Föstudagur 06.10.2017 - 12:27 - Ummæli ()

Sjálfstæðismenn fylkja sér að baki formanninum: „Viðskipti Bjarna hafa staðist ítrekaða skoðun“

Bjarni Benediktsson formaður Sjálfstæðisflokksins. Mynd/Sigtryggur Ari

Þingmenn og stuðningsmenn Sjálfstæðisflokksins grípa til varna fyrir Bjarna Benediktsson formann flokksins í kjölfar fréttaflutnings í morgun af viðskiptum hans fyrir og í miðju bankahruninu haustið 2008. Birti breska dagblaðið Guardian, Reykjavík Media og Stundin ítarlegar fréttir um sölu Bjarna á bréfum í Sjóði 9 sem og fjölskyldu hans á bréfum í Glitni. Segir í umfjölluninni að Bjarni, sem þá var þingmaður Sjálfstæðisflokksins, hafi setið fundi þar sem alvarleg staða bankana var rædd og hafi selt bréf fyrir alls 120 milljónir króna eftir fund með bankastjóra Glitnis.

Líkt og greint hefur verið frá segir Bjarni að þessi viðskipti hafi verið eðlileg, hann hafi ekki búið yfir neinum innherjaupplýsingum og viðskipti hans hafi þegar verið rannsökuð í þaula án þess að hann hafi verið sakaður um neitt misjafnt. Fer hann yfir atriði málsins í ítarlegri færslu á Fésbók sem þingmenn og stuðningsmenn Sjálfstæðisflokksins hafa deilt.

Sjá einnig: Bjarni svarar: „Öll mín viðskipti við Glitni banka voru eðlileg“

Áslaug Arna Sigurbjörnsdóttir varaformaður Sjálfstæðisflokksins. Mynd: DV/Sigryggur Ari

Áslaug Arna Sigurbjörnsdóttir varaformaður Sjálfstæðisflokksins hvetur fólk til að lesa færslu Bjarna til að „hafa staðreyndir á hreinu“:

„Fréttin sem Stundin slær upp í morgun eru bæði gömul og villandi. Viðskipti Bjarna hafa staðist ítrekaða skoðun, bæði Rannsóknarnefndar Alþingis og slitstjórnar bankans. Á þessum tíma var öllum ljóst að Glitnir væri í alvarlegum vandræðum enda hafði verið fjallað um það í fjölmiðlum,“

segir Áslaug Arna og bætir við:

Bjarni sagði sig frá öllum stjórnarstörfum og losaði sig við hlutabréf til að helga alla starfskrafta sína íslenskum stjórnmálum. Fyrir það er ég þakklát, hann hefur einbeitt sér að því að byggja upp íslenskt samfélag og bæta lífskjör allra landsmanna. Bjarni er ekki aðeins einstakur stjórnmálamaður sem lætur ekki bilbug á sér finna þó hart sé að honum sótt, heldur er hann hvetjandi, umburðarlyndur og frábær vinur og samstarfsmaður.

Jón Gunnarsson samgönguráðherra.

Tilraun til að þyrla upp ryki í aðdraganda kosninga

Jón Gunnarsson samgönguráðherra segir að fréttaflutningur Guardian, Stundarinnar og Reykjavík Media í dag sé enn ein tilraunin til að „þyrla upp ryki til að hnekkja á Sjálfstæðisflokknum í aðdraganda kosninga“:

Engum vafa er undirorpið að styrk stjórn Bjarna Benediktssonar á ríkisfjármálum, á undanförnum árum, á stóran þátt í því hve vel hefur tekist til við uppbyggingu og endurreisn íslensks efnahagslífs. Þekking hans og reynsla hefur vegið þungt í allri ákvarðantöku sem leitt hefur af sér aukna velsæld okkar Íslendinga. Ég spyr er ekki mál að linni, er ekki kominn tími til að horfa til framtíðar, tryggja áframhaldandi stöðugleika og styrkja þar með grundvöllinn undir áframhaldandi hagsæld íslenskra heimila.

Sirrý Hallgrímsdóttir fyrrverandi formaður Landssambands Sjálfstæðiskvenna veltir fyrir sér tímasetningunni á fréttunum:

Nú 9 árum síðar er þetta mál aftur til umfjöllunar. Mál sem búið er að rannsaka í kjölinn. Ég velti fyrir mér tímasetningunni…..

Undir það taka Áslaug Arna, Hildur Sverrisdóttir þingmaður Sjálfstæðisflokksins og Svanhildur Hólm Valsdóttir aðstoðarmaður Bjarna.

Ekki pólitískur jarðskjálfti

Hulda Þórisdóttir sálfræðingur og stjórnmálaskýrandi sagði í Morgunútvarpinu á Rás 2 í morgun að það væri ekki líklegt að málið hefði áhrif á kosningabaráttuna, fólk sé þegar búið að gera upp við sig hvort það sem gerðist fyrir hrun sé ófyrirgefanlegt eða ekki:

Þetta er bara enn eitt málið af þessum toga sem kemur upp, eflaust í huga margra. Og þessi mál hafa pólaríserað þjóðina og ég hugsa að þeir sem að styðja Bjarna og hans flokk, þeir láta þetta ekki mikið á sig fá. Auðvitað kemur þetta róti á einhverja en ég held að þetta sé ekki jarðskjálfti í ljósi þess að þetta kemur í kjölfarið á svo mörgum svona málum.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Íslensk pólitík þarf að breytast

Kolbrún Bergþórsdóttir skrifar: Um eitt og hálft ár er liðið síðan baráttumaðurinn Kári Stefánsson afhenti íslenskum stjórnvöldum undirskriftir rúmlega 85 þúsund Íslendinga sem fóru fram á að 11 prósentum af vergri landsframleiðslu yrði varið í rekstur heilbrigðiskerfisins. Þessi undirskriftasöfnun er sú fjölmennasta í Íslandssögunni. Ráðamenn lögðu við hlustir eða þóttust allavega gera það. Þeim er […]

Gylfi Ólafsson: Hvernig á að auka sjávarútveg á Vestfjörðum?

Blaðið Vestfirðir sendi frambjóðanda í efsta sæti á öllum níu listum í Norðvesturkjördæmi svohljóðandi spurningu: Aðeins um 7% af framleiðslunni í sjávarútvegi var 2015 á Vestfjörðum, en hlutfallið var um 16% fram til um 1995. Hvaða breytingar telur þú að þurfi að gera, m. a. á löggjöf um stjórn fiskveiða, til þess að sjávarútvegur vaxi […]

Hverjum treystir þú?

Ari Trausti Guðmundsson þingmaður VG í Suðurkjördæmi skrifar:  Eftir að tvær ríkisstjórnir með aðild Sjálfstæðisflokksins hafa sundrast verður að kjósa til Alþingis og leita nýrra leiða við landsstjórnina. Vinstrihreyfingin – grænt framboð (VG) leggur nú í dóm kjósenda stefnu sem byggir á jöfnuði, jafnrétti, samstöðu, lýðræði, umhverfisvernd og ábyrgu frelsi. Grunnstef VG í komandi kosningum […]

Aðskilnaður stjórnmála og viðskipta

Kristinn H. Gunnarsson skrifar: Það sem helst má draga fram sem ástæðu stjórnarslitanna og snemmbúinna Alþingiskosninga er gífurlega uppsöfnuð gremja almennings út í klíkuskap og sérmeðferð útvalinna í þjóðfélaginu. Skemmst er að minnast þingkosninganna í fyrra sem urðu af sömu ástæðu. Panamaskjölin drógu fram að hópur fólks í þjóðfélaginu geymdi fé sitt erlendis og leyndi […]

Kosningar 2017: Sigurður Ingi Jóhannsson um Vestfirði

Spurningar um Vestfirði vegna Alþingiskosninganna 2017, sem sendar voru öllum forsvarsmönnum framboða í Norðvesturkjördæmi. Tilefni: Skýrsla Byggðastofnunar um hagvöxt landshlutans 2008 – 2015. Útg. ágúst 2017. Upplýsingar sem fram koma í skýrslunni: Hagvöxtur á Vestfjörðum:  -6% ,     en  +4% á landinu öllu. Íbúaþróun:  -4,6% , en +4,3% á landinu öllu. Framleiðsla á mann:  -2%,  en […]

Af hverju eru allir stóreignamenn í Sjálfstæðisflokknum?

Einar Kárason skrifar: Því hefur stundum verið haldið fram að tími stéttastjórnmála sé liðinn, og vissulega hljóma sumir gamlir frasar um öreiga og verkalýð ærið forneskjulega í eyrum nútímafólks. En staðreyndin er hinsvegar merkilegt nokk sú að næstum allir þeir hér á landi sem gamlar skilgreiningar sortera í auðstétt, eru í hægriflokkunum, og þar af […]

Ásmundur Einar Daðason: Hvernig á að auka sjávarútveg á Vestfjörðum?

Blaðið Vestfirðir sendi frambjóðanda í efsta sæti á öllum níu listum í Norðvesturkjördæmi svohljóðandi spurningu: Aðeins um 7% af framleiðslunni í sjávarútvegi var 2015 á Vestfjörðum, en hlutfallið var um 16% fram til um 1995. Hvaða breytingar telur þú að þurfi að gera, m. a. á löggjöf um stjórn fiskveiða, til þess að sjávarútvegur vaxi […]

Áherslur flokkanna: Samgöngumálin

Eyjan mun fram að kjördegi bjóða framboðum sem taka þátt í Alþingiskosningunum 28. október næstkomandi að svara spurningum um ýmis málefni, allt frá landbúnaðarmálum til afstöðu flokkanna til veru Þjóðkirkjunnar á fjárlögum. Í dag er spurt: Hver er stefnan í samgöngumálum? Svörum flokkanna er raðað eftir listabókstaf framboðsins.   Björt framtíð – X-A   Björt […]

Nýr Þjóðarpúls: Vinstri græn og Sjálfstæðisflokkur áfram langstærst

Vinstri græn og Sjálfstæðisflokkur mælast með langmest fylgi, samkvæmt nýjum Þjóðarpúlsi Gallup. Fjallað var um hann í kvöldfréttum RÚV. Vinstri græn mældust með rúmlega 23 prósenta fylgi á meðan Sjálfstæðisflokkur mældist með tæplega 23 prósenta fylgi. Í niðurstöðum könnunar sem MMR birti í vikunni var fylgi Sjálfstæðisflokks 19,9 prósent en fylgi Vinstri grænna 19,1 prósent. […]

Deilt á skattablekkingarleik vinstri flokkana: „Kjósendur eru ekki fífl“

Hörður Ægisson ritstjóri Markaðarins deilir harkalega á tillögur Vinstri grænna og Samfylkingarinnar um verulega aukningu ríkisútgjalda í leiðara Fréttablaðsins í dag, segir hann að málflutningur um að það eigi ekki að hækka skatta á almenning standist enga skoðun: „Fyrir liggur að tveir stjórnmálaflokkar – Vinstri grænir og Samfylkingin – hafa lagt til að útgjöld ríkissjóðs […]

Hannes og Gunnar Smári í átökum: Öfund, dóni, mykjudreifari og ruglukollur

Hannes Hólmsteinn Gissurarson prófessor í stjórnmálafræði við Háskóla Íslands deilir á gagnrýnendur Bjarna Benediktssonar formann Sjálfstæðisflokksins, segir Hannes á Fésbók að öfund vinstrimanna í garð Bjarna sé öflugri en allar vatnsafls- og jarðvarmavirkjanir á Íslandi. Þeim orðum svaraði Gunnar Smári Egilsson Sósíalistaforingi og fyrrverandi útgefandi á eftirfarandi hátt: Áttu við að andstyggð fólks á þeim […]

Þetta miklu eyða flokkarnir í kosningabaráttuna

Aðeins átta dagar eru til kosninga og því naumur tími til að koma stefnumálum sínum á framfæri. Boðað var til kosningar með mun skemmri fyrirvara en venjan er og því hafa flokkarnir ekki haft mikinn tíma til að undirbúa kosningabaráttuna. Flokkarnir hafa ekki úr jafn miklum fjármunum að moða líkt og sjá má þegar kosningabaráttan […]

Þingmaður Pírata um Sjálfstæðisflokkinn: „Þessir lygarar hafa blóð á höndum sínum – Blóð vina minna“

„Þetta er ljótasta lygi sem ég hef séð í þessari kosningabaráttu. Það var Sjálfstæðisflokkurinn sem bannaði Óttari og Viðreisn að gera umbætur,“ segir Gunnar Hrafn Jónsson þingmaður Pírata í umræðu inni í Fésbókarhópnum Geðsjúk þar sem meðlimur hópsins setti inn færslu Sjálfstæðisflokksins þar sem segir að flokkurinn vilji ljúka framkvæmd geðheilbrigðisstefnunnar og fylgja henni eftir. […]

Bjarni Ben um nýjan þjóðarleikvang – Við erum að hugsa til langs tíma

,,Við erum að hugsa til langs tíma, það er einfaldlega kominn tími til þess að við tökum ákvarðanir,“ sagi Bjarni Benediktsson sitjandi forsætisráðherra um þau áform að byggja nýjan Laugardalsvöll.

Eyjan Miðlar ehf. - Kringlunni 4-12, 103 Reykjavík - eyjan (hjá) eyjan.is