Fimmtudagur 06.07.2017 - 13:53 - Ummæli ()

Donald Trump ráðalaus gagnvart ögrunum N-Kóreumanna

Donald Trump Bandaríkjaforseti.

Eftir Björn Bjarnason:

Í Bandaríkjunum rifja menn nú upp að Donald Trump sagði á Twitter snemma í janúar 2017, eftir að hann var kjörinn forseti, að Norður-Kóreumenn mundu ekki gera tilraun með langdræga eldflaug sem næði frá landi þeirra til Bandaríkjanna. Jafnframt er sagt að þá hafi hann hvorki vitað hve litlu munaði að Kim Jong-un einræðisherra næði þessu markmiði sínu né hve fá úrræði Bandaríkjaforseti hefði til að stöðva hann. Forsetinn hafi í raun engin ráð andspænis þessum ögrunum.

Nú hefur Bandaríkjastjórn staðfest að Norður-Kóreumenn gerðu tilraun með langdræga eldflaug þriðjudaginn 4. júlí. Þeir ættu nú eldflaug sem næði að minnsta kosti til Alaska. Ekki er langt undan að flaug verði send á loft frá N-Kóreu sem dregur til annarra hluta Bandaríkjanna en Alaska. Á hinn bóginn er enn talið að nokkur ár líði þar til þeir hafi burði til að setja kjarnaodd á slíka eldflaug.

Kim Jong-un harðstjóri og hershöfðingjar hans fagna eldflaugaskotinu.

William J. Perry, fyrrv. varnarmálaráðherra Bandaríkjanna, sagði nýlega að geta N-Kóreumanna til að ná til Bandaríkjanna „breytti öllum útreikningum“. Bandaríkjamenn óttast ekki að Kim Jong-un geri forvarnarárás á vesturströnd Bandaríkjanna, það jafngilti sjálfsmorði.  Að Kim hafi getu til að svara árás á þennan hátt breytir öllum áætlunum Bandaríkjamanna um hvernig haga skuli varnarsamstarfi þeirra við bandamenn sína í þessum heimshluta.

Norður-Kóreumenn sendu flaug sína á loft sama dag og Bandaríkjamenn fögnuðu þjóðhátíðardegi sínum. Haft var eftir Kim Jong-un í n-kóreska ríkisútvarpinu að færa þyrftu „bandarísku skúrkunum“ fleiri „gjafir“. Þá var sagt að Kim hefði „lagt áherslu á að langvinn barátta gegn bandarísku heimsvaldasinnunum væri komin á lokastig og tímabært væri fyrir DPRK [Norður-Kóreu] að sýna Bandaríkjamönnum baráttuhug sinn með því að láta reyna á viljastyrk þeirra í andstöðu við viðvaranir“.

Leiðtogar 20 helstu iðnríkja heim hittast um helgina í Hamborg. Á leið sinni þangað hefur forseti Kína heimsótt Moskvu og Berlín en Donald Trump fer til Póllands og hittir þar leiðtoga NATO-ríkja í austurhluta Evrópu.

Hvarvetna ber vopnaglamur N-Kóreumanna hátt í viðræðum um þróun alþjóðamála. Öryggisráð Sameinuðu þjóðanna kom saman miðvikudaginn 5. júlí til að ræða aðgerðir gegn N-Kóreumönnum. Þær hafa dugað skammt til þessa.

Donald Trump hefur hvað eftir annað skorað á kínversk stjórnvöld að þrýsta á ráðamenn í N-Kóreu og fá þá til að halda aftur af sér í vígbúnaði. Til þessa hafa þær hvatningar skilað litlu og undanfarna daga hefur spenna magnast milli herja Kína og Bandaríkjanna á S-Kínahafi. Bandaríkjamenn viðurkenna ekki ráð Kínverja yfir hafsvæðum sem þeir hafa lagt undir sig þar, meðal annars með gervieyjum.

Nýlega sökuðu Kínverjar bandaríska flotann um að ögra sér og fullveldi sínu á S-Kínahafi með því að senda skip inn á svæði sem Kínverjar segjast hafa lokað fyrir skipum annarra landa.

Birtist fyrst á vef Varðbergs.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Guðlaugur Þór gaf Íslendingasögurnar í sænskri þýðingu

Guðlaugur Þór Þórðarson, utanríkisráðherra, afhenti Alice Bah Kunke, menningarmálaráðherra Svíþjóðar, til gjafar Íslendingasögurnar í sænskri þýðingu við hátíðlega athöfn í Uppsölum í dag. Í ræðu sinni rakti ráðherra sagnaarfinn og þýðingu Íslendingasagnanna enn þann dag í dag. „“Ber er hver að baki nema bróður sér eigi“, segir í sögnunum og er þar vísað til vopnaðra […]

Ríkisstjórnin lýsir yfir vantrausti á kjararáð- Myndar starfshóp um „breytt fyrirkomulag“ og „úrbætur“

Ríkisstjórnin hefur skipað starfshóp um kjararáð, í samráði við „heildarsamtök á vinnumarkaði“, líkt og segir í tilkynningu frá forsætisráðuneytinu. „Hópurinn skal bera saman fyrirkomulag um ákvörðun launa hjá kjörnum fulltrúum, dómurum og embættismönnum í nágrannalöndum og leggja fram tillögur að breyttu fyrirkomulagi launaákvarðana kjararáðs, sé annað fyrirkomulag talið líklegra til betri sáttar í þjóðfélaginu til […]

Gunnar Atli ráðinn aðstoðarmaður Kristjans Þórs

Kristján Þór Júlíusson, sjávarútvegs- og landbúnaðarráðherra, hefur ráðið Gunnar Atla Gunnarsson sem aðstoðarmann sinn. Hann hefur störf í ráðuneytinu í dag. Kristján Þór mun þar með hafa tvo aðstoðarmenn en fyrir er Inga Hrefna Sveinbjarnardóttir sem er sem stendur í fæðingarorlofi. Gunnar Atli er stúdent frá Menntaskólanum á Ísafirði, með Mag. Jur. í lögfræði frá […]

Vilhjálmur Bjarnason: „Borgin stundar mikinn fjandskap við íbúa sína“

Vilhjálmur Bjarnason, frambjóðandi í leiðtogakjöri Sjálfstæðisflokksins fyrir næstu borgarstjórnarkosningar, skrifar grein í Morgunblaðið í dag, hvar hann fer yfir helstu hugðarefni sín í borgarmálunum. Eru þar húsnæðis- og velferðarmál ofarlega á baugi, en athygli vekur að Vilhjálmur minnist lítið sem ekkert á samgöngumál eða borgarlínu, en hann hefur þó áður lýst yfir efasemdum um hana, […]

Strætó að eldast – Um helmingur 10 ára eða eldri

Samgöngumál borgarinnar eru nú í brennidepli, þegar styttist í sveitastjórnarkosningar. Ljóst er að samgöngumál verða eitt af stóru kosningamálunum, ekki síst almenningssamgöngur, þar sem Borgarlínan hefur verið í forgrunni. En hvernig stendur Strætó ? Samkvæmt Jóhannesi Rúnarssyni, framkvæmdarstjóra Strætó, eru 49 af 95 strætisvögnum fyrirtækisins 10 ára eða meira og eru tveir þeirra 18 ára […]

Borgin úthlutaði lóðum fyrir 1711 íbúðir árið 2017

Alls voru samþykktar lóðaúthlutanir fyrir 1.711 íbúðir í borgarráði á síðasta ári. Mikill meirihluti úthlutaðra lóða var fyrir byggingarfélög sem starfa án hagnaðarsjónarmiða. Borgarráð fékk kynningu á úthlutunum lóða á fundi sínum í gær. Þetta kemur fram í tilkynningu frá borginni. Úthlutað var lóðum fyrir 1.711 íbúðir í borgarráði í fyrra. Af þeim eru 1.422 […]

Forsætisráðherra í heimsóknarhug

Katrín Jakobsdóttir forsætisráðherra var á faraldsfæti í gær, en hún heimsótti bæði umboðsmann barna og Seðlabankann. Umboðsmaður barna, Salvör Nordal, gerði Katrínu grein fyrir stefnumótun og áherslum embættisins fyrir tímabilið 2018 til 2022. Fram kom að embættið telur brýnt að efla stefnumótun á mörgum sviðum sem tengjast börnum. Grunnur að því sé greining á stöðu […]

Þórir Guðmundsson ráðinn fréttastjóri Stöðvar 2, Bylgjunnar og Vísis

Þórir Guðmundsson hefur verið ráðinn fréttastjóri Stöðvar 2, Bylgjunnar og vísir.is. Þetta kemur fram í tilkynningu frá Vodafone. Þórir er með meistaragráðu í alþjóðlegum samskiptum frá Boston University og B.A. gráðu í Blaða- og fréttamennsku frá University of Kansas. Þórir starfaði sem fréttamaður á fréttastofu Stöðvar 2, fyrst á árunum 1986 til 1999 og svo […]

Dauðans alvara – eftir Jón Pál Hreinsson og Pétur G. Markan

Þegar þessi orð eru skrifuð hefur einangrun Djúpsins verið viðvarandi frá laugardagskvöldi 13. janúar. Hvað þýðir það í nútímasamfélagi? Frá 13. janúar hafa allir vegir verið lokaðir til svæðisins, vegna ófærðar og snjóflóða, og flugsamgöngur verið stopular til landshlutans, vegna óhagstæðra vinda. Tvær megin orsakir eru til grundvallar þessari eingangrun; erfitt flugvallarstæði á Ísafirði og […]

ESB ræðst gegn plastmengun: Meira af plasti en fiski í sjónum árið 2050 með sama áframhaldi

Samkvæmt nýrri áætlun Evrópusambandsins verða allar plastumbúðir gerðar úr endurvinnanlegu efni fyrir árið 2030, dregið verður verulega úr notkun einnota plasts og skorður settar við notkun örplasts. Áætlun Evrópusambandsins til að bregðast við plastmengun er ætlað að vernda náttúruna, verja íbúana og styrkja fyrirtækin. Áætlunin er sú fyrsta sinnar tegundar og á að stuðla að […]

Stefnt að opnun neyslurýma fyrir vímuefnaneytendur

Svandís Svavarsdóttir heilbrigðisráðherra hefur sett af stað vinnu í velferðarráðuneytinu til að undirbúa opnun neyslurýma fyrir langt leidda vímuefnaneytendur. Neyslurými sem þessi eru þekkt úrræði erlendis og byggjast á hugmyndafræði skaðaminnkunar. Alþingi samþykkti í maí árið 2014 ályktun um að stefna í vímuefnamálum skyldi endurskoðuð „á grundvelli lausnamiðaðra og mannúðlegra úrræða, á forsendum heilbrigðiskerfisins og […]

Arnar Þór Sævarsson verður aðstoðarmaður félags- og jafnréttismálaráðherra

Ásmundur Einar Daðason félags- og jafnréttismálaráðherra hefur ráðið Arnar Þór Sævarsson, fráfarandi sveitarstjóra á Blönduósi aðstoðarmann sinn í velferðarráðuneytinu. Arnar Þór útskrifaðist úr lögfræði frá Háskóla Íslands árið 1999 og tók ári síðar réttindi til að gegna lögmennsku. Hann hefur gegnt stöðu sveitarstjóra á Blönduósi frá árinu 2007. Áður var hann aðstoðarmaður Jóns Sigurðssonar, þáverandi […]

Virtur læknir óttast að Trump fái hjartaáfall-Mældist með hættulega hátt kólesteról

Donald Trump Bandaríkjaforseti var sagður við hestaheilsu í reglubundinni læknisskoðun sinni á dögunum, þegar hann var skoðaður af lækni Hvíta hússins, Dr. Ronny L. Jackson. Sagði læknirinn að hjarta- og æðakerfi Trumps væri í fínu standi, þrátt fyrir að LDL kólesteról magnið mældist 143, sem er langt yfir viðmiðunarmörkum. LDL kólesteról er gjarnan nefnt „vonda“ […]

Una María kosin formaður Miðflokksfélags Suðvesturskjördæmis

Miðflokkurinn stofnaði flokksfélag Suðvesturkjördæmis í gærkvöldi í Glersalnum í Kópavogi, samkvæmt tilkynningu frá Miðflokknum. Gestir fundarins voru þeir Sigmundur Davíð Gunnlaugsson formaður Miðflokksins og Gunnar Bragi Sveinsson þingmaður Suðvesturkjördæmis. Miðflokksfélag Suðvesturkjördæmis er annað kjördæmafélag Miðflokksins sem stofnað er, en nýlega var stofnað Miðflokksfélag í Suðurkjördæmi. Félagið hefur, samkvæmt nýsamþykktum lögum þess, þann tilgang að vinna […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is