Föstudagur 16.06.2017 - 10:28 - Ummæli ()

„Umræður um öryggismál hér á landi mótast oft af kjánalegri kaldhæðni, skilningsleysi eða vanþekkingu“

Í umræðunni um vopnaburð lögreglunnar hafa margir lagt orð í belg og er óhætt að segja að skoðanir séu skiptar. Ummæli Lífar Magneudóttur, borgarfulltrúa Vinstri grænna og forseta borgarstjórnar hafa vakið furðu í sumum kreðsum, meðal annars í Staksteinum Morgunblaðins og í dag birtist grein í sama blaði eftir Björn Bjarnason, fyrrum þingmann og ráðherra með yfirskriftinni „Sérstæð óvild forystumanna VG í garð lögreglunnar“.

Sjá fréttir: Gunnar Bragi: Ummæli Lífar Magneudóttur (Vg) um öryggisviðbúnað fyrir neðan allar hellur

Vill bregðast við hryðjuverkum með sérfræðingum í áfallastreitu fremur en sérsveitarmönnum

Að sögn Björns hefur forystufólk innan Vinstri grænna verið fremst í flokki þeirra sem gagnrýnt hafa lögreglu fyrir að bera vopn á fjöldasamkomum í Reykjavík líkt og Litahlaupinu síðastliðinn laugardag og landsleik Íslands og Króatíu á Laugardalsvellinum. Katrín Jakobsdóttir formaður VG hefur kallað eftir skýringum á því hvers vegna gripið var til þessara ráðstafana og ætlaði að leita skýringa hjá ríkislögreglustjóra á fundi þjóðaröryggisráðs.

Sjá fréttir: „Það er verið að breyta Íslandi og við eigum ekki að láta það gerast“

„Opinberast fjandskapur forystumanna VG við lögregluna“

Segir umræðuna um öryggismál einkennast af vanþekkingu

Björn Bjarnason. Mynd/DV

Björn segir það hafa komið skýrt fram hvers vegna lögregla ákvað að grípa til þessara ráðstafana, lögreglan í Króatíu hafi varað við komu hóps af fótboltabullum og hættumati ríkislögreglustjóra hefur verið breytt og nú er talið nauðsynlegt að löggæsla sé efld á fjöldasamkomum.

Eftir fund þjóðaröryggisáðsins á öruggu svæði á Keflavíkurflugvelli þann 12. júní síðastliðinn ræddi Katrín við fréttamann RÚV og kom fram í máli hennar að hún legði áherslu á það að gagnsæi ríkti um þessar ákvarðanir lögregluyfirvalda og daginn eftir útskýrði Haraldur Johannessen Ríkislögreglustjóri röksemdafærslu lögreglu samkvæmt grein Björns.

Umræður um öryggismál hér á landi mótast oft af kjánalegri kaldhæðni, skilningsleysi eða vanþekkingu. Þetta birtist nú vegna þessara ákvarðana lögreglunnar,

skrifar Björn og segir að stjórnvöld hér á landi hafi sömu skuldbindingar gagnvart þegnum sínum og önnur ríki, að tryggja öryggi borgaranna. Ef ekki er staðið við þessar skuldbindingar „er vá fyrir dyrumׅ.“

Segir viðhorf VG undarleg

Í grein sem Steinunn Þóra Árnadóttir, þingmaður VG og nefndarkona í utanríkismálanefnd ritaði og birtist í Fréttablaðinu þann 23. nóvember 2015 kom fram að hún teldi vænlegustu leiðina til að vinna sigur á hryðjuverkamönnum að „að styrkja menntakerfi, heilbrigðiskerfi og velferðarkerfi og tryggja öllum þjóð- félagshópum þátttöku í lýðræðislegu samfélagi“. Þetta segir Björn að hún hafi viljað gera, „opna félagsmiðstöð“, í stað þess að senda lögreglu í hverfi í Brussel þaðan sem öfgamenn hafa hreiðrað um sig, handataka 21 manns og gera upptæk vopn.

Í ummælum sem Steinunn Þóra viðhafði í samtali við Morgunblaðið þann 11. júní, í kjölfar vopnaburðar sérsveitarmanna á götum Reykjavíkur daginn áður segir Björn að hún hafi gefið í skyn að lögreglan sé það sem beri að óttast hér á landi, því lögreglan væri fámenn en vopnum búin. Þetta „undarlega viðhorf“ er að mati Björns ekki einskorðað við Steinunni Þóru, það sé ríkjandi innan efstu laga Vinstri grænna.

Björn tekur einnig fyrir ummæli forseta borgarstjórnar sem hún lét falla á Facebook síðu sinni.

Óvild forseta borgarstjórnar í garð lögreglunnar birtist í orðum hennar um skort á samráði við stjórnendur borgarinnar þegar staðfest er að borgaryfirvöld voru upplýst um áform um aukna löggæslu,

segir Björn og þetta vera í anda þess sem hann þekkti af þingmönnum VG í janúar 2009 þegar lögregla stóð vörð um þinghúsið og glímdu við mótmælendur.

Kjörnir fulltrúar VG voru ekki á móti lögreglunni þá vegna búnaðar hennar heldur vegna þess að hún tryggði öryggi þingsins. Forkastanleg framganga Álfheiðar Ingadóttur, þingmanns VG, er enn í minnum höfð.

Leifar af hugmyndafræði kommúnista og anarkista frá síðustu öld?

Páll Magnússon þingmaður Sjálfstæðisflokksins. Mynd: DV/Sigtryggur Ari

Páll Magnússon þingmaður Sjálfstæðisflokks lét þau ummæli falla á Facebook að viðhorf VG sé „einhvers konar úr sér gengið og öfugsnúið afsprengi þeirrar hugmyndar kommúnista og anarkista á síðustu öld, að lögreglan sé í eðli sínu óvinur almennings. Hún sé tæki auðvaldsins til að kúga alþýðuna“.

Björn segir að „breið samstaða“ hafi verið um málefni þjóðaröryggisráðs á Alþingi en hún hafi verið viðkvæm. Það sé engu að síður undarlegt að hún sé í hættu vegna þess að lögreglan sé vopnuð. Hann spyr að lokum hvort það sé ætlun Vinstri grænna að rjúfa þessa samstöðu með því að halda því fram að okkur standi meiri ógn af lögreglunni en úr öðrum áttum.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Stjórn Alþjóða gjaldeyrissjóðsins gefur Íslandi háa einkunn

Stjórn Alþjóða gjaldeyrissjóðsins IMF fagnar frammistöðu íslenska hagkerfisins þar sem saman fari mikill hagvöxtur, lág verðbólga, uppbygging gjaldeyrisforða, afgangur á afkomu hins opinbera og á viðskiptajöfnuði, ásamt lækkandi skuldabyrði hins opinbera. Traust tök á hagstjórninni og uppgangur í ferðaþjónustu síðustu misserin hafi stuðlað að þessari hagfelldu þróun. Sendinefnd á vegum Alþjóðagjaldeyrissjóðsins var hér á landi […]

Ekki pólitískt gerlegt að ganga í Evrópusambandið og taka upp evru

Benedikt Jóhannesson fjármálaráðherra segir að ef ekki væri fyrir Viðreisn væri enginn að skoða breytta peningastefnu. Enginn stjórnmálaflokkur tali nú gegn stöðugra gengi og hans flokkur sé eini flokkurinn sem hafi bent á aðra leið en að skipta um gjaldmiðil til að ná því. Í viðtali við Kjarnann í dag segir fjármálaráðherra að hann myndi […]

„Engin dæmi um að ríkisstjórn sé komin niður í þriðjungs fylgi eftir hálft ár“

Í nýjustu skoðanakönnun MMR mælist ríkisstjórnin með 30,3% fylgi. Stjórnin var mynduð um miðjan janúar og hefur því nú starfað í rúmt hálft ár. Sjálfstæðisflokkur Bjarna Benediktssonar mælist sem fyrr stærsti flokkur landsins en ef kosið yrði í dag yrði mjög tvísýnt hvort Viðreisn Benedikts Jóhannessonar og Björt Framtíð Óttars Proppé næðu inn á þing. […]

Bónus og Krónan eru íslenskum neytendum mikilvægari en Costco

Í dag er einn mánuður liðinn frá opnun verslunar Costco í Kauptúni. Costco hefur vægast sagt fengið góð viðbrögð hjá íslenskum neytendum en nýleg könnun MMR leiddi í ljós að nærri helmingur landsmanna 18 og eldri væri búinn að fara í Costco. Síðasta sumar kom út skýrsla ráðgjafarfyrirtækisins Zenter sem sagði að Costco myndi hafa […]

Forstjóri N1 segir Costco „markaðssnillinga“: „Íslenska brjálæðið“

Eggert Þór Kristófersson forstjóri N1 segist ekki hafa áhyggjur af innkomu Costco á íslenskan eldsneytismarkað, sagan hafi kennt að nýjungar á markaði séu mjög vinsælar fyrst um sinn en svo dragist það saman. Í helgarblaði DV sem kom út í dag er rætt við forstjóra íslensku olíufélaganna sem segjast ekki hafa miklar áhyggjur af þessum […]

Benedikt sannfærður um stuðning almennings: „Þess vegna hef ég lýst yfir stríði á hendur skattsvikum“

Benedikt Jóhannesson fjármála- og efnahagsráðherra segist sannfærður um að almenningur styðji stríð hans gegn skattsvikurum. Meðal tillagna í skýrslu starfshóps ráðherra sem kynnt var í gær var að draga úr noktun peningaseðla og taka 10.000 króna og 5.000 króna seðla úr umferð, þar að auki verði sett hámarksupphæð á vörur og þjónustu sem má kaupa […]

Hætta talin á frekari berghlaupum í Grænlandi: Söfnun hafin til aðstoðar Grænlendingum

Vegna hafíss og lélegs skyggnis hefur leit verið hætt í bili að þeim fjórum sem saknað er frá þorpinu Nuugaatsiaq. Talin er veruleg hætta á frekari risaberghlaupum úr fjallshlíðum sem ganga í sjó fram við Karrat-Ísfjörðinn þar sem berghlaup varð á laugardagskvöld. Grannt er fylgst með fjallshlíðunum og fólk í viðbragðsstöðu því berghlaupin gætu hæglega […]

Hæstiréttur: Sérstakt veiðigjald er skattur

Vinnslustöðin hf. í Vestmannaeyjum sótti á árinu 2016 mál gegn íslenskra ríkinu vegna ágreinings um sérstakt veiðigjald. Ágreiningur aðila laut að því hvort Vinnslustöðin ætti rétt á endurgreiðslu sérstaks veiðigjalds, sem lagt hafði verið á vegna aflaheimilda og landaðs afla skipa fyrirtækisins fiskveiðiárið 2012/2013 og íslenska ríkið hafði innheimt hjá Vinnustöðinni á grundvelli laga nr. […]

Þingmenn Pírata og Sjálfstæðisflokks á einu máli: „Galið“

Þingmenn Pírata og Sjálfstæðisflokks, þeir Smári McCarthy og Teitur Björn Einarsson, eru sammála um að hugmynd Benedikts Jóhannessonar fjármála- og efnahagsráðherra um að leggja 10.000 og 5.000 króna peningaseðlum sé röng og galin. Segir Teitur Björn að besta ráðið gegn skattsvikum sé að hafa skatta lága og skattkerfið gegnsætt og skilvirkt. Meðal tillagna í skýrslu […]

Hagfræðingar ánægðir: Gott mál að taka seðlana úr umferð

Jón Steinsson hagfræðingur segir mjög gott mál að taka 5.000 og 10.000 króna seðlana úr umferð, undir það tekur Gylfi Magnússon fyrrverandi viðskiptaráðherra. Ákvörðun Benedikts Jóhannessonar fjármála- og efnahagsráðherra um að taka seðlana úr umferð á næstunni hefur vakið hörð viðbrögð, segir Egill Helgason að þetta sé „einhver fávitalegasta efnahagsaðgerð sem maður hefur heyrt um“ […]

„Ógeðsleg árás á alþýðu þessa lands“

„Þegar þú kaupir vöru með korti debet eða kreditkorti greiðir seljandinn 0,4-3,9% til kortafyrirtækisins sem gefur út kortið. Sem sagt af hverjum 1000 krónum sem þú eyðir á kortið þitt fær Borgun og Kreditkort 4 – 39 krónur. Fjármálaráðherra er með þessari aðgerð að auka tekjur kortafyrirtækjana og banka umtalsvert. Ég læt alveg ósagt hversu […]

10 og 5 þúsund króna seðlarnir verði teknir úr umferð: „Við lýsum bókstaflega yfir stríði gegn skattsvikum“

Benedikt Jóhannesson fjármála- og efnahagsráðherra segir skattsvikurum stríð á hendur, einn liður í því er að taka 10.000 króna seðilinn úr umferð. Benedikt sagði á blaðamannafundi í ráðuneytinu í morgun að í kjölfar upplýsinga úr Panamaskjölunum hafi aukist meðvitund um að undanskotum væri beitt með markvissum hætti til að komast undan skattskyldu, í janúar var […]

Skipalest heimsækir Hvalfjörð á morgun– fórna Íshafsskipalestanna til Sovétríkjanna minnst

Í fyrramálið, föstudagmorgun, mun skipalest fimm herskipa og kafbáts undir forystu varðskipsins Týs sigla inn Hvalfjörð og á gamla herskipalægið við Hvítanes. Þar verður haldin minningarathöfn og blómsveig varpað í fjörðinn. Þetta er gert til að minnast skipalestasiglinganna milli Hvalfjarðar og Norðvestur-Rússlands í seinni heimsstyrjöld. Þetta voru hinar svokölluðu Íshafsskipalestir. Einnig er viðburðurinn til að minnast […]

Arnþrúður hjólar í Jón Trausta og Stundina – Búrkan var útivistarfatnaður

Arnþrúður Karlsdóttir útvarpsstjóri Útvarps Sögu segist vona að Jón Trausti Reynisson ritstjóri Stundarinnar hafi lært eitthvað af dómi héraðsdóms og láti það vera að níða niður fólk með aðrar  lífsskoðanir. Í harðorðuðum pistli sem Arnþrúður birtir á Fésbókarsíðu sinni ræðir hún dóm Héraðsdóms Reykjavíkur sem sektaði Stundina um 200 þúsund krónur fyrir að nota 15 […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is