Föstudagur 13.10.2017 - 10:10 - Ummæli ()

Kolbrún: Kosningabarátta án málefna

Bjarni Benediktsson formaður Sjálfstæðisflokksins. Mynd/Sigtryggur Ari

Kolbrún Bergþórsdóttir skrifar:

Vissulega er ekki langur tími liðinn frá síðustu alþingiskosningum en ekki getur það réttlætt málefnaskortinn sem einkennir þessa kosningabaráttu, ef kosningabaráttu skyldi kalla. Það er eins og stjórnmálamenn hugsi með sér að kjósendur muni svo ósköp vel hvað var kosið um síðast að algjör óþarfi sé að ræða málefni af einhverri alvöru eða skerpa á áherslum.

Kraftleysi stjórnmálamanna í kosningabaráttunni er slíkt að auðvelt er að fá á tilfinninguna að þeir hafi ekki nennt út í þessar kosningar. Undantekning frá því er formaður Flokks fólksins, Inga Sæland, sem hrópar fremur en talar um þörf á uppstokkun í þjóðfélaginu en kemur ekki með vel ígrundaðar lausnir. Önnur áberandi undantekning er Sigmundur Davíð Gunnlaugsson, sem stofnað hefur heilan stjórnmálaflokk utan um eigið ágæti, og er í hefndarför gegn sínum fyrrverandi flokki, Framsóknarflokknum. Menn getur greint á um mikilvægi slíks einkahagsmunaleiðangurs fyrir íslenska þjóð en það verður ekki haft af Sigmundi að hann er rekinn áfram af ástríðu, sem minnir reyndar stundum á þráhyggju.

Í yfirstandandi kosningabaráttu er málflutningur stjórnmálamannanna helst til daufur, nema þegar þeir komast svo klaufalega að orði að þeir neyðast til að biðjast afsökunar daginn eftir. Þá fyrst er þjóðin reiðubúin að leggja vandlega við hlustir. Óneitanlega væri heppilegra að stjórnmálamenn kveiktu áhuga þjóðarinnar með einhverju öðru en miður heppilegum ummælum. En þeir eru bara ekki upp á sitt besta þessa dagana.

Hér er rekin kosningabarátta sem er að mestu leyti án stefnumála. Ef verið er að kjósa um eitthvað sérstakt þá er það helst hvort Vinstri græn eða Sjálfstæðisflokkur eigi að leiða næstu ríkisstjórn. Þessi tveggja turna áhersla hentar þessum flokkum ágætlega. Vinstri græn geta farið með þuluna margtuggnu um spillinguna og svínaríið hjá forréttindaliðinu í Sjálfstæðisflokknum meðan Sjálfstæðismenn leitast við að hræða þjóðina til fylgis við sig með því að draga upp hryllingsmynd af skattahækkunum sem myndu fylgja vinstri stjórn og þeirri skelfilegu upplausn sem myndi skapast á valdatíma hennar, alveg sérstaklega væru Píratar þar innan borðs. Það er miður að skætingstal eins og þetta komi í staðinn fyrir málefnalegar rökræður.

Katrín Jakobsdóttir formaður Vinstri grænna.

Á meðan er hin frjálslynda miðja í frjálsu falli. Því er jafnvel spáð að hún muni nánast þurrkast út í kosningunum. Það væri nokkuð furðulegt ef slík yrði raunin því langflestir Íslendingar eru í eðli sínu öfgalausar miðjumanneskjur. Kannski er það einfaldlega svo að hófsemd þykir ekki nægilega spennandi. Rétt er samt að hafa í huga að hún jafngildir ekki tíðindaleysi. Miðjuflokkarnir hafa hins vegar ekki fundið sóknarfæri í dauflegri kosningabaráttu og það kann að reynast þeim dýrt.

Hver sem úrslit kosninga verða er vonandi að stjórnmálamenn hristi af sér deyfðina sem einkennt hefur þá undanfarið og myndi frísklega og starfhæfa ríkisstjórn.

Kolbrún Bergþórsdóttir

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Listi Eyþórs klár – Tveimur borgarfulltrúum bolað burt

Sjálfstæðismenn kynntu endanlegan framboðslista sinn í kvöld, fyrir borgarstjórnarkosningarnar í maí. Borgarfulltrúarnir Kjartan Magnússon og Áslaug Friðriksdóttir eru ekki á listanum, en Marta Guðjónsdóttir borgarfulltrúi er í fimmta sæti listans. Hildur Björnsdóttir lögfræðingur er í öðru sæti, Valgerður Sigurðardóttir því þriðja, og Egill Þór Jónsson í fjórða. Heildarlistinn er hér að neðan:   1. Eyþór Lax­dal […]

Fjárframlög til stjórnmálaflokka hækka um 127% : Sjálfstæðisflokkur fær mest – Viðreisn minnst

Fjármála- og efnahagsráðuneytið hefur tekið saman upplýsingar um greiðslur ríkisins til stjórnmálasamtaka fyrir árið 2018. Framlög fara eftir stærð flokkanna samkvæmt atkvæðafjölda og fær því Sjálfstæðisflokkurinn hæsta framlagið, eða rúmar 166 milljónir. Viðreisn fær minnsta framlagið, eða rétt tæpar 44 milljónir. Framlagið hækkar milli ára um 127 prósent. Tillaga um að hækka framlög til flokkanna […]

Björn Valur þjófkennir þingmenn-Segir marga vísvitandi brjóta reglurnar-Á pari við Árna Johnsen

Björn Valur Gíslason, fyrrum varaformaður VG, segir það gott mál að nú skuli greiðslur Alþingis til þingmanna verða gerðar opinberar, líkt og til stendur samkvæmt Steingrími J. Sigfússyni, forseta Alþingis. Hann telur einnig sjálfsagt að Alþingi endurgreiði útgjöld þingmanna, þeir eigi ekki að „verða fyrir útgjöldum vegna starfa sinna.“ Það sem er eftirtektavert er að […]

Pawel býður sig fram í borginni

Pawel Bartoszek, fyrrum þingmaður Viðreisnar, segist á Facebook síðu sinni hafa komið því áleiðis til uppstillingarnefndar Viðreisnar, að hann sækist eftir sæti ofarlega á lista flokksins í komandi borgarstjórnarkosningum.   „Reykjavík er frábær borg. Hún dregur til sín hæfileikaríkt fólk frá öllu landinu og öllum heimshornum. Hún er oftar en ekki aðdráttaraflið dregur þá Íslendinga […]

Gunnar Smári sakar Samtök atvinnulífsins um að kaupa sig inn í fréttir RÚV

Gunnar Smári Egilsson, stofnandi Sósíalistaflokks Íslands, sakar framkvæmdarstjóra Samtaka atvinnulífsins, Halldór Benjamín Þorbergsson um að hafa greitt fyrir að koma fram í kvöldfréttatímum RÚV, í áróðurskyni. Hann segist ekki skilja hvers vegna Halldór sé „alltaf fenginn til að vera með fréttaskýringar í kvöldfréttum Ríkisútvarpsins“ og spyr: „Erum við orðin svo blind af peningahyggjunni að við teljum […]

Formannslausir Píratar deila með sér aðstoðarmanni-Þiggja ekki kaupálag

  Á vef Alþingis er Halldóra Mogensen, þingmaður Pírata, sögð formaður Pírata frá 2017. Píratar hafa löngum stært sig af formannsleysi sínu og að hafa ekki fallið í formannsgryfju fjórflokksins og þannig sloppið við hið alkunna foringjaræði. Þessi flati „strúktúr“ , andstæðan við hinn útbreidda valdapíramída, fékkst í arf frá Borgarahreyfingunni og hefur haldist síðan. […]

Alþingi boðar breytt vinnubrögð með birtingu gagna-En aðeins frá áramótum

Í tilkynningu frá forseta Alþingis í dag, Steingrími J. Sigfússyni, kemur fram að forsætisnefnd hafi samþykkt á fundi sínum þrjár efnisbreytingar á reglum Alþingis um þingfararkostnað. Þingmenn fá endurgreiðslu vegna afnota af eigin bíl upp að 15.000 kílómetrum, skýrari ákveði verða sett vegna staðfestingargagna til grundvallar endurgreiðslu og ný ákveði sett varðandi þá skilmála sem […]

Umskurður drengja

Sara Pálsdóttir ritar: Umskurður drengja hefur sterk tengsl við trúarbrögð Gyðinga og Íslam. Drengir um allan heim eru umskornir og er um að ræða rótgróna hefð í mörgum samfélögum. Alþjóðaheilbrigðisstofnunin (WHO) gaf út skýrslu árið 2010 þar sem umskurði ungra drengja eða kornabarna er lýst sem einni af algengustu og elstu skurðaðgerðum í heimi og […]

Eyþór segir meirihlutann hafa misst tökin-Nýr starfshópur þriðja hvern dag

Eyþór Arnalds, borgarstjóraefni Sjálfstæðisflokksins, sakar stjórnkerfið í borginni um óviðunandi vinnubrögð í aðsendri grein í Morgunblaðinu í dag. Nefnir hann því til stuðnings að fyrirspurnum sé svarað seint og illa og að 351 starfshópur hafi verið skipaður fyrstu þrjú ár kjörtímabilsins. Það þýði að nýr starfshópur hafi verið skipaður þriðja hvern dag. Á meðan hafi […]

Fækkar í fiskiskipaflotanum – 70 ný skip á fimm árum

Samtals 70 ný fiskiskip hafa bæst við flotann hér á landi á síðustu fimm árum. Af þeim eru átta skuttogarar, 37 vélskip og 25 opnir bátar. Samtals 53 þessara skipa voru smíðuð hér á landi, öll úr trefjaplasti og undir 30 brúttótonnum. Togararnir voru allir smíðaðir í Tyrklandi, sem og fjögur af þeim sjö vélskipum sem […]

Þurfa að greiða 4.8 milljónir í skaðabætur vegna ólögmatrar uppsagnar

Samtök áhugafólks um áfengis- og vímuefnavandann, SÁÁ, þurfa að greiða fyrrverandi starfsmanni og félagsmanni í SFR – stéttarfélagi í almannaþjónustu, alls 4,8 milljónir króna í skaðabætur, miskabætur og lögfræðikostnað vegna ólögmætrar uppsagnar samkvæmt dómi Héraðsdóms Reykjavíkur, sem kveðinn var upp í dag. Þetta kemur fram í tilkynningu frá SFR. Starfsstöð starfsmannsins var á Akureyri en […]

VR stofnar leigufélag – Ekki rekið í hagnaðarskyni

Stjórn VR ákvað á fundi sínum í gær að stofna leigufélag fyrir félagsmenn sína. Það skal ekki rekið í hagnaðarskyni. Þetta kemur fram á vef VR. Ragnar Þór Ingólfsson, formaður VR, hefur verið forgöngumaður fyrir slíku félagi, en hann hefur lýst leigumarkaðinum hér á landi sem fársjúkum og talað um græðgisvæðingu leigufélaga. Í frétt VR […]

Verð á bílaleigubílum lækkar við Leifsstöð-Samt hæsta verð í Evrópu

Samtals hefur verð á bílaleigubílum við Leifsstöð lækkað um 38% frá því 2015, um 24% í evrum talið og 17% í dollurum talið, sökum styrkingar krónu síðastliðin þrjú ár. Þá er miðað við gengið í febrúar 2015 og febrúar 2018. Þetta kemur fram á Túristi.is. Forsendurnar eru að leigður sé minnsti bíllinn í tvær vikur […]

Landbúnaðarháskólinn skuldlaus við ríkissjóð – Fékk 85% skulda afskrifað

Samkvæmt Ríkisendurskoðun er Landbúnaðarháskóli Íslands nú skuldlaus við ríkissjóð. Skólinn hefur lengi átt í fjárhagserfiðleikum og voru 85% af skuldum skólans afskrifaðar um áramótin 2016/2017. Þá þurfti einnig að segja upp starfsfólki. Ríkisendurskoðun kom með tvær ábendingar til skólans og menntamálaráðuneytisins árið 2015 um fjármálastjórn og rekstrarstöðu skólans. Sú fyrri var að tryggja þyrfti  að […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is