Sunnudagur 01.10.2017 - 12:04 - Ummæli ()

Kallið er komið

Guðjón Brjánsson skrifar:

Fallegt sumar er á undanhaldi og dagarnir styttast.  Dagar skammlífrar ríkisstjórnar Bjarna Benediktssonar eru með öllu taldir, „kallið er komið, komin er nú stundin“.

Aldraðir

Ríkisstjórnin gumaði af því í upphafi þings,  að nú um áramót myndi hefjast stórkostleg vegferð í þágu aldraðra sem á fimm ára tímabili myndi enda með hundrað þúsund króna frítekjumarki sem er hneisa. Samfylkingin heitir því að þessu marki verði náð strax. Við eigum að auka sveigjanleika stórra hópa til atvinnuþátttöku eftir aðstæðum hvers og eins. Nú, á einstöku velmegunarskeiði eftir mögur ár,  þegar hægt hefur verið að rétta hlut þeirra sem höllum fæti standa, sýndi ríkisstjórnin hvað hefur forgang.  Það reyndist sannarlega ekki hagur venjulegs fólks.

Börnin

Barnafjölskyldurnar hafa verið hlunnfarnar. Þar hefur íhaldið gengið einbeitt fram, skert stuðning við börn. Hverfandi hópur nýtur nú barnabóta, húsnæðisbóta og enn átti að stórlækka vaxtabætur.  Rótin er stefna síðustu ríkisstjórna undir gamalkunnu ægivaldi Sjálfstæðisflokksins, þeim finnst þetta í lagi.  Það finnst okkur ekki og við munum rétta hlut barnafólks, að barnafjölskyldur njóti barnabóta, betra atlætis.

Heilbrigðiskerfið

Það er sama hvar borið er niður í velferðarmálum.  Gammar  og gróðaöfl sölsa undir sig heilbrigðiskerfið og starfrækja þjónustuna sem rífandi bisness.  Heilbrigðisstofnanir út um landið hins vegar sem þegar eru á heljar þröm eiga ekki möguleika og búa við áframhaldandi fjársvelti.  fjárlagafrumvarp Benedikts Jóhannessonar sýndi svo ekki var um villst að það átti að halda nákvæmlega sama striki.

Einkageirinn svífur aftur á móti seglum þöndum, Sjúkratryggingar Íslands borga á meðan almennar heilbrigðisstofnanir svelta.

Fátækt er pólitík

Þetta snýst um stjórnmál hvernig komið er. Fátækt á Íslandi er afleiðing pólitískra ákvarðana. Þar ber Sjálfstæðisflokkurinn mikla ábyrgð. Þessu er hægt að snúa við og skapa samfélag þar sem afkoma allra er tryggð. Það þarf hins vegar vilja og aðra sýn en nýfallin ríkistjórn hafði. Sýnum réttlæti, sköpum eitt samfélag fyrir alla.

Landsbyggðin

Við eigum að standa vörð, vera jákvæð og uppbyggileg í garð landsbyggðar sem vill eflast á eigin forsendum. Við eigum að styðja endursköpun okkar mikilvægu matvælaframleiðslu í landbúnaði og sömuleiðis nýjar atvinnugreinar í sátt við umhverfið, ónumin lönd eru í ferðaþjónustu. Í innviðauppbyggingu vega stórbættar samgöngur á landsbyggðinni þyngst.

Fjölnota svik

Við höfum því miður orðið vitni að því,  í svo mörgu, að litlar efndir fylgja orðum og  nú er Sjálfstæðisflokkurinn enn kominn af stað. Formaðurinn reynir að telja almenningi trú um, þriðju kosningarnar í röð, að heilbrigðisþjónustan, kjör aldraðra og öryrkja séu sérstakt forgangsverkefni. Trúir einhver þessu?

Sanngirni

Það eru ekki velferðarmálin, ekki hagur barna eða umburðarlyndi og mannúð gagnvart fólki í neyð sem sett eru í öndvegi.  Þeir sem standa höllum fæti eru settir til hliðar.  Þessu vilja jafnaðarmenn breyta, það munu þau öfl sem nú voru bráðkvödd ekki gera.  Gefum þreyttum og svikulum stjórnmálaflokkum hvíld, verum djörf og kjósum umbætur.

Höfundur greinar: Guðjón Brjánsson, þingmaður Samfylkingar í NV kjördæmi.

Birtist fyrst í Vesturland.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Íslensk pólitík þarf að breytast

Kolbrún Bergþórsdóttir skrifar: Um eitt og hálft ár er liðið síðan baráttumaðurinn Kári Stefánsson afhenti íslenskum stjórnvöldum undirskriftir rúmlega 85 þúsund Íslendinga sem fóru fram á að 11 prósentum af vergri landsframleiðslu yrði varið í rekstur heilbrigðiskerfisins. Þessi undirskriftasöfnun er sú fjölmennasta í Íslandssögunni. Ráðamenn lögðu við hlustir eða þóttust allavega gera það. Þeim er […]

Gylfi Ólafsson: Hvernig á að auka sjávarútveg á Vestfjörðum?

Blaðið Vestfirðir sendi frambjóðanda í efsta sæti á öllum níu listum í Norðvesturkjördæmi svohljóðandi spurningu: Aðeins um 7% af framleiðslunni í sjávarútvegi var 2015 á Vestfjörðum, en hlutfallið var um 16% fram til um 1995. Hvaða breytingar telur þú að þurfi að gera, m. a. á löggjöf um stjórn fiskveiða, til þess að sjávarútvegur vaxi […]

Hverjum treystir þú?

Ari Trausti Guðmundsson þingmaður VG í Suðurkjördæmi skrifar:  Eftir að tvær ríkisstjórnir með aðild Sjálfstæðisflokksins hafa sundrast verður að kjósa til Alþingis og leita nýrra leiða við landsstjórnina. Vinstrihreyfingin – grænt framboð (VG) leggur nú í dóm kjósenda stefnu sem byggir á jöfnuði, jafnrétti, samstöðu, lýðræði, umhverfisvernd og ábyrgu frelsi. Grunnstef VG í komandi kosningum […]

Aðskilnaður stjórnmála og viðskipta

Kristinn H. Gunnarsson skrifar: Það sem helst má draga fram sem ástæðu stjórnarslitanna og snemmbúinna Alþingiskosninga er gífurlega uppsöfnuð gremja almennings út í klíkuskap og sérmeðferð útvalinna í þjóðfélaginu. Skemmst er að minnast þingkosninganna í fyrra sem urðu af sömu ástæðu. Panamaskjölin drógu fram að hópur fólks í þjóðfélaginu geymdi fé sitt erlendis og leyndi […]

Kosningar 2017: Sigurður Ingi Jóhannsson um Vestfirði

Spurningar um Vestfirði vegna Alþingiskosninganna 2017, sem sendar voru öllum forsvarsmönnum framboða í Norðvesturkjördæmi. Tilefni: Skýrsla Byggðastofnunar um hagvöxt landshlutans 2008 – 2015. Útg. ágúst 2017. Upplýsingar sem fram koma í skýrslunni: Hagvöxtur á Vestfjörðum:  -6% ,     en  +4% á landinu öllu. Íbúaþróun:  -4,6% , en +4,3% á landinu öllu. Framleiðsla á mann:  -2%,  en […]

Af hverju eru allir stóreignamenn í Sjálfstæðisflokknum?

Einar Kárason skrifar: Því hefur stundum verið haldið fram að tími stéttastjórnmála sé liðinn, og vissulega hljóma sumir gamlir frasar um öreiga og verkalýð ærið forneskjulega í eyrum nútímafólks. En staðreyndin er hinsvegar merkilegt nokk sú að næstum allir þeir hér á landi sem gamlar skilgreiningar sortera í auðstétt, eru í hægriflokkunum, og þar af […]

Ásmundur Einar Daðason: Hvernig á að auka sjávarútveg á Vestfjörðum?

Blaðið Vestfirðir sendi frambjóðanda í efsta sæti á öllum níu listum í Norðvesturkjördæmi svohljóðandi spurningu: Aðeins um 7% af framleiðslunni í sjávarútvegi var 2015 á Vestfjörðum, en hlutfallið var um 16% fram til um 1995. Hvaða breytingar telur þú að þurfi að gera, m. a. á löggjöf um stjórn fiskveiða, til þess að sjávarútvegur vaxi […]

Áherslur flokkanna: Samgöngumálin

Eyjan mun fram að kjördegi bjóða framboðum sem taka þátt í Alþingiskosningunum 28. október næstkomandi að svara spurningum um ýmis málefni, allt frá landbúnaðarmálum til afstöðu flokkanna til veru Þjóðkirkjunnar á fjárlögum. Í dag er spurt: Hver er stefnan í samgöngumálum? Svörum flokkanna er raðað eftir listabókstaf framboðsins.   Björt framtíð – X-A   Björt […]

Nýr Þjóðarpúls: Vinstri græn og Sjálfstæðisflokkur áfram langstærst

Vinstri græn og Sjálfstæðisflokkur mælast með langmest fylgi, samkvæmt nýjum Þjóðarpúlsi Gallup. Fjallað var um hann í kvöldfréttum RÚV. Vinstri græn mældust með rúmlega 23 prósenta fylgi á meðan Sjálfstæðisflokkur mældist með tæplega 23 prósenta fylgi. Í niðurstöðum könnunar sem MMR birti í vikunni var fylgi Sjálfstæðisflokks 19,9 prósent en fylgi Vinstri grænna 19,1 prósent. […]

Deilt á skattablekkingarleik vinstri flokkana: „Kjósendur eru ekki fífl“

Hörður Ægisson ritstjóri Markaðarins deilir harkalega á tillögur Vinstri grænna og Samfylkingarinnar um verulega aukningu ríkisútgjalda í leiðara Fréttablaðsins í dag, segir hann að málflutningur um að það eigi ekki að hækka skatta á almenning standist enga skoðun: „Fyrir liggur að tveir stjórnmálaflokkar – Vinstri grænir og Samfylkingin – hafa lagt til að útgjöld ríkissjóðs […]

Hannes og Gunnar Smári í átökum: Öfund, dóni, mykjudreifari og ruglukollur

Hannes Hólmsteinn Gissurarson prófessor í stjórnmálafræði við Háskóla Íslands deilir á gagnrýnendur Bjarna Benediktssonar formann Sjálfstæðisflokksins, segir Hannes á Fésbók að öfund vinstrimanna í garð Bjarna sé öflugri en allar vatnsafls- og jarðvarmavirkjanir á Íslandi. Þeim orðum svaraði Gunnar Smári Egilsson Sósíalistaforingi og fyrrverandi útgefandi á eftirfarandi hátt: Áttu við að andstyggð fólks á þeim […]

Þetta miklu eyða flokkarnir í kosningabaráttuna

Aðeins átta dagar eru til kosninga og því naumur tími til að koma stefnumálum sínum á framfæri. Boðað var til kosningar með mun skemmri fyrirvara en venjan er og því hafa flokkarnir ekki haft mikinn tíma til að undirbúa kosningabaráttuna. Flokkarnir hafa ekki úr jafn miklum fjármunum að moða líkt og sjá má þegar kosningabaráttan […]

Þingmaður Pírata um Sjálfstæðisflokkinn: „Þessir lygarar hafa blóð á höndum sínum – Blóð vina minna“

„Þetta er ljótasta lygi sem ég hef séð í þessari kosningabaráttu. Það var Sjálfstæðisflokkurinn sem bannaði Óttari og Viðreisn að gera umbætur,“ segir Gunnar Hrafn Jónsson þingmaður Pírata í umræðu inni í Fésbókarhópnum Geðsjúk þar sem meðlimur hópsins setti inn færslu Sjálfstæðisflokksins þar sem segir að flokkurinn vilji ljúka framkvæmd geðheilbrigðisstefnunnar og fylgja henni eftir. […]

Bjarni Ben um nýjan þjóðarleikvang – Við erum að hugsa til langs tíma

,,Við erum að hugsa til langs tíma, það er einfaldlega kominn tími til þess að við tökum ákvarðanir,“ sagi Bjarni Benediktsson sitjandi forsætisráðherra um þau áform að byggja nýjan Laugardalsvöll.

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is