Mánudagur 09.10.2017 - 16:54 - Ummæli ()

Hver á landið og auðlindirnar?

Einar Kárason skrifar:

Þegar rætt er um fiskveiðimál á Íslandi og hugmyndir um að menn greiði fyrir aðgang að miðunum er viðkvæði þeirra sem eru á móti slíku gjarnan á þann veg að það hafi aldrei kostað neitt að róa til fiskjar hér á landi; hvers vegna ætti núna að fara að rukka fyrir þann aldagamla rétt?

En þá er því til að svara að greiðslur þær sem um er að ræða væru endurgjald fyrir einkaleyfi til fiskveiða á miðunum í kringum landið, einkaleyfi sem tilteknir útgerðar- og eignamenn hafa, og er bæði afar verðmætt og eftirsótt eins og dæmin sanna.

Aðferðin sem farin var þegar ljóst var að takmarka þyrfti aðgang að fiskimiðum landsins, helstu auðlind þjóðarinnar, var ekkert minna en algerlega galin.

 

Einar Kárason rithöfundur og frambjóðandi Samfylkingarinnar. Mynd/Sigtryggur Ari

Tökum hliðstætt en ímyndað dæmi af einhverju sem er eftirsótt, en hefur ekkert kostað hingað til. Nærtækt væri að nefna vinsæla ferðamannastaði, og gefum okkur að með hinum vaxandi ferðamannastraumi verði ákveðið að takmarka aðgang að þeim við tiltekinn fjölda á ári; Þingvelli, Ásbyrgi, Gullfoss, Þjórsárver, Skaftafell, Hornstrandir…  En í stað þess að við, þjóðin sem á þetta land, seldi þeim takamarkaða fjölda sem mætti fara á þannig staði leyfi til að skoða, þá yrði sagt: Til að stemma stigu við offjölgun og átroðningi mega hér eftir ekki fara þangað aðrir en þeir sem þar hafa komið á liðnum árum. Þeir fá einkaleyfi, í samræmi við meðalfjölda heimsókna síðustu þrjú ár og þann fjölda sem þeir hafa haft með sér. Þannig myndu rútubílaeigendur, gædar og ferðaskrifstofur eignast megnið af einkaleyfum til að skoða náttúruperlur landsins, eða sýna öðru fólki þær. Og þetta leyfi yrði framseljanlegt, og gengi í erfðir.

Þannig myndu fáir í raun eignast öræfin og þjóðgarðana

Þetta myndi auðvitað sankast á færri hendur. Sumir leyfishafar myndu fljótt selja sig út úr greininni fyrir góðan pening og fara með hann til Tortóla, aðrir myndu veðsetja sinn kvóta mörg ár fram í tímann og kaupa fyrir það eignir í útlöndum, aðrir myndu leigja sín leyfi, selja öðrum sinn aðgang að Snæfellsjökli eða Loðmundarfirði, og lifa af því lúxuslífi við sólböð og golf á Spáni eða Flórída árið um kring. Stærstu eigendur einkaleyfa til að skoða landið myndu að sjálfsögðu reka umfangsmikinn atvinnurekstur á því sviði, með stórum arðgreiðslum og hagnaði sem sumpart væri notaður til að styrkja þá flokka og fjölmiðla sem verja óbreytt ástand.

Þrjátíu árum seinna yrði svo ungur Íslendingur sem hefði áhuga á að sjá landið sitt í rauninni að kaupa til þess leyfi af erfingjum einhvers manns sem ferðaðist þangað fyrir áratugum, eða þeim sem í millitíðinni hafa keypt þann aðgang. Á sama tíma væru handhafa einkaleyfanna, sem þeir fengu ókeypis,  farnir að segja, beint eða óbeint, að þessi langi tími væri að sjálfsögðu búinn að mynda virkan eignarétt, og þrátt fyrir að eitthvað stæði í lögum um að þjóðin ætti landið, þá ættu þeir í rauninni sjálfir fjöllin, heiðarnar og þjóðgarðana, enda hefði þetta gengið kaupum og sölum áratugum saman.

Þetta hljómar auðvitað fáránlega, en svona gekk þetta til með fiskveiðiauðlindina. Einungis jafnaðarmenn hafa frá upphafi reynt að berjast gegn þeirri þróun sem hefur verið í gangi í þessum efnum, og Samfylkingin hefur frá stofnun haft um það skýra stefnu að þjóðin, eigandi auðlindanna, ætti innkalla nýtingarréttinn og bjóða hann svo út.

Þessvegna ættu þeir sem aðhyllast að öll þjóðin eigi landið og auðlindirnar að setja X við S í komandi kosningum.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Forsætisráðherra á leiðtogafundi í París – Kynnti kolefnislaust Ísland 2040

Katrín Jakobsdóttir, forsætisráðherra, tók þátt í leiðtoga-fundi í París í dag undir yfirskriftinni „One Planet Summit“.  Fundurinn var haldinn í tilefni af því að í dag, 12. desember, eru tvö ár liðin frá samþykkt Parísarsamkomulagsins og lýkur fundinum síðar í kvöld. Megintilgangur fundarins er að fagna þeim áfanga sem Parísarsamkomulagið er og vekja athygli á markmiðum […]

Áform um hverfisskipulag Grafarvogs kynnt – Starfsemi fyrir kvikmyndaiðnað, verslun og þjónustu

Umhverfis- og skipulagssvið Reykjavíkurborgar hélt kynningarfund á dögunum vegna fyrsta áfanga skipulags í Gufunesi. Fundurinn var haldinn í Hlöðunni við Gufunesbæ. Stuðla á að fjölbreyttari byggð og starfsemi og styðja við og styrkja Grafarvog sem hverfisheild. Á svæðinu er einkum gert ráð fyrir starfsemi á sviði afþreyingar- og kvikmyndaiðnaðar og þjónustu tengdri slíkri starfsemi. Einnig […]

Trump verst ásökunum um kynferðislega áreitni á Twitter

Donald Trump Bandaríkjaforseti, sagði í dag að allur sá fjöldi ásakana á hendur honum varðandi kynferðislega áreitni, væri liður í samsæri Demókrata og kallaði þær falsfréttir. Orð Trump féllu degi eftir að þrjár konur ásökuðu Trump um að hafa áreitt sig kynferðislega í viðtali á NBC sjónvarpsstöðinni og á blaðamannafundi í New York í gær. […]

Herdís kjörin næst-æðsti stjórnandi Feneyjanefndar Evrópuráðsins -Fyrst Íslendinga

Dr. Herdís Kjerulf Þorgeirsdóttir hefur kjörin næst-æðsti stjórnandi Feneyjanefndar Evrópuráðsins, nefndar Evrópuráðsins um lýðræði með lögum. Á aðalfundi nefndarinnar nú í desember var Herdís kjörin fyrsti varaforseti nefndarinnar en hún hafði í tvígang verið kjörin ein þriggja varaforseta hennar. Hún er fyrsti Íslendingurinn sem kjörin er í stjórn Feneyjarnefndarinnar.     Aðspurð um hvaða þýðingu þetta […]

Kristinn H reiðir til höggs – Sakar umhverfisráðherra um „veruleikafirringu“ og tilheyra „öfgasamtökum“

Kristinn H. Gunnarsson, fyrrum þingmaður og nú ritstjóri Vestfirðings, gagnrýnir nýskipaðan umhverfisráðherra harðlega í leiðara blaðs síns í dag. Guðmundur I. Guðbrandsson, sem áður var framkvæmdarstjóri Landverndar, var skipaður sem fagráðherra af Vinstri grænum eftir síðustu kosningar, en sú ráðning virðist ekki vekja lukku hjá Kristni H. sem sakar umhverfisráðherra um að beita sér af […]

Kristján Þór gerir hreint fyrir sínum dyrum varðandi Samherjatengsl

Sjávarútvegs- og landbúnaðarráðherra, Kristján Þór Júlíusson, birti á Facebook síðu sinni í morgun yfirlýsingu, þar sem hann gerir grein fyrir tengslum sínum við Þorstein Má Baldvinsson, forstjóra Samherja sem og tengsl hans við fyrirtækið, en hann hefur legið undir ámæli vegna þessa, sökum stöðu sinnar og embættis. Flest, ef ekki allt það sem Kristján týnir […]

Olíunotkun sjávarútvegsins fer minnkandi – Nálgast markmið Parísarsamkomulagsins

Samkvæmt skýrslu Samtaka fyrirtækja í sjávarútvegi um olíunotkun greinarinnar til 2030, sem unnin er að hluta af stærstu sjávarútvegsfyrirtækjum landsins, kemur í ljós að eldsneytisnotkun hefur minnkað töluvert frá árinu 1990, eða um 43% Í skýrslunni kemur fram að „sterkir fiskistofnar, framfarir í veiðum og betra skipulag veiða hafa leitt til verulega minni olíunotkunar í […]

Dapurleg upprifjun

Jón Steinar Gunnlaugsson skrifar: Það var sorglegt að fylgjast með upprifjun á því í fréttum í síðustu viku hvernig margir Íslendingar höguðu sér fyrst eftir bankahrunið 2008. Menn fóru í ógnandi hópum að heimilum fólks, sem það taldi í fávisku sinni að borið hefði einhverja óskilgreinda ábyrgð á hörmungunum. Þar urðu meðal annars stjórnmálamenn og […]

„Tímabært að teikna upp mynd af því hvernig hann og hans nánustu hafa hagað sér“

Karl Th. Birgisson, ritstjóri Herðubreiðar, gaf út á dögunum bók er nefnist Hinir Ósnertanlegu, saga um auð, völd og spillingu. Þar er fjallað um viðskiptasögu Bjarna Benediktssonar, fjármálaráðherra og ítök föðurættar Bjarna í viðskiptalífinu í gegnum árin, sem höfundur kallar „eitrað samband stjórnmála og viðskipta.“       En af hverju réðst Karl í gerð […]

Aldrei munað eins litlu á WOW og Icelandair í farþegum talið

Aldrei hefur munað jafn litlu á stærð íslensku flugfélaganna tveggja, Icelandair og WOW, í farþegum talið. Icelandair flutti í nóvember 249 þúsund farþega, meðan Wow flaug með 224 þúsund farþega á sama tíma. Munurinn er 25 þúsund farþegar, sem er minnsti mælanlegi munur hingað til. Þar áður var munurinn minnstur í febrúar, eða 33,657 farþegar. […]

Velferðarráðuneytið vænir Barnaverndarstofu um ósannsögli

Líkt og komið hefur fram í fjölmiðlum hefur forstjóri Barnaverndarstofu, Bragi Guðbrandsson,  legið undir ámæli vegna starfshátta sinna. Barnaverndarstofa sendi frá sér yfirlýsingu á föstudag, þar sem beðið var um frest til að svara Velferðarráðuneytinu, meðan aflað væri frekari gagna, því það hafi gengið erfiðlega að fá gögnin í hendur. Nú hefur Velferðarráðuneytið sent frá […]

Búið að ráða aðstoðarmenn dómara við Landsrétt

Samkvæmt öruggum heimildum Eyjunar er búið að ráða aðstoðarmenn dómara við Landsrétt. Auglýst var eftir fimm löglærðum aðstoðarmönnum dómara við Landsrétt í sumar, en Landsréttur tekur til starfa 1. janúar 2018 og er gert ráð fyrir að aðstoðarmenn hefji störf frá þeim tíma. Alls sóttu 116 manns um störfin fimm en eftirtaldir einstaklingar fengu starfið: […]

Stjórnarandstaðan þiggur formennsku þriggja fastanefnda Alþingis- „Ekki nema hæfilega ánægð“

Stjórnarandstaðan ákvað í morgun að taka við formennsku í þeim þremur fastanefndum sem ríkisstjórnin hafði boðið þeim. Þetta staðfesti Logi Einarsson formaður Samfylkingarinnar við Eyjuna. Að sögn Loga mun Samfylkingin fara með formennsku í stjórnskipunar- og eftirlitsnefnd fyrstu tvö árin, en skiptast síðan á við Pírata, sem fara fyrir velferðarnefnd fyrstu tvö árin. Þá mun […]

Hæstaréttarlögmaður ýjar að vanhæfi umhverfisráðherra

Hæstaréttarlögmaðurinn Jón Jónsson skrifar grein í Morgunblaðið um helgina, hvar hann veltir fyrir sér hæfi, eða eftir atvikum, vanhæfi Guðmundar I. Guðbrandssonar umhverfisráðherra, sökum sinna fyrri starfa hjá Landvernd. Spyr Jón hvort umhverfisráðherra sé til dæmis hæfur til að skipa til dæmis starfshóp um málefni Teigsskógar, eða hvort hann sé hæfur að fjalla um aðalskipulag tengt […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is