Sunnudagur 02.07.2017 - 13:31 - Ummæli ()

Nýr dómur: Norðmenn hrósa hafréttarlegum sigri í Smugunni í Barentshafi

Norskt kort sem sýnir Smuguna svokölluðu í Barentshafi. Normenn kalla hana „Smutthullet.“ Mynd af vef NRK.

Í síðustu viku féll dómur í Noregi sem talinn er hafa mikið fordæmisgildi í tenglsum við veiðiréttindi á alþjóðlega hafsvæðinu suðaustur af Svalbarða sem kallað er Smugan. Íslendingar stunduðu þorskveiðar þar um miðbik tíunda áratugarins og stóðu í deilum vegna þess við Norðmenn og Rússa. Smugan liggur bæði að norskri og rússneskri landhelgi auk þess sem vesturmörk hennar eru að hinu svokallaða Svalbarðasvæði.

Ágreiningnum um þorskveiðarnar í Smugunni lyktaði með því að Íslendingum var úthlutað þorskveiðiheimildum í Barentshafi.

Síðan þetta var hefur ríkt þokkalegur friður um fiskveiðar á hafsvæðinu sem kallað er Smugan. Á undanförnum árum hafa hins vegar verið teknar upp veiðar á krabbategund einni sem kallast snjókrabbi og lifir í austanverðu Barentshafi og þar með talið í Smugunni. Skip af ýmsum þjóðernum hafa stundað þessar veiðar þar sem krabbinn er fangaður í gildrur. Þau hafa meðal annars athafnað sig í Smugunni og útgerðir þeirra talið að þær væru þar í fullum rétti til veiða án þess að spyrja kóng né prest þar sem þetta væri alþjóðlegt hafsvæði. Árið 2014 settu norsk stjórnvöld hins vegar einhliða reglur sem banna snjókrabbaveiðar án leyfis Norðmanna í Smugunni.

Norskur fiskibátur á veiðum í Barentshafi.

Í júlí 2016 létu norsk yfirvöld á þetta reyna. Krabbaveiðiskip frá Litháen var tekið fyrir meintar ólöglegar veiðar í Smugunni og lögreglustjórinn í Finnmerkurfylki í Norður-Noregi krafðist þess að útgerðin greiddi tvær og hálfa milljón norskra króna í sekt. Það jafngildir tæplega 31 milljón íslenskra króna á gengi dagsins.

Útgerðin féllst ekki á þetta og málinu var vísað til dóms í þingrétti sem er neðsta af þremur dómstigum í Noregi. Þar var kveðinn upp sýknudómur. Norsk stjórnvöld áfrýjuðu þeim dómi til millidómstigsins sem er lögmannarétturinn. Hann kvað upp sinn dóm í síðustu viku. Þar var dómsniðurstöðu þingréttarins snúið við. Útgerðin skal greiða upphaflegu sektina og skipstjórinn fær 15 þúsund norskra krónu sekt.

Lars Fause saksóknari telur þennan dóm þýðingamikinn sigur fyrir Noreg:

Noregur hefur unnið þjóðarréttindi yfir stóru hafsvæði þar sem að öllum líkindum finnast milljarðaverðmæti í formi snjókrabba og kóngakrabba sem veiða má á hafsbotni þar,

segir Fause við norska ríkisútvarpið NRK.

Hann telur ákveðið að Smugan svokallaða sé nú hafsvæði sem ekki er lengur opið til nytja fyrir hvern sem kjósi að gera slíkt.

Dómurinn hefur slegið því föstu að Noregur getur sett reglurnar þarna og að norska Strandgæslan geti framfylgt þeim. Nú getur Strandgæslan framfylgt þeim bæði skýrt og ákveðið í Smugunni.

Norska freigátan Roald Amundsen, stödd á dögunum við Hvítanes í Hvalfirði. Norðmenn hafa endurnýjað stóran hluta af her- og strandgæsluskipaflota sínum á undanförnum árum, ekki síst til að geta staðið vörð um hafréttarlega hagsmuni sína. Þetta skip er tíu ára gamalt.

Fause segir að Noregur hafi árið 2009 fengið samþykki innan Sameinuðu þjóðanna til að lýsa yfir efnahagslegri grunnslóð utan 200 sjómílna marka Noregs á því svæði sem kallist Smugan. Árið eftir hafi Noregur og Rússland samið um ákveðna miðlínu á svæðinu sem skipti auðæfum svo sem gasi og olíu í hafsbotninum milli landanna tveggja. Jarðfræðingar hafa þegar gefið út að gríðarlegar auðlindir af því tagi sé sennilega að finna í Smugunni.

Að sögne Fause mun Smugan enn sem fyrr teljast alþjóðlegt hafsvæði en það gildi einungis um sjálfan sjóinn á svæðinu. Hafsbotninn og auðlindir undir honum og á, tilheyri hins vegar Noregi og Rússlandi.

Búist er við að snjókrabbaveiðidómi norska Lögmannaréttarins verði áfrýjað til Hæstaréttar Noregs. Fause saksóknari segist ekki óttast það:

Ákæruvaldið mun enn á ný mæta vel undirbúið til leiks þar.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Guðlaugur Þór gaf Íslendingasögurnar í sænskri þýðingu

Guðlaugur Þór Þórðarson, utanríkisráðherra, afhenti Alice Bah Kunke, menningarmálaráðherra Svíþjóðar, til gjafar Íslendingasögurnar í sænskri þýðingu við hátíðlega athöfn í Uppsölum í dag. Í ræðu sinni rakti ráðherra sagnaarfinn og þýðingu Íslendingasagnanna enn þann dag í dag. „“Ber er hver að baki nema bróður sér eigi“, segir í sögnunum og er þar vísað til vopnaðra […]

Ríkisstjórnin lýsir yfir vantrausti á kjararáð- Myndar starfshóp um „breytt fyrirkomulag“ og „úrbætur“

Ríkisstjórnin hefur skipað starfshóp um kjararáð, í samráði við „heildarsamtök á vinnumarkaði“, líkt og segir í tilkynningu frá forsætisráðuneytinu. „Hópurinn skal bera saman fyrirkomulag um ákvörðun launa hjá kjörnum fulltrúum, dómurum og embættismönnum í nágrannalöndum og leggja fram tillögur að breyttu fyrirkomulagi launaákvarðana kjararáðs, sé annað fyrirkomulag talið líklegra til betri sáttar í þjóðfélaginu til […]

Gunnar Atli ráðinn aðstoðarmaður Kristjans Þórs

Kristján Þór Júlíusson, sjávarútvegs- og landbúnaðarráðherra, hefur ráðið Gunnar Atla Gunnarsson sem aðstoðarmann sinn. Hann hefur störf í ráðuneytinu í dag. Kristján Þór mun þar með hafa tvo aðstoðarmenn en fyrir er Inga Hrefna Sveinbjarnardóttir sem er sem stendur í fæðingarorlofi. Gunnar Atli er stúdent frá Menntaskólanum á Ísafirði, með Mag. Jur. í lögfræði frá […]

Vilhjálmur Bjarnason: „Borgin stundar mikinn fjandskap við íbúa sína“

Vilhjálmur Bjarnason, frambjóðandi í leiðtogakjöri Sjálfstæðisflokksins fyrir næstu borgarstjórnarkosningar, skrifar grein í Morgunblaðið í dag, hvar hann fer yfir helstu hugðarefni sín í borgarmálunum. Eru þar húsnæðis- og velferðarmál ofarlega á baugi, en athygli vekur að Vilhjálmur minnist lítið sem ekkert á samgöngumál eða borgarlínu, en hann hefur þó áður lýst yfir efasemdum um hana, […]

Strætó að eldast – Um helmingur 10 ára eða eldri

Samgöngumál borgarinnar eru nú í brennidepli, þegar styttist í sveitastjórnarkosningar. Ljóst er að samgöngumál verða eitt af stóru kosningamálunum, ekki síst almenningssamgöngur, þar sem Borgarlínan hefur verið í forgrunni. En hvernig stendur Strætó ? Samkvæmt Jóhannesi Rúnarssyni, framkvæmdarstjóra Strætó, eru 49 af 95 strætisvögnum fyrirtækisins 10 ára eða meira og eru tveir þeirra 18 ára […]

Borgin úthlutaði lóðum fyrir 1711 íbúðir árið 2017

Alls voru samþykktar lóðaúthlutanir fyrir 1.711 íbúðir í borgarráði á síðasta ári. Mikill meirihluti úthlutaðra lóða var fyrir byggingarfélög sem starfa án hagnaðarsjónarmiða. Borgarráð fékk kynningu á úthlutunum lóða á fundi sínum í gær. Þetta kemur fram í tilkynningu frá borginni. Úthlutað var lóðum fyrir 1.711 íbúðir í borgarráði í fyrra. Af þeim eru 1.422 […]

Forsætisráðherra í heimsóknarhug

Katrín Jakobsdóttir forsætisráðherra var á faraldsfæti í gær, en hún heimsótti bæði umboðsmann barna og Seðlabankann. Umboðsmaður barna, Salvör Nordal, gerði Katrínu grein fyrir stefnumótun og áherslum embættisins fyrir tímabilið 2018 til 2022. Fram kom að embættið telur brýnt að efla stefnumótun á mörgum sviðum sem tengjast börnum. Grunnur að því sé greining á stöðu […]

Þórir Guðmundsson ráðinn fréttastjóri Stöðvar 2, Bylgjunnar og Vísis

Þórir Guðmundsson hefur verið ráðinn fréttastjóri Stöðvar 2, Bylgjunnar og vísir.is. Þetta kemur fram í tilkynningu frá Vodafone. Þórir er með meistaragráðu í alþjóðlegum samskiptum frá Boston University og B.A. gráðu í Blaða- og fréttamennsku frá University of Kansas. Þórir starfaði sem fréttamaður á fréttastofu Stöðvar 2, fyrst á árunum 1986 til 1999 og svo […]

Dauðans alvara – eftir Jón Pál Hreinsson og Pétur G. Markan

Þegar þessi orð eru skrifuð hefur einangrun Djúpsins verið viðvarandi frá laugardagskvöldi 13. janúar. Hvað þýðir það í nútímasamfélagi? Frá 13. janúar hafa allir vegir verið lokaðir til svæðisins, vegna ófærðar og snjóflóða, og flugsamgöngur verið stopular til landshlutans, vegna óhagstæðra vinda. Tvær megin orsakir eru til grundvallar þessari eingangrun; erfitt flugvallarstæði á Ísafirði og […]

ESB ræðst gegn plastmengun: Meira af plasti en fiski í sjónum árið 2050 með sama áframhaldi

Samkvæmt nýrri áætlun Evrópusambandsins verða allar plastumbúðir gerðar úr endurvinnanlegu efni fyrir árið 2030, dregið verður verulega úr notkun einnota plasts og skorður settar við notkun örplasts. Áætlun Evrópusambandsins til að bregðast við plastmengun er ætlað að vernda náttúruna, verja íbúana og styrkja fyrirtækin. Áætlunin er sú fyrsta sinnar tegundar og á að stuðla að […]

Stefnt að opnun neyslurýma fyrir vímuefnaneytendur

Svandís Svavarsdóttir heilbrigðisráðherra hefur sett af stað vinnu í velferðarráðuneytinu til að undirbúa opnun neyslurýma fyrir langt leidda vímuefnaneytendur. Neyslurými sem þessi eru þekkt úrræði erlendis og byggjast á hugmyndafræði skaðaminnkunar. Alþingi samþykkti í maí árið 2014 ályktun um að stefna í vímuefnamálum skyldi endurskoðuð „á grundvelli lausnamiðaðra og mannúðlegra úrræða, á forsendum heilbrigðiskerfisins og […]

Arnar Þór Sævarsson verður aðstoðarmaður félags- og jafnréttismálaráðherra

Ásmundur Einar Daðason félags- og jafnréttismálaráðherra hefur ráðið Arnar Þór Sævarsson, fráfarandi sveitarstjóra á Blönduósi aðstoðarmann sinn í velferðarráðuneytinu. Arnar Þór útskrifaðist úr lögfræði frá Háskóla Íslands árið 1999 og tók ári síðar réttindi til að gegna lögmennsku. Hann hefur gegnt stöðu sveitarstjóra á Blönduósi frá árinu 2007. Áður var hann aðstoðarmaður Jóns Sigurðssonar, þáverandi […]

Virtur læknir óttast að Trump fái hjartaáfall-Mældist með hættulega hátt kólesteról

Donald Trump Bandaríkjaforseti var sagður við hestaheilsu í reglubundinni læknisskoðun sinni á dögunum, þegar hann var skoðaður af lækni Hvíta hússins, Dr. Ronny L. Jackson. Sagði læknirinn að hjarta- og æðakerfi Trumps væri í fínu standi, þrátt fyrir að LDL kólesteról magnið mældist 143, sem er langt yfir viðmiðunarmörkum. LDL kólesteról er gjarnan nefnt „vonda“ […]

Una María kosin formaður Miðflokksfélags Suðvesturskjördæmis

Miðflokkurinn stofnaði flokksfélag Suðvesturkjördæmis í gærkvöldi í Glersalnum í Kópavogi, samkvæmt tilkynningu frá Miðflokknum. Gestir fundarins voru þeir Sigmundur Davíð Gunnlaugsson formaður Miðflokksins og Gunnar Bragi Sveinsson þingmaður Suðvesturkjördæmis. Miðflokksfélag Suðvesturkjördæmis er annað kjördæmafélag Miðflokksins sem stofnað er, en nýlega var stofnað Miðflokksfélag í Suðurkjördæmi. Félagið hefur, samkvæmt nýsamþykktum lögum þess, þann tilgang að vinna […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is