Föstudagur 01.09.2017 - 13:04 - Ummæli ()

Segir tillögu Sjálfstæðismanna neyðarlega: Ættu að leggja spilin strax á borðið í stað þess að afvegaleiða umræðuna

Guðfinna Jóhanna Guðmundsdóttir borgarfulltrúi Framsóknar og flugvallarvina. Samsett mynd/DV

„Það er nú bara neyðarlegt að Sjálfstæðismenn leggi fram tillögu um opinbera rannsókn daginn eftir að Framsókn og flugvallarvinir leggja fram tillögu um úttekt. Munurinn á þessum tveimur tillögum er auðvitað sá að Sjálfstæðismenn eru að reyna fría sjálfa sig,“ segir Guðfinna Jóhanna Guðmundsdóttir borgarfulltrúi Framsóknar og flugvallarvina í samtali við Eyjuna um tillögu Sjálfstæðismanna um opinbera rannsókn vegna húss Orkuveitunnar. Hún sjálf lagði fram tillögu að úttekt á Orkuveituhúsinu í gær, í tillögu Guðfinnu myndi sérstök úttektarnefnd hafa það hlutverk að yfirfara viðbrögð og aðgerðir vegna skemmda á húsi og sérstaklega verði skoðað hvernig brugðist var við leka sem uppgötvaðist 2004 og 2009.

Sjá einnig: Tillaga um úttekt á OR húsinu

Sjá einnig: Fara fram á opinbera rannsókn vegna húss Orkuveitunnar

Kjartan Magnússon borgarfulltrúi Sjálfstæðisflokksins.

Í tillögu Sjálfstæðismanna er farið fram á opinbera rannsókn á tjóninu, skoðað verði hvernig staðið var að byggingu hússins á sínum tíma og hvaða ákvarðanir voru teknar. Í grein sem Kjartan Magnússon borgarfulltrúi Sjálfstæðismanna skrifar í Morgunblaðið í dag segir hann Orkuveituhúsið á Bæjarhálsi vera ein birtingarmynd vinnubragða R-listans, sem samanstóð af Samfylkingunni, Vinstri grænum og Framsóknarflokknum, sem hafi gert fyrirtækið að vettvangi fjárfrekra gæluverkefna:

Hingað til hafa fjöl­miðlar lítið fjallað um póli­tíska ábyrgð í mál­inu þótt það sé mjög skýrt að hún ligg­ur hjá þáver­andi borg­ar­stjórn­ar­meiri­hluta Sam­fylk­ing­ar, Fram­sókn­ar­flokks og Vinstri grænna. Eini borg­ar­full­trú­inn úr þeim meiri­hluta, sem enn sit­ur í borg­ar­stjórn, er Dag­ur B. Eggerts­son, nú­ver­andi borg­ar­stjóri,

segir Kjartan. Guðfinna segir að ákvörðun um byggingu húss vera eitt og viðhaldsleysi annað:

Ef hús lekur þá bíður maður ekki bara eftir því að hús eyðileggist heldur grípur inn í þó maður hafi verið á móti byggingu hússins tæpum 20 árum áður. Sjálfstæðisflokkurinn eru auðvitað að reyna slá ryki í augu fólks með því að reyna taka fókusinn af því sem máli skiptir í dag, þ.e. orsök lekans og afleiðingum hans og hvernig hefur verið við honum brugðist. Það er endalaust hægt að hafa skoðanir á þeirri ákvörðun að hafa byggt þetta hús en það sem máli skiptir í dag er tjónið sem orðið hefur vegna leka,

Hús Orkuveitunnar.

segir Guðfinna í samtali við Eyjuna. Hún segir nauðsynlegt að skipa sérstaka úttektarnefnd líkt og kemur fram í tillögu Framsóknarmanna, þar sem ljóst sé að tjónið á húsinu sé gríðarlegt þá þurfi að upplýsa hvernig staðið var að málum eftir að leki í húsinu kom upp í húsinu og raki og mygla uppgvötaðist í september 2015. Hvort hagsmunum Orkuveitunnar og eigenda hafi verið gætt í hvívetna:

Ólíkt Framsóknarflokknum hefur Sjálfstæðisflokkurinn haft aðkomu að borgarstjórn og stjórn Orkuveitunnar síðustu árin. Framsóknarflokkurinn hefur ekki verið með fulltrúa í stjórn OR síðan vorið 2010 enda var flokkurinn ekki í borgarstjórn 2010-2014 og á þessu kjörtímabili ákvað Sjálfstæðisflokkurinn að leggjast í lið með meirihlutanum í borgarstjórn og útiloka Framsóknarflokkinn í stjórn OR. Fulltrúar Sjálfstæðisflokksins ættu því að leggja spilin strax á borðið og upplýsa hvernig þeir hafa brugðist við ástandi hússins frá því vorið 2010 í stað þess að reyna beina fókusnum að byggingu hússins til að afvegaleiða umræðuna.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Páll betri talsmaður en Brynjar

Sigurður Jónsson skrifar: Í Silfrinu hjá Agli Helgasyni síðasta sunnudag var m.a. Páll Magnússon þingmaður Sjálfstæðisflokksins. Páll kom einstaklega vel út úr viðtalinu og sagði m.a. eftirfarandi um  mál síðustu viku: „Við hefðum getað haldið betur á þessu því að sannarlega er það ekki svoleiðis að að það sé meiri biðlund, meiri samúð hjá fólki […]

Teigsskógur – 2% af birkikjarri

Teigsskógur er við vestanverðan Þorskafjörð. Í skýrslu vegagerðarinnar frá febrúar 2017 um mat á umhverfisáhrifum af lagningu nýs vegar milli Bjarkalundar og Skálaness kemur fram í umsögn Skógræktar ríkisins að skógurinn nái frá Þórisstöðum um Gröf og langleiðina að gömlum túngarði við bæinn Hallsteinsstaði yst á skaganum, sem gengur fram milli Þorskafjarðar og Djúpafjarðar. Orðið […]

Þingmaður Sjálfstæðisflokksins: Ríkisútvarpið olli töfunum á birtingu gagnanna

Vilhjálmur Árnason þingmaður Sjálfstæðisflokksins segir það sé Ríkisútvarpinu að kenna að gögnin um þá sem fengið hafa uppreist æru hafi ekki verið opinberuð í sumar. Vilhjálmur sagði í viðtali í þættinum Harmageddon í morgun að eftir að RÚV kærði ákvörðunina um afhenda ekki gögnin þá hafi Úrskurðarnefnd um upplýsingamál brugðist skjótt við og að mesta […]

Þórunn vill sæti Sigmundar Davíðs

Þórunn Egilsdóttir þingmaður Framsóknarflokksins vill leiða lista Framsóknarflokksins í Norðausturkjördæmi. Sigmundur Davíð Gunnlaugsson er oddviti flokksins í kjördæminu, hann ætlar í framboð, en það liggur ekki fyrir hvort hann muni áfram sækjast eftir því að leiða listann í komandi kosningum. Þórunn segir í færslu á Fésbók að kosningarnar 28. október næstkomandi muni snúast um trúverðugleika […]

Björn vill útlendingamálin á dagskrá í kosningabaráttunni: „Þeir eiga ekkert erindi hingað“

„Með hliðsjón af því hve miklu af skatt­fé al­menn­ings er varið til hæl­is­mála er stórund­ar­legt að umræðan sé ekki meiri um út­lend­inga­mál­in á stjórn­mála­vett­vangi. Það er engu lík­ara en ís­lensk­ir stjórn­mála­menn forðist mála­flokk­inn og vilji helst að um hann ríki póli­tísk þögn,“ segir Björn Bjarnason fyrrverandi ráðherra Sjálfstæðisflokksins í grein í Morgunblaðinu í dag. Segir […]

Davíð spyr: „Munu æsingamennirnir biðjast afsökunar á ósköpunum?“

Davíð Oddsson ritstjóri Morgunblaðsins vill vita hvort þeir sem slitu ríkisstjórnarsamstarfinu og æstu sig muni nú biðjast afsökunar á ósköpunum. Í Staksteinum Morgunblaðsins í dag, þar sem Davíð heldur öllum líkindum á penna, er spurt í ljósi þess að umboðsmaður Alþingis komst að þeirri niðurstöðu í gær að Sigríður Á. Andersen dómsmálaráðherra hafi ekki brotið […]

Björt sendir Sjálfstæðismönnum tóninn: Siðferði og samskiptareglur snúast ekki um lögfræði eða reglur um trúnað

Björt Ólafsdóttir umhverfisráðherra og þingmaður Bjartrar framtíðar segir að traustið milli Bjartrar framtíðar til Sjálfstæðisflokksins hafi horfið þegar flokkurinn varð þess áskynja að neitun ráðuneytis um að veita lögbundna upplýsingagjöf til bæði fjölmiðla og fjölskyldu brotaþola í máli um uppreist æru gæti stafað af leyndarhyggju vegna álíka máls sem kom illa við Sjálfstæðisflokkinn. Í gær […]

Þór Saari vill á þing fyrir Pírata: „Losum okkur við spillt, sjálfhverf og hrunin stjórnmál“

Þór Saari hagfræðingur og fyrrverandi þingmaður Borgarahreyfingarinnar og Hreyfingarinnar gefur kost á sér í prófkjöri Pírata sem hefst á morgun. Þór segir í fréttatilkynningu að vegna fjölda áskorana innan sem og utan Pírata mun hann sækjast eftir því að komast á þing fyrir Pírata í Suðvesturkjördæmi. Þór gaf kost á sér í prófkjöri Pírata fyrir […]

Ásta: Skipulag miðbæjar

Ásta S. Stefánsdóttir skrifar um málefni miðbæjarins: Skipulagsferli vegna miðbæjar Selfoss er nú að komast á lokastig. Fresti til að gera athugasemdir lauk í lok ágúst og voru athugasemdir þær sem bárust lagðar fram á fundi skipulags- og byggingarnefndar sl. miðvikudag. Nefndin fól formanni nefndarinnar, skipulags- og byggingarfulltrúa og lögmanni sveitarfélagsins að gera drög að […]

Þorvaldur er bjartsýnn: „Ég veit að okkar stefna á talsverðan hljómgrunn“

„Við ætlum að bjóða fram allsstaðar þar sem við getum, við stefnum á að bjóða fram um allt land ef okkur tekst það. Það er ekki alveg fyrirséð vegna þess hve tíminn er stuttur,“ segir Þorvaldur Þorvaldsson formaður Alþýðufylkingarinnar í samtali við Eyjuna. Flokkurinn, sem var stofnaður 2013, bauð fram í öllum kjördæmum nema Norðvesturkjördæmi […]

Sigríður braut ekki trúnað með því að segja Bjarna

Sigríður Á. Andersen dómsmálaráðherra braut ekki reglur um trúnað með því að segja Bjarna Benediktssyni forsætisráðherra að faðir hans, Benedikt Sveinsson, hafi skrifað undir umsögn fyrir Hjalta Sigurjón Hauksson til að hann gæti fengið uppreist æru. Samkvæmt heimildum RÚV mun Tryggi Gunnarsson umboðsmaður Alþingis hafa sagt þetta á lokuðum fundi stjórnskipunar- og eftirlitsnefndar í morgun. […]

Framsóknarflokkurinn boðar ekki til flokksþings fyrir kosningar

Framsóknarflokkurinn mun ekki boða til flokksþings fyrir kosningar, tíminn sé of knappur til það sé hægt í samræmi við lög flokksins. Þetta segir Einar Gunnar Einarsson framkvæmdastjóri Framsóknarflokksins í samtali við Eyjuna. Ákveðið var á fundi miðstjórnar flokksins síðastliðið vor að halda flokksþing í janúar en í kjölfar stjórnarslita og kosninga í lok október fóru […]

Ragnar Þór svarar Halldóri: „Lægstu laun á Íslandi eru skammarlega lág“

Ragnar Þór Ingólfsson formaður VR segir það mikla einföldun að halda því fram að hækkun á ráðstöfunartekjum launafólks í formi hærri persónuafsláttar sé eingöngu tekjumissir fyrir ríkið. Líkt og greint var frá í gær sagði Halldór Benjamín Þorbergsson framkvæmdastjóri Samtaka atvinnulífsins að tillaga VR um að endurskoða upphæð persónuafsláttar til að miða við þróun launa […]

Logi kannast ekki við þrýsting: „Ég er ekki að skipta mér af vinnu uppstillinganefnda“

Logi Már Einarsson formaður Samfylkingarinnar segir að hann hafi heyrt það útundan sér að hann eigi að færa sig um set og bjóða sig fram í öðru Reykjavíkurkjördæmanna í stað Norðausturkjördæmis, en að enginn innan flokksins hafi komið að máli við sig um það. Vefur Hringbrautar segist hafa öruggar heimildir fyrir því að Samfylkingarfólk í […]

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is