Mánudagur 09.10.2017 - 12:45 - Ummæli ()

Vilhjálmur: „Ég veit ekki með ykkur en þessu er ég ekki búinn að gleyma!“

Vilhjálmur Birgisson formaður Verkalýðsfélags Akraness.

„Í umræðum um komandi Alþingiskosningar í ríkissjónvarpinu í gær spurði Þorvaldur frá Alþýðufylkingunni Katrínu Jakobsdóttur formann Vinstri grænna um af hverju kjósendur ættu að treysta þeim í ljósi þátttöku þeirra í ríkisstjórninni á árunum 2009 til 2013. Þorvaldur nefndi nokkur atriði máli sínu til stuðnings. En inni í þessa spurningu vantaði fjölmörg atriði þar sem sú ríkisstjórn sem var við völd frá 2009 til 2013 vann algerlega gegn hagsmunum alþýðunnar og hagsmunum íslenskra heimila.“

Þannig hefst pistill eftir verkalýðsforingjann Vilhjálm Birgisson á Akranesi. Hann segir að það vanti þó nokkur atriði inn í upptalningu Þorvaldar. Vilhjálmur segir eftirfarandi atriði vanta:

„Afnámu verðtryggingu persónuafsláttar árið 2009 og sviku 3000 króna hækkun á persónuafslættinum sem átti að koma til framkvæmda 2010 sem verkalýðshreyfingin samdi um samhliða kjarasamningum í febrúar 2008. En þessi ákvörðun félagshyggjustjórnarinnar 2009 bitnaði langþyngst á þeim tekjulægstu.“

„Afnámu sjómannaafsláttinn sem sjómenn höfðu haft frá árinu 1954.“

„Afhentu lánasöfn heimilanna frá gömlu bönkunum yfir til þeirra nýju með afslætti sem nam frá 30% upp í allt að 50%. Skotleyfi var síðan gefið á íslensk heimili.“

„Eftir að gengistryggðu lánin voru dæmd ólögleg var farið á fulla ferð að koma í veg fyrir að þeir vextir sem voru á gengistryggðu lánunum fengju að standa óbreyttir.“

„Ríkisstjórnin setti svokölluð Árnapálslög á sem kváðu á um að seðlabankavextir skyldu taka við af þeim lágu vöxtum sem voru á gengistryggðu lánunum en seðlabankavextirnir voru rúm 8% á þessum árum en vextirnir á gengistryggðu lánunum voru þetta í kringum 2 til 3%.“

„Árnapálslögin voru látin gilda afturvirkt sem reyndist síðan kolólöglegt en þarna átti að reyna að hafa 64 milljarða af einstaklingum og heimilum með lögum sem ekki stóðust nokkra skoðun.“

„Á herðar skattgreiðenda voru lagðir 427 milljarðar til að endurreisa fjármálakerfið samkvæmt skýrslu frá ríkisendurskoðun.“

„Á sama tíma og 427 milljarðar voru lagðir á herðar skattgreiðenda misstu uppundir 10 þúsund fjölskyldur heimili sín vegna hrunsins.“

„Rétt er að geta þess að þessar aðgerðir stjórnvalda að slá ætíð skjaldborg um fjármálakerfið hafa gert það að verkum að viðskiptabankarnir þrír hafa skilað í hagnað uppundir 700 milljörðum m.a. vegna uppfærslu á lánasöfnum sem þeir fengu á hrakvirði frá gömlu bönkunum!“

Vilhjálmur kveðst gera sér grein fyrir að sú ríkisstjórn sem tók við á þessum tíma, árið 2009 hafi tekið við, við erfiðar aðstæður.

„ … en það réttlætir það alls ekki að aðalstefna ríkisstjórnarinnar sem tók við 2009 virðist hafa verið að tryggja fjármálalegan stöðugleika hjá fjármálaelítunni en skeytti litlu sem engu um fjármálalegan stöðugleika íslenskra heimila eins og sagan svo sannarlega sannaði.“

Þá segir Vilhjálmur að lokum í pistli sínum á Pressunni:

Það var sorglegt og í raun ótrúlegt að það skyldi vera ríkisstjórn sem kennir sig við félagshyggju, réttlæti og jöfnuð sem skyldi slá skjaldborg um fjármálaelítuna á kostnað alþýðunnar og íslenskra heimila eins og sagan hefur sannað fyrir okkur. Ég veit ekki með ykkur en þessu er ég ekki búinn að gleyma!

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Listi Eyþórs klár – Tveimur borgarfulltrúum bolað burt

Sjálfstæðismenn kynntu endanlegan framboðslista sinn í kvöld, fyrir borgarstjórnarkosningarnar í maí. Borgarfulltrúarnir Kjartan Magnússon og Áslaug Friðriksdóttir eru ekki á listanum, en Marta Guðjónsdóttir borgarfulltrúi er í fimmta sæti listans. Hildur Björnsdóttir lögfræðingur er í öðru sæti, Valgerður Sigurðardóttir því þriðja, og Egill Þór Jónsson í fjórða. Heildarlistinn er hér að neðan:   1. Eyþór Lax­dal […]

Fjárframlög til stjórnmálaflokka hækka um 127% : Sjálfstæðisflokkur fær mest – Viðreisn minnst

Fjármála- og efnahagsráðuneytið hefur tekið saman upplýsingar um greiðslur ríkisins til stjórnmálasamtaka fyrir árið 2018. Framlög fara eftir stærð flokkanna samkvæmt atkvæðafjölda og fær því Sjálfstæðisflokkurinn hæsta framlagið, eða rúmar 166 milljónir. Viðreisn fær minnsta framlagið, eða rétt tæpar 44 milljónir. Framlagið hækkar milli ára um 127 prósent. Tillaga um að hækka framlög til flokkanna […]

Björn Valur þjófkennir þingmenn-Segir marga vísvitandi brjóta reglurnar-Á pari við Árna Johnsen

Björn Valur Gíslason, fyrrum varaformaður VG, segir það gott mál að nú skuli greiðslur Alþingis til þingmanna verða gerðar opinberar, líkt og til stendur samkvæmt Steingrími J. Sigfússyni, forseta Alþingis. Hann telur einnig sjálfsagt að Alþingi endurgreiði útgjöld þingmanna, þeir eigi ekki að „verða fyrir útgjöldum vegna starfa sinna.“ Það sem er eftirtektavert er að […]

Pawel býður sig fram í borginni

Pawel Bartoszek, fyrrum þingmaður Viðreisnar, segist á Facebook síðu sinni hafa komið því áleiðis til uppstillingarnefndar Viðreisnar, að hann sækist eftir sæti ofarlega á lista flokksins í komandi borgarstjórnarkosningum.   „Reykjavík er frábær borg. Hún dregur til sín hæfileikaríkt fólk frá öllu landinu og öllum heimshornum. Hún er oftar en ekki aðdráttaraflið dregur þá Íslendinga […]

Gunnar Smári sakar Samtök atvinnulífsins um að kaupa sig inn í fréttir RÚV

Gunnar Smári Egilsson, stofnandi Sósíalistaflokks Íslands, sakar framkvæmdarstjóra Samtaka atvinnulífsins, Halldór Benjamín Þorbergsson um að hafa greitt fyrir að koma fram í kvöldfréttatímum RÚV, í áróðurskyni. Hann segist ekki skilja hvers vegna Halldór sé „alltaf fenginn til að vera með fréttaskýringar í kvöldfréttum Ríkisútvarpsins“ og spyr: „Erum við orðin svo blind af peningahyggjunni að við teljum […]

Formannslausir Píratar deila með sér aðstoðarmanni-Þiggja ekki kaupálag

  Á vef Alþingis er Halldóra Mogensen, þingmaður Pírata, sögð formaður Pírata frá 2017. Píratar hafa löngum stært sig af formannsleysi sínu og að hafa ekki fallið í formannsgryfju fjórflokksins og þannig sloppið við hið alkunna foringjaræði. Þessi flati „strúktúr“ , andstæðan við hinn útbreidda valdapíramída, fékkst í arf frá Borgarahreyfingunni og hefur haldist síðan. […]

Alþingi boðar breytt vinnubrögð með birtingu gagna-En aðeins frá áramótum

Í tilkynningu frá forseta Alþingis í dag, Steingrími J. Sigfússyni, kemur fram að forsætisnefnd hafi samþykkt á fundi sínum þrjár efnisbreytingar á reglum Alþingis um þingfararkostnað. Þingmenn fá endurgreiðslu vegna afnota af eigin bíl upp að 15.000 kílómetrum, skýrari ákveði verða sett vegna staðfestingargagna til grundvallar endurgreiðslu og ný ákveði sett varðandi þá skilmála sem […]

Umskurður drengja

Sara Pálsdóttir ritar: Umskurður drengja hefur sterk tengsl við trúarbrögð Gyðinga og Íslam. Drengir um allan heim eru umskornir og er um að ræða rótgróna hefð í mörgum samfélögum. Alþjóðaheilbrigðisstofnunin (WHO) gaf út skýrslu árið 2010 þar sem umskurði ungra drengja eða kornabarna er lýst sem einni af algengustu og elstu skurðaðgerðum í heimi og […]

Eyþór segir meirihlutann hafa misst tökin-Nýr starfshópur þriðja hvern dag

Eyþór Arnalds, borgarstjóraefni Sjálfstæðisflokksins, sakar stjórnkerfið í borginni um óviðunandi vinnubrögð í aðsendri grein í Morgunblaðinu í dag. Nefnir hann því til stuðnings að fyrirspurnum sé svarað seint og illa og að 351 starfshópur hafi verið skipaður fyrstu þrjú ár kjörtímabilsins. Það þýði að nýr starfshópur hafi verið skipaður þriðja hvern dag. Á meðan hafi […]

Fækkar í fiskiskipaflotanum – 70 ný skip á fimm árum

Samtals 70 ný fiskiskip hafa bæst við flotann hér á landi á síðustu fimm árum. Af þeim eru átta skuttogarar, 37 vélskip og 25 opnir bátar. Samtals 53 þessara skipa voru smíðuð hér á landi, öll úr trefjaplasti og undir 30 brúttótonnum. Togararnir voru allir smíðaðir í Tyrklandi, sem og fjögur af þeim sjö vélskipum sem […]

Þurfa að greiða 4.8 milljónir í skaðabætur vegna ólögmatrar uppsagnar

Samtök áhugafólks um áfengis- og vímuefnavandann, SÁÁ, þurfa að greiða fyrrverandi starfsmanni og félagsmanni í SFR – stéttarfélagi í almannaþjónustu, alls 4,8 milljónir króna í skaðabætur, miskabætur og lögfræðikostnað vegna ólögmætrar uppsagnar samkvæmt dómi Héraðsdóms Reykjavíkur, sem kveðinn var upp í dag. Þetta kemur fram í tilkynningu frá SFR. Starfsstöð starfsmannsins var á Akureyri en […]

VR stofnar leigufélag – Ekki rekið í hagnaðarskyni

Stjórn VR ákvað á fundi sínum í gær að stofna leigufélag fyrir félagsmenn sína. Það skal ekki rekið í hagnaðarskyni. Þetta kemur fram á vef VR. Ragnar Þór Ingólfsson, formaður VR, hefur verið forgöngumaður fyrir slíku félagi, en hann hefur lýst leigumarkaðinum hér á landi sem fársjúkum og talað um græðgisvæðingu leigufélaga. Í frétt VR […]

Verð á bílaleigubílum lækkar við Leifsstöð-Samt hæsta verð í Evrópu

Samtals hefur verð á bílaleigubílum við Leifsstöð lækkað um 38% frá því 2015, um 24% í evrum talið og 17% í dollurum talið, sökum styrkingar krónu síðastliðin þrjú ár. Þá er miðað við gengið í febrúar 2015 og febrúar 2018. Þetta kemur fram á Túristi.is. Forsendurnar eru að leigður sé minnsti bíllinn í tvær vikur […]

Landbúnaðarháskólinn skuldlaus við ríkissjóð – Fékk 85% skulda afskrifað

Samkvæmt Ríkisendurskoðun er Landbúnaðarháskóli Íslands nú skuldlaus við ríkissjóð. Skólinn hefur lengi átt í fjárhagserfiðleikum og voru 85% af skuldum skólans afskrifaðar um áramótin 2016/2017. Þá þurfti einnig að segja upp starfsfólki. Ríkisendurskoðun kom með tvær ábendingar til skólans og menntamálaráðuneytisins árið 2015 um fjármálastjórn og rekstrarstöðu skólans. Sú fyrri var að tryggja þyrfti  að […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is