Fimmtudagur 13.07.2017 - 19:14 - Ummæli ()

Gunnar hætti sem ritstjóri eftir að hann kallaði Ingu Sæland „Nasista ömmu“

Inga Sæland og Gunnar Waage. Samsett mynd/DV

Gunnar Hjartarson hefur sagt af sér sem ritstjóri vefritsins Sandkassinn eftir aðeins rúmar þrjár vikur í starfi, Gunnar tilkynnti afsögn sína í kjölfar umleitana blaðamanns Eyjunnar um að komast í samband við hann eftir að hann birti pistil í gær á Sandkassanum þar sem hann kallaði Ingu Sæland, formanns Flokks fólks, „Nasista ömmu“.

Í gær birti Sandkassinn greinina „Nasista Ömmurnar“ eftir þáverandi ritstjóra síðunnar, Gunnar Hjartarson. Í greininni setur hann Ingu Sæland í hóp með eldri konum sem munu vera yfirlýstir nasistar. Segir Gunnar að meintur málflutningur Ingu, um að öryrkjar og aldraðir hafi það slæmt á Íslandi vegna komu hælisleitenda til landsins, sé sami málflutningur og nasistar voru með á dögum Þriðja ríkisins:

Þessi málflutningur er nákvæmlega sá sami og nasistar boðuðu á sínum tíma en munurinn er sá að Inga ræðst gegn öðrum minnihlutahópum en gyðingum,

Gunnar Hjartarson. Haraldur segir í samtali við Eyjuna að búið sé að eiga við myndina í myndvinnsluforriti.

sagði Gunnar í pistlinum. Sandkassinn hefur vakið nokkra athygli í netheimum fyrir herská skrif sín gegn þeim sem eru á móti komu hælisleitenda til Íslands, hefur vefritið meðal annars birt lista yfir Íslendinga sem vefritið kallar „nýrasista“, en þar má meðal annars finna fjölmiðlafólk sem og þingmenn og fyrrverandi forsætisráðherra. Gunnar Hjartarson tók við sem ritstjóri Sandkassans þann 20.júní síðastliðinn þegar Gunnar Waage steig til hliðar. Hávær orðrómur hefur gengið um að Gunnar Hjartarson og Gunnar Waage sé einn og sami maðurinn og reyndi blaðamaður Eyjunnar að ná tali af Gunnari Hjartarsyni í gær og í dag en án árangurs. Í kjölfar umleitana blaðamanns um að fá að tala við Gunnar Hjartarson, hvort sem það sé í gengum síma eða í eigin persónu, fékk blaðamaður þau svör frá Gunnari Waage um að Gunnar Hjartarson væri hættur sem ritstjóri Sandkassans. Í gærkvöldi birti Gunnar Hjartarson svo færslu á Fésbók um að hann hefði stigið til hliðar sem ritstjóri Sandkassanns. Ein ástæðan fyrir því væri að hann vilji ekki gera líf sitt opinbert og setja þannig fjölskyldu sína í hættu:

Fremsti mannréttindavefur landsins þarf að hafa hugrakka menn sem eru tilbúnir að stíga það skref að koma opinberlega fram í fjölmiðlum sem andlit þeirrar stefnu sem þeir boða. Ég lifi sjálfur ósköp venjulegu og þægilegu lífi. Á ekki mikið af seðlum en góða fjölskyldu sem mér er mjög annt um. Vil ég fyrir enga muni setja fjölskyldu mína í stórhættu með að gera líf mitt opinbert og fá brjálaða rasista og öfgamenn á hæla mér,

sagði Gunnar Hjartarson og þakkaði Gunnari Waage og nýjum ritstjóra, Haraldi Davíðssyni, fyrir að þora að koma fram. Haraldur sagði í samtali við Eyjuna í dag að hann skyldi vel þá ákvörðun um að koma ekki fram opinberlega þar sem bæði hann og Gunnar Waage hefðu þurft að sæta hótunum af hálfu ofbeldismanna vegna skrifa þeirra á Sandkassann. Aðspurður um hvort Gunnar Hjartarson og Gunnar Waage væru sami maðurinn sagði Haraldur:

Þetta er búið að vera mjög skemmtileg brella hjá ákveðnum hópi þjóðreminga hérna að þeir vilja bara ekki trúa því að fleiri manneskjur en Sema Erla og Gunnar Waage geti verið á móti þeim.

Haraldur segist þó ekki hafa hitt Gunnar Hjartarson í eigin persónu á þeim tíma sem þeir hafi setið saman í ritstjórn Sandkassans, en hann hafi oft og mörgum sinnum talað við hann á netinu. Segir Haraldur að þeir hafi þekkst í nokkur ár. Telur hann ekki trúlegt að Gunnar Hjartarson geti verið sami maðurinn og Gunnar Waage þar sem þeir noti önnur stílbrögð í skrifum sínum.

„Best er að þetta er allt fullorðið fólk“

Haraldur segir þeir sem sitji í ritstjórn Sandkassans standa undir sífelldum hótunum, þar á meðal frá þekktum ofbeldismönnum sem hafi til dæmis brotið glugga á heimili Gunnars Waage, því skilji hann vel að Gunnar Hjartarson vilji ekki stíga fram:

Það er verið að birta heimilisföngin okkar, heimilisföng foreldra okkar, börnin okkar eru dregin inn í þetta til að reyna að ógna okkur,

segir Haraldur. Oft sé um að ræða gervimenni á netinu, fólk sem sigli undir fölsku flaggi á Fésbók, sem þeir hafi nokkrum tilfellum flett ofan af. Haraldur segir þetta allt makalaust:

Best er að þetta er allt fullorðið fólk.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Siðmennt fylgjandi umskurðarfrumvarpi

Siðmennt, félag siðrænna húmanista á Íslandi, hvetur Alþingi til að samþykkja frumvarp Silju Daggar Gunnarsdóttur, þingmanns Framsóknarflokksins, sem bannar umskurð drengja, í umsögn sinni um frumvarpið.   „Þar sem um er að ræða alvarlegt og óafturkræft inngrip er óásættanlegt að börn undir lögaldri séu umskorin,“ segir meðal annars í umsögninni. Siðmennt segir að brotið sé […]

Ban Ki-moon segir að læra megi af Íslendingum í jafnréttismálum

Sjálfbærnistofnun Ban Ki-moon var sett á fót árið 2017 með það markmið að styðja við innleiðingu heimsmarkmiða Sameinuðu þjóðanna þar sem sérstök áhersla er lögð á málefni kvenna og ungs fólks. Ban Ki-moon, sem var aðalritari Sameinuðu þjóðanna árin 2007-2016, átti fund með Lilju Alfreðsdóttur, mennta- og menningarmálaráðherra, og Líney Rut Halldórsdóttur framkvæmdastjóra ÍSÍ, í […]

1000 milljarðar króna undanþegnir skatti

Kristinn H. Gunnarsson ritar: Það er kallað á meira framlag frá ríkinu til óteljandi málaflokka. Þrátt fyrir að ríkissjóður hafi bólgnað út vegna aukinna tekna sem fylgja uppsveiflunni í hagkerfinu þá er víða kvartað sáran undan naglaskap í fjárveitingum til velferðar- og heilbrigðismála. Framlög til menntamála eru skorin við nögl og erlendar athuganir sýna hnignandi […]

Starfsgreinarsambandið fagnar launaskriðstryggingu

Laun þeirra ríkisstarfsmanna sem eru í aðildarfélögum Starfsgreinasambands Íslands fá nú í fyrsta sinn svokallaða launaskriðstryggingu sem gefur að meðaltali 1,8% hækkun á laun afturvirkt frá 1. janúar 2017. Leiðréttingin kemur til útborgunar á flestum stöðum þann 1. mars. Þetta er gert á grundvelli rammasamkomulags í tengslum við síðustu kjarasamninga til að tryggja að launaskrið […]

Guðlaugur Þór: Bretar vilja tryggja réttindi íslenskra borgara í Brexit

Samkvæmt Guðlaugi Þór Þórðarsyni, utanríkisráðherra, er það vilji breskra yfirvalda að virða og tryggja réttindi íslendinga, svo þeir sitji við sama borð og aðrir. Brexit sé forgangsmál. „Brexit er og verður forgangsmál hjá okkur í utanríkisráðuneytinu og mikil vinna fer nú fram í ráðuneytum hér á landi við að vernda hagsmuni okkar vegna útgöngu Breta […]

Íbúðum fjölgaði um 1.800 í fyrra – Lítil fjölgun milli ára

Íbúðum hér á landi fjölgaði um 1.759 í fyrra. Til samanburðar fjölgaði þeim um 1.580 árið 2016 og er aukningin því einungis tæplega 200 íbúðir milli ára. Þetta má sjá í nýjum tölum sem Þjóðskrá Íslands hefur birt. Eins og sjá má á meðfylgjandi mynd hefur orðið aukning í fjölgun íbúða undanfarin ár. Fjölgunin hefur […]

Brynjar baunar á Halldór: „Svona menn eiga bara að vinna á vernduðum vinnustað“

Brynjar Níelsson þingmaður Sjálfstæðisflokksins segir að þeir sem kalli á afsökunarbeiðni vegna veru Eyþórs Arnalds á fundi borgarstjórnar og þingmanna eigi bara vinna á vernduðum vinnustað. Halldór Auðar Svansson borgarfulltrúi Pírata sendi í gær harðort bréf til allra borgarfulltrúa og þingmanna Reykjavíkurkjördæmanna tveggja þar sem hann fer fram á að Guðlaugur Þór Þórðarson utanríkisráðherra bæðist […]

„Þingmenn sem þegið hafa bætur og ráðstafað því í kaup á húsnæði ættu að skila því, ella vera bornir út“

Þórólfur Júlían Dagsson, stjórnarmeðlimur Pírata á Suðurnesjum, spyr hvort það sé ekki réttmæt krafa að fólk sem búi ekki í því sveitarfélagi sem það vinnur, fái sömu kjör og þingmenn. Þá vill hann að allar upplýsingar um fjárveitingar til þingmanna síðustu 20 árin verði gerð opinber. Þetta kemur fram í tilkynningu frá Þórólfi. Hann segir […]

Styrmir: Evrópuríkin treysta Bandaríkjunum ekki lengur

Styrmir Gunnarsson, fyrrum ritstjóri Morgunblaðsins, lætur öryggismál Evrópu sig varða í dag. Þar segir hann að ríki Evrópusambandsins ætli sér að stórauka samstarf sitt í öryggis- og varnarmálum, þar sem þau treysti ekki lengur á NATO með sama hætti og áður. Ástæðan fyrir því sé Donald Trump Bandaríkjaforseti. Það er rétt hjá Styrmi að heimurinn […]

Gunnar Smári segir Samtök atvinnulífsins aðeins þjóna fámennri auðklíku

Gunnar Smári Egilsson, stofnandi Sósíalistaflokks Íslands, setur fram áhugaverða tölfræði á Facebooksíðu sinni um skiptingu auðs á Íslandi. Þar segir að aðeins 50 manneskjur á Íslandi eigi 53% alls eiginfjár íslenskra fyrirtækja og 950 manns til viðbótar eiga önnur 45 prósent alls eiginfjár fyrirtækja. Þá eigi restin af þjóðinni, um 339,000 manns, tvö prósentin sem […]

Mesta fólksfjölgunin á Norðurlöndunum

Fólki fjölgar meira á Norðurlöndum en annars staðar í Evrópu. Þá er þróun aldursdreifingar afdráttarlaust á þann veg að eldri árgangar fólks eru hér stærri en að meðaltali annars staðar í álfunni. Greinileg tilhneiging er til meiri fjölgunar á þéttbýlissvæðum á öllum Norðurlöndunum og ástæða þess er ekki síst samspil milli aðflutnings fólks frá frá […]

Andrés Ingi opnar bókhaldið og upplýsir um endurgreiðslur ferðakostnaðar

Andrés Ingi Jónsson, þingmaður Vinstri grænna, birtir á Facebook síðu sinni bókhaldsgögn um endurgreiðslur frá Alþingi vegna ferðakostnaðar hans innanlands á árinu 2017. Upphæðin er tæpar 300.000 krónur vegna fimm viðburða. Andrés Ingi segir sjálfsagt að útgjöldin verði opinber líkt og til standi að hálfu Alþingis: „Umræðan um starfskostnað þingmanna undanfarna daga er af hinu […]

Arnaldur Hjartarson metinn hæfastur umsækjenda um dómarastöðu við Héraðsdóm Reykjavíkur

Dómnefnd um hæfni umsækjenda um embætti dómara hefur skilað umsögn sinni um umsækjendur um eitt embætti dómara með fast sæti við Héraðsdóm Reykjavíkur. Arnaldur Hjartarson, aðstoðarmaður dómara við EFTA dómstólinn, var metinn hæfastur af umsækjendum. Þetta kemur fram á vef dómsmálaráðuneytisins. Í umsögn um Arnald segir meðal annars að Arnaldur hafi almenna og víðtæka lögfræðiþekkingu, eigi […]

Utanríkisráðherra: „Meiri áhersla verður lögð á eftirlit og viðbragð á þessari lífæð milli Evrópu og Norður-Ameríku”

Varnarmálaráðherrar aðildarríkja Atlantshafsbandalagsins ræddu aukinn varnarviðbúnað og framlög til varnarmála, eflingu herstjórna NATO og stuðning við umbætur í Írak á tveggja daga fundi sínum sem lauk í Brussel í dag. Þá funduðu ráðherrarnir með varnarmálaráðherrum Finnlands og Svíþjóðar og utanríkismálastjóra ESB um vaxandi samvinnu NATO og ESB. Þetta kemur fram í tilkynningu: „Bandalaginu hefur á […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is