Þriðjudagur 10.10.2017 - 08:03 - Ummæli ()

Gunnar Smári hjólar í RÚV – Mislíkar nýfrjálshyggju „gjamm“ Baldvins Þórs

Gunnar Smári Egilsson og Baldvin Þór Bergsson. Samsett mynd/DV/Skjaskot af vef RÚV

Gunnar Smári Egilsson, stofnandi Sósíalistaflokksins, gerir breiðsíðuárás á Ríkisútvarpið í langri Facebook-færslu þar sem hann leggur út af því sem hann kallar  „gjammið“ í Baldvin Þór Bergssyni, öðrum stjórnenda leiðtogaumræðnanna í sjónvarpinu á sunnudagskvöldið.

„Ríkisútvarpið þarf að horfast í augu við að það sjálft er hluti hins þrönga valds og þess vegna þarf að brjóta upp leiðtogaumræðurnar, opna þær fyrir vaxandi óþoli almennings gagnvart valdinu. Þáttastjórnendur eru ekki nægjanlegt mótvægi við frambjóðendur, þeir mala sama bullið og fyrri ár, eru fullkomlega ábyrgðarlausir.

Það er ekki boðlegt að láta áhorfendur sitja undir loforðaflaumi fólks um aðgerðir í húsnæðis- og heilbrigðismálum; sama fólki og eyddi ekki meira en þremur korterum í að ræða þessi mál á þingi það ár sem liðið er síðan það var kosið síðast. Stjórnmálin eru lokuð inn í einhverri ábyrgðarlausri búblu og Ríkisútvarpið á að gera sitt til að sprengja þessa búblu.“

Sem dæmi um aðhaldsleysi fjölmiðla og þá RÚV í þessu tilfelli nefnir Gunnar Smári Baldvin Þór Bergsson, fréttamann og annan stjórnenda umræðuþáttarins í gærkvöldi, og það sem hann kallar „gjammið“ í fréttamanninum.

Fjölmiðlarnir eru ekkert síður veikar stofnanir eftir Hrun en stjórnmálaflokkarnir. Og eins og þeir hafa ritstjórnirnar átt í erfiðleikum með að endurmeta stöðuna og sjálfan sig. Þeir vella áfram út frá úreltum hugmyndum, alveg eins og stjórnmálin. Þetta heyrðist ágætlega í gjammi Baldvins Þórs Bergssonar í gærkvöldi. Hann reyndi að halda því fram að rannsóknir sýndu að gjaldfrjáls heilbrigðisþjónusta leiddi til ofþjónustu, án þess að geta þess hvaða rannsóknir það væru.

Baldvin Þór hafi hins vegar ekki gjammað fram í þá sem „vildu viðhalda einakvæðingu að rannsóknir sýndu að aukin einkavæðing leiddi til óþarfra aðgerða, lélegri þjónustu og meiri kostnaðar fyrir ríkissjóðs. Samt eru hundruð rannsókna sem sýna það síðarnefnda en engin það fyrra, að ég veit um.“

Gunnar Smári segir lausnina fyrir RÚV felast í því að „halda leiðtogaumræður þar sem almenningur spyr og þar sem frambjóðendur þurfa að ávarpa fólk sem býr á götunni, greiðir 70% af ráðstöfunarfé sínu í húsnæði, stendur frammi fyrir gjaldþroti eftir að hafa verið greinst með krabbamein, er svipt öllu sínu aflafé þar sem það þarf þjónustu sjúkrahúss fyrir aldraða (sem kölluð eru hjúkrunarheimili) og svo framvegis.“

Ríkisútvarpið eigi að horfast í augu við breytta stöðu og að fjölmiðlarnir hafi misst hlutverk sitt sem fulltrúar almennings. Hrunið hafi afhjúpað að þeir eru hluti valdsins.

Getuleysi fjölmiðla til endurnýjunarveldur því þannig að spyrlar halda á lofti löngu föllnum trúarsetningum nýfrjálshyggjunnar, búa ekki yfir þekkingu á nýjum rannsóknum eða ríkjandi viðhorfum í hagfræði og stjórnmálum og virka þannig sem heftandi afl á tímum sem kalla á endurnýjun hugmyndanna. Þetta bætist síðan við króníska virðingu fjölmiðlafólks fyrir grónu valdi; þeir grípa fram í fyrir frambjóðendum nýrra framboða (sem eru merki þess að almenningur er að brjóta af sér gamla valdið) en láta fulltrúa hins gróna valds mala ótruflaða.

Gunnar Smári hefur verið duglegur að höggva í RÚV undanfarið og skemmst er að minnast þess þegar hann gerði athugasemdir við að Einar Þorsteinsson, fréttamaður, tók viðtal við Sigríði Andersen, dómsmálaráðherra, í Kastljósi í lok september. Þá tók hann í kjölfarið snerru við Helga Seljan, kastljóssmann, sem þótti gagnrýni Gunnars Smára ómakleg í meira lagi.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Listi Eyþórs klár – Tveimur borgarfulltrúum bolað burt

Sjálfstæðismenn kynntu endanlegan framboðslista sinn í kvöld, fyrir borgarstjórnarkosningarnar í maí. Borgarfulltrúarnir Kjartan Magnússon og Áslaug Friðriksdóttir eru ekki á listanum, en Marta Guðjónsdóttir borgarfulltrúi er í fimmta sæti listans. Hildur Björnsdóttir lögfræðingur er í öðru sæti, Valgerður Sigurðardóttir því þriðja, og Egill Þór Jónsson í fjórða. Heildarlistinn er hér að neðan:   1. Eyþór Lax­dal […]

Fjárframlög til stjórnmálaflokka hækka um 127% : Sjálfstæðisflokkur fær mest – Viðreisn minnst

Fjármála- og efnahagsráðuneytið hefur tekið saman upplýsingar um greiðslur ríkisins til stjórnmálasamtaka fyrir árið 2018. Framlög fara eftir stærð flokkanna samkvæmt atkvæðafjölda og fær því Sjálfstæðisflokkurinn hæsta framlagið, eða rúmar 166 milljónir. Viðreisn fær minnsta framlagið, eða rétt tæpar 44 milljónir. Framlagið hækkar milli ára um 127 prósent. Tillaga um að hækka framlög til flokkanna […]

Björn Valur þjófkennir þingmenn-Segir marga vísvitandi brjóta reglurnar-Á pari við Árna Johnsen

Björn Valur Gíslason, fyrrum varaformaður VG, segir það gott mál að nú skuli greiðslur Alþingis til þingmanna verða gerðar opinberar, líkt og til stendur samkvæmt Steingrími J. Sigfússyni, forseta Alþingis. Hann telur einnig sjálfsagt að Alþingi endurgreiði útgjöld þingmanna, þeir eigi ekki að „verða fyrir útgjöldum vegna starfa sinna.“ Það sem er eftirtektavert er að […]

Pawel býður sig fram í borginni

Pawel Bartoszek, fyrrum þingmaður Viðreisnar, segist á Facebook síðu sinni hafa komið því áleiðis til uppstillingarnefndar Viðreisnar, að hann sækist eftir sæti ofarlega á lista flokksins í komandi borgarstjórnarkosningum.   „Reykjavík er frábær borg. Hún dregur til sín hæfileikaríkt fólk frá öllu landinu og öllum heimshornum. Hún er oftar en ekki aðdráttaraflið dregur þá Íslendinga […]

Gunnar Smári sakar Samtök atvinnulífsins um að kaupa sig inn í fréttir RÚV

Gunnar Smári Egilsson, stofnandi Sósíalistaflokks Íslands, sakar framkvæmdarstjóra Samtaka atvinnulífsins, Halldór Benjamín Þorbergsson um að hafa greitt fyrir að koma fram í kvöldfréttatímum RÚV, í áróðurskyni. Hann segist ekki skilja hvers vegna Halldór sé „alltaf fenginn til að vera með fréttaskýringar í kvöldfréttum Ríkisútvarpsins“ og spyr: „Erum við orðin svo blind af peningahyggjunni að við teljum […]

Formannslausir Píratar deila með sér aðstoðarmanni-Þiggja ekki kaupálag

  Á vef Alþingis er Halldóra Mogensen, þingmaður Pírata, sögð formaður Pírata frá 2017. Píratar hafa löngum stært sig af formannsleysi sínu og að hafa ekki fallið í formannsgryfju fjórflokksins og þannig sloppið við hið alkunna foringjaræði. Þessi flati „strúktúr“ , andstæðan við hinn útbreidda valdapíramída, fékkst í arf frá Borgarahreyfingunni og hefur haldist síðan. […]

Alþingi boðar breytt vinnubrögð með birtingu gagna-En aðeins frá áramótum

Í tilkynningu frá forseta Alþingis í dag, Steingrími J. Sigfússyni, kemur fram að forsætisnefnd hafi samþykkt á fundi sínum þrjár efnisbreytingar á reglum Alþingis um þingfararkostnað. Þingmenn fá endurgreiðslu vegna afnota af eigin bíl upp að 15.000 kílómetrum, skýrari ákveði verða sett vegna staðfestingargagna til grundvallar endurgreiðslu og ný ákveði sett varðandi þá skilmála sem […]

Umskurður drengja

Sara Pálsdóttir ritar: Umskurður drengja hefur sterk tengsl við trúarbrögð Gyðinga og Íslam. Drengir um allan heim eru umskornir og er um að ræða rótgróna hefð í mörgum samfélögum. Alþjóðaheilbrigðisstofnunin (WHO) gaf út skýrslu árið 2010 þar sem umskurði ungra drengja eða kornabarna er lýst sem einni af algengustu og elstu skurðaðgerðum í heimi og […]

Eyþór segir meirihlutann hafa misst tökin-Nýr starfshópur þriðja hvern dag

Eyþór Arnalds, borgarstjóraefni Sjálfstæðisflokksins, sakar stjórnkerfið í borginni um óviðunandi vinnubrögð í aðsendri grein í Morgunblaðinu í dag. Nefnir hann því til stuðnings að fyrirspurnum sé svarað seint og illa og að 351 starfshópur hafi verið skipaður fyrstu þrjú ár kjörtímabilsins. Það þýði að nýr starfshópur hafi verið skipaður þriðja hvern dag. Á meðan hafi […]

Fækkar í fiskiskipaflotanum – 70 ný skip á fimm árum

Samtals 70 ný fiskiskip hafa bæst við flotann hér á landi á síðustu fimm árum. Af þeim eru átta skuttogarar, 37 vélskip og 25 opnir bátar. Samtals 53 þessara skipa voru smíðuð hér á landi, öll úr trefjaplasti og undir 30 brúttótonnum. Togararnir voru allir smíðaðir í Tyrklandi, sem og fjögur af þeim sjö vélskipum sem […]

Þurfa að greiða 4.8 milljónir í skaðabætur vegna ólögmatrar uppsagnar

Samtök áhugafólks um áfengis- og vímuefnavandann, SÁÁ, þurfa að greiða fyrrverandi starfsmanni og félagsmanni í SFR – stéttarfélagi í almannaþjónustu, alls 4,8 milljónir króna í skaðabætur, miskabætur og lögfræðikostnað vegna ólögmætrar uppsagnar samkvæmt dómi Héraðsdóms Reykjavíkur, sem kveðinn var upp í dag. Þetta kemur fram í tilkynningu frá SFR. Starfsstöð starfsmannsins var á Akureyri en […]

VR stofnar leigufélag – Ekki rekið í hagnaðarskyni

Stjórn VR ákvað á fundi sínum í gær að stofna leigufélag fyrir félagsmenn sína. Það skal ekki rekið í hagnaðarskyni. Þetta kemur fram á vef VR. Ragnar Þór Ingólfsson, formaður VR, hefur verið forgöngumaður fyrir slíku félagi, en hann hefur lýst leigumarkaðinum hér á landi sem fársjúkum og talað um græðgisvæðingu leigufélaga. Í frétt VR […]

Verð á bílaleigubílum lækkar við Leifsstöð-Samt hæsta verð í Evrópu

Samtals hefur verð á bílaleigubílum við Leifsstöð lækkað um 38% frá því 2015, um 24% í evrum talið og 17% í dollurum talið, sökum styrkingar krónu síðastliðin þrjú ár. Þá er miðað við gengið í febrúar 2015 og febrúar 2018. Þetta kemur fram á Túristi.is. Forsendurnar eru að leigður sé minnsti bíllinn í tvær vikur […]

Landbúnaðarháskólinn skuldlaus við ríkissjóð – Fékk 85% skulda afskrifað

Samkvæmt Ríkisendurskoðun er Landbúnaðarháskóli Íslands nú skuldlaus við ríkissjóð. Skólinn hefur lengi átt í fjárhagserfiðleikum og voru 85% af skuldum skólans afskrifaðar um áramótin 2016/2017. Þá þurfti einnig að segja upp starfsfólki. Ríkisendurskoðun kom með tvær ábendingar til skólans og menntamálaráðuneytisins árið 2015 um fjármálastjórn og rekstrarstöðu skólans. Sú fyrri var að tryggja þyrfti  að […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is