Fimmtudagur 21.09.2017 - 19:32 - Ummæli ()

Ásta: Skipulag miðbæjar

Ásta Stefánsdóttir, framkvæmdastjóri Sveitarfélagsins Árborgar.

Ásta S. Stefánsdóttir skrifar um málefni miðbæjarins:

Skipulagsferli vegna miðbæjar Selfoss er nú að komast á lokastig. Fresti til að gera athugasemdir lauk í lok ágúst og voru athugasemdir þær sem bárust lagðar fram á fundi skipulags- og byggingarnefndar sl. miðvikudag. Nefndin fól formanni nefndarinnar, skipulags- og byggingarfulltrúa og lögmanni sveitarfélagsins að gera drög að svörum við athugasemdum og hefur verið unnið að því síðustu daga. Útlit er fyrir að unnt verði að koma til móts við talsverðan fjölda athugasemda og verða drög að svörum lögð fyrir nefndina á næstu dögum. Að afgreiðslu nefndarinnar lokinni fær bæjarstjórn málið til endanlegrar afgreiðslu.

Verði niðurstaða bæjarstjórnar sú að samþykkja skipulagið verður það sent Skipulagsstofnun til afgreiðslu. Skipulagsstofnun, sem er óháð sveitarfélögunum, fer yfir tillöguna, gætir þess að hún sé í samræmi við aðalskipulag og að öllum athugasemdum hafi verið svarað með fullnægjandi hætti. Afgreiðsla stofnunarinnar getur tekið tvær vikur, samþykki hún skipulagið athugasemdalaust verður það auglýst í B-deild Stjórnartíðinda og öðlast þar með gildi.

Markmið skipulagsins

Markmiðum tillögunnar er lýst í greinargerð, sem er hluti af tillögunni, og eru þau eftirfarandi:

að stuðla að frekari eflingu miðbæjarsvæðisins með blandaðri byggð verslunar, þjónustu, og íbúða sem nýtist jafnt heimamönnum sem gestum. Þar verður lögð áhersla á alhliða miðbæjarstarfsemi og ferðaþjónustu, samhliða því að styrkja miðbæjargarð með bættum tengingum við garðinn. Stefnt er að því að miðbærinn geti orðið fjölsóttur áningarstaður fyrir ferðamenn og sumarhúsagesti ásamt því að vera samkomustaður fyrir bæjarbúa. Lögð er áhersla á að skapa fjölbreytt umhverfi í manneskjulegum kvarða þar sem dvalar- og göngusvæði njóta skjóls gagnvart ríkjandi vindáttum og snúi móti sól.

 

Sigtúnsgarður

Stór hluti af skipulagssvæðinu er Sigtúnsgarður, og hefur hann mikið hlutverk í hugum íbúa sveitarfélagsins. Áður en athugasemdafresti lauk varð að samkomulagi milli Árborgar og framkvæmdaraðila að lagðar yrðu kvaðir á lóðirnar syðst á svæðinu, þær sem liggja að garðinum, þess efnis að þar verði um almenningsrými að ræða og að Árborg fari með umráð þeirra og geti þannig skipulagt og hannað þau svæði með Sigtúnsgarði.

Kvaðirnar verða færðar inn í skipulagið og teknar upp í lóðarleigusamninga. Garðurinn verður því um 23.200 fermetrar en er í dag um 22.800 fermetrar og tryggt verður í skipulagsskilmálum að engar girðingar verða í garðinum, eins og einhverjir hafa óttast. Með stækkun garðsins breytist lega hans, en útivistargildi hans minnkar ekki. Stækkun garðsins kemur m.a. til vegna þess að stór hluti Hafnartúnslóðarinnar fellur undir garðinn. Um er að ræða lóð í eigu framkvæmdaraðila, sem afsala henni, ásamt öðrum lóðum í sinni eigu inni á reitnum, til sveitarfélagsins.

Samráð

Skipulagsferli er formlegt og nokkuð formfast ferli þar sem tillögur eru kynntar og auglýstar og gefinn kostur á mjög víðtæku samráði. Hver sem er getur gert athugasemdir við skipulagstillögu, gera þarf það formlega en þó ekki formlegar en svo að tölvupóstur dugir. Hægt er að gera athugsemd við einstaka liði tillögunnar eða tillöguna í heild. Skipulagstillagan sem hér um ræðir á sér nokkuð langan aðdraganda og má segja að kynningarferli hafi hafist löngu áður en eiginleg deiliskipulagstillaga var lögð fram fyrir um einu og hálfu ári síðan og formlegt ferli hófst.

Á undirbúningstíma var tekið tillit til óformlegra athugasemda og höfðu þær áhrif á mótun endanlegrar tillögu. Síðasta vor var skipulagstillagan auglýst og bárust nokkrar athugasemdir. Tekið var tillit til hluta þeirra og tillagan auglýst að nýju og enn gefinn kostur á samráði. Tillagan, og hugmyndir framkvæmdaaðila um útlit húsa, hefur fengið mikla kynningu í staðarblöðum og á netinu. Haldnir hafa verið formlegir sem óformlegir fundir allt frá því að fyrstu hugmyndir litu dagsins ljós.

Að mínu mati er hér tækifæri til mun meira samráðs í mun meiri smáatriðum heldur en ef haldin er íbúakosning um tillögu og valmöguleikarnir eru aðeins já eða nei, að hafna alfarið eða fallast alfarið á tillögu. Það er gjarnan svo að fólki hugnast eitthvað í tillögu, en annað ekki, og með því að gera athugasemdir við það sem fólki hugnast ekki þá þarf að fara yfir það og mæta þeim athugasemdum sem er hægt að mæta en svara öðrum með rökstuddum hætti.

Framkvæmdir

Fyrir liggur samningur við Sigtún Þróunarfélag um uppbygginguna á miðbæjarsvæðinu og áfangaskiptingu. Samningurinn er gerður með fyrirvörum um fjármögnun verkefnisins, þannig að tryggt sé að sjái fyrir enda í verkefninu þegar í upphafi. Samið hefur verið um að félagið annist alla gatnagerð, lagnavinnu, frágang gangstétta og torga og á móti komi að það greiði ekki gatnagerðargjöld. Lóðum verður úthlutað með hefðbundnum hætti með lóðarleigusamningum og afsala framkvæmdaraðila lóðum í sinni eigu til Árborgar.  Aðrar tekjur Árborgar af verkefninu munu felast í fasteignagjöldum af mannvirkjum, útsvari þeirra íbúa sem munu starfa á svæðinu og útsvari íbúa sem munu búa í íbúðum á svæðinu.

Áformað er að framkvæmdir geti hafist 1-2 mánuðum eftir samþykkt skipulagsins og fyrri áfangi verði tekinn í notkun sumarið 2018. Skipulagið gerir ráð fyrir blandaðri byggð verslunar og þjónustu, ásamt íbúðum á efri hæðum. Áformað er að í tveimur húsanna verði sýningar, annars vegar um mjólkuriðnaðinn og hins vegar um byggingarsöguleg efni.

Samkeppnishæfni

Á síðustu árum hefur verið unnið að því af hálfu sveitarfélagsins að gera það að eftirsóttum áfangastað en ekki stað þar sem fólk keyrir hratt í gegn eða velur að fara framhjá. Áætlanir Vegagerðarinnar um færslu Suðurlandsvegar munu væntanlega ganga eftir á næstu árum með nýrri brú rétt austan við bæinn. Því kann að fylgja hætta á því að hluti þeirrar umferðar sem við viljum í raun fá til okkar, fari framhjá. T.d. fólk sem annars myndi nýta sér þjónustu eða fara í verslanir.

Í því skyni að mæta þessu og gera Árborg að áfangastað þar sem fólk stoppar við og ferðamenn gista og nota þjónustu hefur t.d. verið byggt við Sundhöllina til að bæta aðstöðu þar, sveitarfélagið tók Tryggvaskála á leigu og framleigir til veitingarekstrar, unnið hefur verið með Vegagerðinni að skipulagi Austurvegar sem nota má þegar þungaumferð minnkar, áhersla hefur verið á gerð göngustíga víðsvegar um sveitarfélagið og er það viðvarandi verkefni, unnið er að verkefni um Verndarsvæði í byggð á Eyrarbakka með áherslu á sérkenni gömlu byggðarinnar og áfram mætti telja. Það verkefni sem skipulagið snýst um, uppbygging á miðbæjarsvæðinu, er í góðu samræmi við þessa vinnu bæjaryfirvalda sem miðar að því að gestir stoppi hér í sveitarfélaginu, kaupi sér gistingu og nýti sér þjónustu sem einnig er í boði fyrir heimamenn. Til þess þarf að vera í boði afþreying á borð við söfn og sýningar og fjölbreytta útivistarmöguleika, fjölbreytt veitingasala og önnur verslun og þjónusta. Þessir þættir laða líka að sér íbúa, enda er sívaxandi krafa um fjölbreytta afþreyingu og hvers kyns þjónustu í heimabyggð.

Birtist fyrst í Suðra. Smelltu hér til að lesa blaðið.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Hvatningarverðlaun velferðarráðs afhent í Hörpu

Innflytjendur og börn og foreldrar eru hjartans mál verðlaunahafa hvatningarverðlauna velferðarráðs árið 2017 en verðlaunin voru veitt við hátíðlega athöfn í Hörpu, föstudaginn 23. febrúar. Markmið verðlaunanna er að örva og vekja athygli á gróskumiklu starfi sviðsins.   Gæði í þjónustu við innflytjendur Það var Edda Ólafsdóttir, félagsráðgjafi, sem fékk verðlaun í flokki einstaklinga en […]

Listi Samfylkingarinnar í Reykjavík samþykktur

Framboðslisti Samfylkingarinnar fyrir borgarstjórnarkosningar í vor var samþykktur samhljóða og með lófataki í dag, á fundi á Hótel Natura. Dagur B. Eggertsson borgarstjóri leiðir listann en hann varð efstur í flokksvali sem haldið var fyrr í mánuðinum. Í efstu fimm sætunum sitja borgarfulltrúar Samfylkingarinnar, á eftir Degi koma Heiða Björg Hilmisdóttir, Skúli Helgason, Kristín Soffía […]

Þórdís vill varaformannsembætti Sjálfstæðisflokksins

Þórdís Kolbrún R. Gylfadóttir,  iðnaðar-, ferðamála- og nýsköpunarráðherra, greinir frá því á Facebooksíðu sinni í morgun, að hún ætli að bjóða sig fram til varaformennsku í Sjálfstæðisflokknum á landsfundinum í mars. „Það hefur verið dýrmætt að fá hvatningu víða að og hún vegur þungt í minni ákvörðun. Ég hlakka til að eiga samtöl við sem flesta […]

Samið um þorskafla Íslands í Smugunni

Haldinn var samningafundur í fiskveiðinefnd Íslands og Rússlands daganna 19.-20. febrúar. Umræðuefnið var að venju framkvæmd svokallaðs Smugusamnings frá 1999 milli Íslands, Noregs og Rússlands um þorskveiðar íslenskra skipa í lögsögu Noregs og í þessu tilviki í lögsögu Rússlands fyrir árið 2018. Í samningnum er um tvenns konar kvóta að ræða. Annars vegar þann sem […]

Landvernd vill virkja vindorku

Engin stefna hefur verið mörkuð um vindorkuvirkjanir á Íslandi og því réðst Landvernd í það verkefni að semja stefnu sem byggist á náttúruverndar-sjónarmiðum með almannahagsmuni að leiðarljósi. Vonast er til aðframkvæmdaaðilar og sveitarfélög geti nýtt sér þessa stefnumörkun til að lágmarka neikvæð umhverfisáhrif slíkra framkvæmda og til að koma í veg fyrir að ráðist verði […]

Kaupskil kaupa 13% í Arion banka af ríkinu

Fjármála- og efnahagsráðherra hefur, að undangengnu samráði við ráðherranefnd um efnahagsmál og endurskipulagningu fjármálakerfisins og ríkisstjórn, fallist á tillögu Bankasýslu ríkisins um sölu á 13% hlut ríkissjóðs í Arion banka til Kaupskila ehf. (dótturfélags Kaupþings ehf.) fyrir 23,4 milljarða króna. Salan fer fram á grunni kaupréttar á hlutnum samkvæmt hluthafasamkomulagi frá árinu 2009 og lögum um […]

Áslaug sakar Sjálfstæðisflokkinn um svindl: „Leikreglum er breytt og uppstillingarvaldið sett í fárra hendur“

Borgarfulltrúi Sjálfstæðisflokksins, Áslaug Friðriksdóttir, sem fékk ekki sæti á framboðslista flokksins fyrir komandi borgarstjórnakosningar, skrifar á Facebooksíðu sína í dag. Þar segir hún farir sínar ekki sléttar í samskiptum við Sjálfstæðisflokkinn:   „Kæru vinir, enginn getur gengið að neinu vísu í pólitík. Góður stuðningur í hefðbundnum prófkjörum hefur litla þýðingu, þegar leikreglum er breytt og […]

Ríkisendurskoðun gagnrýnir ráðuneytið fyrir skort á heildarstefnu í orkumálum

Ríkisendurskoðun ítrekar ekki fimm ábendingar sem beint var til atvinnuvega- og nýsköpunarráðuneytis og Landsnets hf. árið 2015. Þetta kemur fram í nýrri eftirfylgniskýrslu Ríkisendurskoðunar, Landsnet hf. Hlutverk, eignarhald og áætlanir. Ráðuneytið hefur enn ekki brugðist við þeirri ábendingu Ríkisendurskoðunar að marka heildstæða stefnu í orkumálum til að tryggja að uppbygging og rekstur flutningskerfis raforku sé í […]

Heilbrigðisráðherra vill lögleiða rafrettur

Svandís Svavarsdóttir heilbrigðisráðherra segir frumvarp um rafrettur stuðla að lögmætum viðskiptum með þessa vöru og tryggja eftirlit og mikilvæga neytendavernd. Aðgengi fólks að rafrettum og reglur um notkun þeirra samkvæmt frumvarpinu geri þeim hægt um vik sem vilja hætta tóbaksnotkun með aðstoð þeirra. Ráðherra mælti fyrir frumvarpinu á Alþingi í gær. Eins og fram kom í ræðu […]

Hagstofan áætlar 2,9% hagvöxt á árinu

Hagstofa Íslands hefur gefið út endurskoðaða þjóðhagsspá að vetri í ritröð sinni, Hagtíðindum. Spáin spannar árin 2017–2023. Hægt hefur á hagvexti frá árinu 2016 en áætlað er að hagkerfið hafi vaxið um 3,8% árið 2017. Meiri kraftur var í þjóðarútgjöldum sem áætlað er að hafi aukist um rúmlega 7% á síðasta ári. Talið er að […]

Afgerandi meirihluti vill afsögn dómsmálaráðherra

Samkvæmt könnun Maskínu sem unnin var í samstarfi við Stundina, kemur fram að 72,5% þjóðarinnar vilja að Sigríður Á. Andersen dómsmálaráðherra segi af sér. Þeir sem vilja að hún sitji áfram eru 27,5 prósent. Hlutfallið er yfir 67% hjá fylgjendum allra stjórnmálaflokka, nema Sjálfstæðisflokksins og Miðflokksins, en 23% Sjálfstæðismanna vilja afsögn Sigríðar og rúm 44 […]

Haraldur hugsar málið varðandi framboð til varaformennsku

Haraldur Benediktsson, fyrsti þingmaður Norð-vestur kjördæmis fyrir Sjálfstæðisflokkinn, segist ætla að hugsa sig um hvort hann bjóði sig fram til varaformennsku í flokknum á landsfundi sjálfstæðisflokksins um miðjan mars, eftir fjölda áskorana. Þetta kemur fram í Morgunblaðinu í dag.   „Já, ég get staðfest það að margir hafa komið að máli við mig og skorað […]

Ingvar Mar leiðir lista Framsóknar

Ingvar Mar Jónsson, flugstjóri og fyrrum varaþingmaður- og borgarfulltrúi, mun leiða lista Framsóknarflokksins í komandi borgarstjórnarkosningum. Fjórar konur skipa næstu fimm sæti. Höfuðáhersla Framsóknarflokksins í Reykjavík verða skólamál samkvæmt tilkynningu, en þrír frambjóðendur eru með kennaramenntun. Viðskeytið flugvallarvinir er hvergi sjáanlegt í tilkynningu frá Framsóknarflokknum að þessu sinni og má því áætla að það verði ekki […]

Listi Eyþórs klár – Tveimur borgarfulltrúum bolað burt

Sjálfstæðismenn kynntu endanlegan framboðslista sinn í kvöld, fyrir borgarstjórnarkosningarnar í maí. Borgarfulltrúarnir Kjartan Magnússon og Áslaug Friðriksdóttir eru ekki á listanum, en Marta Guðjónsdóttir borgarfulltrúi er í fimmta sæti listans. Hildur Björnsdóttir lögfræðingur er í öðru sæti, Valgerður Sigurðardóttir því þriðja, og Egill Þór Jónsson í fjórða. Heildarlistinn er hér að neðan:   1. Eyþór Lax­dal […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is