Sunnudagur 18.06.2017 - 18:00 - Ummæli ()

Sorglegar hátíðir?

Sérsveit ríkislögreglustjóra að störfum. Mynd úr safni.

Þær eru ágætar systurnar Melankólía og Nostalgía, og sér í lagi á sumrin þegar miðnætursólarbirtan slær á þær bjarma. Þá er ekki skuggsýnt í augnkrókum þeirra.

Það getur verið töfrandi að stíga úr takti venjubundinna daga; Sjómannadagshelgin kemur í kjölfar Hvítasunnuhelgar í ár, og nú ber 17.júní upp á helgi líka. Sumarsins hátíð með einhverjum hætti út í gegn – ef við höfum ráðrúm til.
Það er hluti af fegurðinni við að árin safnast að manni, að minningar tengdar þessum dögum verða fleiri og með nýjum upplifunum – t.a.m. þar sem ég sem foreldri reyni að miðla galdri „hátíðarinnar“ til afkomenda – verður sjóðurinn stærri. Og oft gaman að tína til úr honum.
 Það eru viðburðir sem standa útúr sem marka framrás tímans í minninu. Rétt eins og það getur vakið unað manns að rifja upp sumarnætur milli tektar og tvítugs, þá man ég alltaf óttann og hryllinginn sem skreið niður bakið á mér þegar ég mætti fyrst lögreglumönnum með vélbyssur. Það var líka að sumri til – en í öðru landi. Og ég var öllu yngri. Við erum mis vel gerð þegar kemur að því að greina á milli þess hvort að byssur eru í „réttum“ höndum eða „röngum“ þegar okkur er einfaldlega illa við byssur.
Ríkið í ríkinu
Síðastliðna helgi afhjúpaði sig ákveðinn armur í þjóðskipulaginu, ríki í ríkinu, öryggissveitir hr. Jóhannessens, eða hvað þær nú heita. Þetta er undarlegur og myrkur hugur á bakvið ljúfan og þægilegan front hinnar almennu lögreglu sem vinnur störf sín í þágu borgaranna og oftast í ágætu samstarfi við þá. Þarna fá blautir hermannadraumar að klekjast út í leynum, hjúpaðir slagorðum um öryggi, og ala á tortryggni og vantrausti í annars friðsömu landi. Einhverjir vilja meina að heimurinn sé harðari – og benda til að mynda á að morð hafi verið framið í síðustu viku – en þar komu sannarlega engin vopn við sögu. Þar er mannlegur harmleikur á ferð. Ekki táknmynd þess að sérsveitir Ríkislögreglustjóra eigi nú að manna vörð á allar fjöldasamkomur.
Eftirmálar þess að stórum trukkum hafi verið lagt fyrir götur „til að verja“ mannfjölda á hátíðarsamkomum í höfuðborginni og að vopnaðir verðir hafi staðið vörð um „frjálslyndið og fíflaskapinn“ á Litahlaupinu, eru að mínu mati sorglegir. Það er fátt um það að segja. Kaldhæðnin virkar ekki þegar stjórnmálamenn skella í lás og brugga varnartaktík þegar umræðan fer á flug. Þjóðaröryggisráð kemur saman á öruggum stað, sagði í fréttum. Í sprengjuskýli. Ef við höldum ekki sönsum þá fer okkur að finnast þetta eðlilegt. Hefði Þjóðaröryggisráðið ekki getað hittst í lautarferð í Hljómskálagarðinum með sama árangri?
Virðingin fyrir lögreglunni
Það er mikilvægt að ungviðið sé alið upp við að lögreglan sé í eðli sínu mannleg og traust, að til hennar sé auðvelt að leita. Að þegar einn gengur á rétt annars, þá sé hægt að treysta því að „valdstjórnin“ verndi þann sem á undir högg að sækja. Það er hugmyndin á bakvið réttarríkið og inngrip almennrar lögreglu í líf borgaranna. Lögreglan er ekki tæki í höndum ríkisvaldsins til þess að stýra „stemningunni“ í þjóðfélaginu – eins og gerist í alræðisríkjum – og hún er ekki ríki í ríkinu sem Ríkislögreglustjóri stýrir án aðhalds frá lýðræðislega kjörnum fulltrúum á Alþingi. Ég vil sannarlega að mín börn beri traust til og virði störf lögreglunnar. En þá verður allt í kringum vopnaburð sérstakra hópa innan hennar og fréttaflutningur af störfum þess sérstaka hóps að vera í lagi. Ekki hálfsannleikar, blekkingar eða furðusögur af meintri aukinni hættu á „einhverju“ – því þannig er nú mál með vexti að á bakvið hryðju- og voðaverk er alltaf merking; afstaða gegn einhverju sem viðkomandi samfélag stendur fyrir. Okkar aðstæður eru þær að ef við eigum að óttast voðaverk – þá ættum við að horfa til reynslu frænda okkar Norðmanna fremur en lykilþjóða í nýlendukúgun og heimskapítalisma. Hvert var gervi terroristans þar?
Töpuð gildi?
Þegar fram líða stundir mun það fylla huga okkar fortíðarþrá að hugsa til tímans „áður en“ – ef sú lenska festir sig í sessi að hafa íslenska sérsveitarmenn í ísraelskum löggubúningum með byssur á lær á öllum mannamótum. En það tryggir „litla herliðið“ í herlausa landinu í sessi.
 Á dögunum var frétt af störfum „sveitarinnar“ á forsíðu Fréttablaðsins hvar sagði að útköll hennar væru „næstum því fimm á viku“ – og þótti staðfesta tilverurétt hennar. Sögurnar af þessum útköllum og hversu lítil raunþörf var á veru viðkomandi þegar þau áttu sér stað er annar veruleiki. Það er óþarfi að fara útí hártoganir um það allt hér því það er það sem sagði í áframhaldandi texta undir fyrirsögninni sem vakti enn meiri athygli. Fyrir utan það að „fréttatilkynning“ sveitarinnar sýndi fram á tölu sem var rétt rúmlega fjögur skipti í viku þá var heildarfjöldi útkalla á árinu 2016 nákvæmlega 108. Og ef það er fólk í vinnu við að gæta öryggis borgaranna með byssum sem vill ekki að vikurnar í árinu séu 52 eins og hjá okkur hinum þá eru tengslin á milli almennings og valdsins rofin. Þá eru blekkingarnar byrjaðar.
Og her á stofn settur.
Fjölmiðlum ber að veita slíku rofi athygli og okkur sem foreldrum ber að kenna börnunum hvað er satt og rétt í hverju máli, eftir bestu getu. Bjóðum ekki þeim systrum, Melankólíu og Nostalgíu, að handsama og fangelsa drauminn um Ísland sem herlaust land.
Við eigum betra skilið.
Arnaldur Máni Finnsson
«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Afstaða flokkanna: Á Þjóðkirkjan að vera á fjárlögum?

Eyjan mun fram að kjördegi bjóða framboðum sem taka þátt í Alþingiskosningunum 28. október næstkomandi að svara spurningum um ýmis málefni, allt frá húsnæðismálum til menntamála. Í dag er spurt: Á Þjóðkirkjan að vera á fjárlögum? Svörum flokkanna er raðað eftir listabókstaf framboðsins.   Björt framtíð – X-A   Björt framtíð er frjálslyndur flokkur sem […]

Kosningar 2017: Þorgerður Katrín um Vestfirði

Spurningar um Vestfirði vegna Alþingiskosninganna 2017, sem sendar voru öllum forsvarsmönnum framboða í Norðvesturkjördæmi. Tilefni: Skýrsla Byggðastofnunar um hagvöxt landshlutans 2008 – 2015. Útg. ágúst 2017. Upplýsingar sem fram koma í skýrslunni: Hagvöxtur á Vestfjörðum:  -6% ,     en  +4% á landinu öllu. Íbúaþróun:  -4,6% , en +4,3% á landinu öllu. Framleiðsla á mann:  -2%,  en […]

Aðskilnaður stjórnmála og viðskipta

Það sem helst má draga fram sem ástæðu stjórnarslitanna og snemmbúinna Alþingiskosninga er gífurlega uppsöfnuð gremja almennings út í klíkuskap og sérmeðferð útvalinna í þjóðfélaginu. Skemmst er að minnast þingkosninganna í fyrra sem urðu af sömu ástæðu. Panama skjölin drógu fram að hópur fólks í þjóðfélaginu geymdi fé sitt erlendis og leyndi auðævum sínum. Ekki […]

Virkjum kraft eldri borgara

Benedikt Jóhannesson, fjármálaráðherra og þingmaður Norðausturkjördæmis skrifar: Á sínum tíma var kannski eðlilegt að miða við að fólk ynni til sjötugs. Það er ekki lengra síðan en árið 1970 að meðalævi íslenskra karlmanna var um sjötíu ár og konur lifðu heldur lengur. Samhliða lengri ævi hefur heilsa almennt batnað, þannig að það á sjaldnast við […]

Sjálfstæðisflokkurinn með þriggja prósentustiga forskot á VG

Sjálfstæðisflokkurinn mælist nú með stuðning 22,9% kjósenda. Vinstri græn koma þar á eftir með 19,9%. Þetta kemur fram í niðurstöðum nýrrar könnunnar MMR. Bæði Vinstri græn og Sjálfstæðisflokkurinn hafa bætt við sig fylgi frá síðustu mælingu MMR sem lauk 18. október 2017 en þá mældist Sjálfstæðisflokkurinn með 19,9% og Vinstri græn með 19,1% fylgi. Fylgi […]

Fjölskyldubönd fréttamanns RÚV við Stundina reita Björn Bjarnason til reiði: Kannski ráð að leggja RÚV niður?

Björn Bjarnason, fyrrverandi ráðherra Sjálfstæðisflokksins, gagnrýnir fréttastofu RÚV, sem hann kallar FRÚ, harðlega og vekur meðal annars athygli á því að fréttamðurinn Aðalsteinn Kjartansson, sem flutti um helgina frétt um samskipti Glitnis og Bjarna Benediktssonar, er bróðir Ingibjargar Daggar, annars ritstjóra Stundarinnar, sem byrjaði að segja fréttir upp úr gögnum frá þrotabúi Glitnis þar til […]

Eva hjólar í Viðreisn: „Af hverju ættu kjósendur að treysta þessu aftur?“

Eva H. Baldursdóttir frambjóðandi Samfylkingarinnar í Reykjavík segir ekkert að marka loforð Viðreisnar í gjaldmiðla-, Evrópu- og sjávarútvegsmálum, segir hún á Fésbók að Viðreisn hafi sýnt spilin þegar flokkurinn fór í ríkisstjórn með Sjálfstæðisflokknum og ekki hafi verið minnst á þessi atriði í stjórnarsáttmála: „Það er alveg sama hvað menn reikna – Viðreisn sýndi á […]

Helgi Seljan svarar Agnesi: Gögnin um Karl Vigni voru „stolin“

Fjölmiðlamaðurinn Helgi Seljan gagnrýnir orð Agnes M. Sigurðardóttir, biskup Íslands, um stolin gögn og segir að umfjöllun Kastljóss um barnaníðinginn Karl Vigni Þorsteinsson hafi verið að hluta byggð á slíkum gögnum. Agnes lét í viðtalið við Morgunblaðið þau orð falla að henni þætti það ekki ekki siðferðilega rétt að „stela gögnum og fara á bak […]

Sigurður Kári: RÚV dró upp kolranga mynd: „Við vorum ekki í hagsmunagæslu fyrir Glitni“

„Að RÚV vinni fréttir úr stolnum gögnum sem lögbann hefur verið lagt við að nýtt séu til fréttaskrifa er eitt. Annað er tilgangur þessarar umfjöllunar ríkisfréttastofunnar, viku fyrir kosningar, sem engum dylst hver er,“ segir Sigurður Kári Kristjánsson fyrrverandi þingmaður Sjálfstæðisflokksins um umfjöllun RÚV um samskipti Bjarna Benediktssonar formanns Sjálfstæðisflokksins við Glitni þegar Bjarni var […]

Biskup Íslands: Ekki réttlætanlegt að stela gögnum til að afhjúpa mál

Agnes M. Sigurðardóttir biskup Íslands segir það ekki siðferðislega rétt að stela gögnum til þess að afhjúpa mál og leiða sannleikann í ljós. Nokkur umræða hefur skapast um lögbann sýslumanns á notkun Stundarinnar á gögnum sem fengin eru innan úr Glitni og notkun þeirra í fréttaflutningi af viðskiptum Bjarna Benediktssonar formanns Sjálfstæðisflokksins þegar hann var […]

VG stærst í höfuðborginni – Sjálfstæðisflokkur í kraganum – Stofnandi Viðreisnar dytti af þingi

Vinstri græn mælast með 29,6% fylgi í Reykjavík norður og 27,9% í Reykjavík suður, en aðeins 16,6% í Suðvesturkjördæmi, kraganum, og 17,9% í Suðurkjördæmi. Á sama tíma mælist Sjálfstæðisflokkurinn með 17,3% í Reykjavík norður, 24,3% í Reykjavík suður, 31,4% í kraganum og 26,6% í Suðurkjördæmi. Þetta kemur fram í nýrri könnun Félagsvísindastofnunar Háskóla Íslands sem […]

Um eina af uppáhaldsbókum Bubba Morthens

Einar Kárason skrifar: Ég heyrði um daginn viðtal við Bubba Morthens ljóðskáld með meiru þar sem hann gat um sumar af sínum eftirlætisbókum, þar á meðal ævisögu Sigurðar Ingjaldssonar frá Balaskarði, sem hefur verið í miklu uppáhaldi hjá sjálfum mér alveg frá því ég heyrði Indriða G. Þorsteinsson lesa hana sem kvöldsögu í útvarpinu fyrir […]

Kosningar 2017: Þórhildur Sunna Ævarsdóttir um Vestfirði

Spurningar um Vestfirði vegna Alþingiskosninganna 2017, sem sendar voru öllum forsvarsmönnum framboða í Norðvesturkjördæmi. Tilefni: Skýrsla Byggðastofnunar um hagvöxt landshlutans 2008 – 2015. Útg. ágúst 2017. Upplýsingar sem fram koma í skýrslunni: Hagvöxtur á Vestfjörðum:  -6% ,     en  +4% á landinu öllu. Íbúaþróun:  -4,6% , en +4,3% á landinu öllu. Framleiðsla á mann:  -2%,  en […]

Kosið um festu og stöðugleika

Það er ekki nema ár síðan við stóðum í nákvæmlega sömu sporum og nú: Alþingiskosningar framundan. Er þetta ekki allt í lagi – er bara ekki í góðu lagi að kjósa einu sinni á ári? Nei, það er ekki í lagi! Þessi óstöðugleiki í stjórnmálunum; þetta eilífa rót og tætingur er stærsta ógnin við þann […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is