkomandi er sagt upp störfum, til þess að nýta þær upplýsingar svo eftir hentugleika jafnvel mörgum […]

Kjarkur Katrínar

Kolbrún Bergþórsdóttir skrifar: Það virðist ekki eiga sérlega vel við stóran hóp innan Vinstri grænna að horfast í augu við þá ábyrgð sem fylgir því að taka að sér stjórn landsins. Þar er einungis horft í eina átt – til vinstri – þrátt fyrir að úrslit nýafstaðinna kosninga hafi síst af öllu verið ákall um vinstri […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is