Laugardagur 21.10.2017 - 12:11 - Ummæli ()

Kosningar 2017: Sigurður Ingi Jóhannsson um Vestfirði

Spurningar um Vestfirði vegna Alþingiskosninganna 2017, sem sendar voru öllum forsvarsmönnum framboða í Norðvesturkjördæmi.

Tilefni: Skýrsla Byggðastofnunar um hagvöxt landshlutans 2008 – 2015. Útg. ágúst 2017.

Upplýsingar sem fram koma í skýrslunni:

Hagvöxtur á Vestfjörðum:  -6% ,     en  +4% á landinu öllu.

Íbúaþróun:  -4,6% , en +4,3% á landinu öllu.

Framleiðsla á mann:  -2%,  en 0% á landinu öllu. „2,7 milljónir króna á Vestfjörðum og 3,2 milljónir króna á landinu öllu.

Framleiðsla: 31% allrar framleiðslu á Vestfjörðum er í sjávarútvegi. Sjávarútvegur er    8% af framleiðslu landsins í heild.

Ársverk: 24% ársverka á Vestfjörðum er í sjávarútvegi og 2% í fiskveldi

Launatekjur á ársverk: Á Vestfjörðum voru launatekjur á ársverk að jafnaði 8% minni en að jafnaði á öllu landinu, en fyrir fáeinum áratugum voru meðaltekjur á Vestfjörðum hærri en annars staðar (bls 3).

Fiskveiðar: Laun á ársverk eru lægri í fiskveiðum á Vestfjörðum en annars staðar  (bls 14).

Fjárhagsstaða fyrirtækja: Árið 2015 skulduðu útgerðir og iðnaðarfyrirtæki að jafnaði meira á Vestfjörðum en annars staðar (bls 6).

Hlutdeild Vestfjarða í atvinnugreinum: Árið 2015 var  7% af framleiðslunni í sjávarútvegi á Vestfjörðum  og í ferðaþjónustu 1% ( bls 7 og bls 9, skipting þáttatekna). [Innskot ritstjóra: Hlutur Vestfirðinga í sjávarútvegi var um 16% um 1990.]

Fjármálaþjónusta og tryggingar 2015 á Vestfjörðum: aðeins ¼ af því sem umsvifin voru 2008. (bls 14).

Fasteignir á Vestfjörðum: Fasteignaverð er hvergi lægra en þar. Staðgreiðsluverð á fermetra í sérbýli var 88-89 þúsund krónur að jafnaði árið 2015, rúm 40% af landsmeðaltali

Með vísan til ofangreindra upplýsinga er þess óskað að eftirfarandi spurningum verði svarað :

  1. Hvernig hyggst þinn flokkur auka hlutdeild Vestfirðinga í sjávarútvegi og ferðaþjónustu á næsta kjörtímabili ?
  2. Hvernig verður hagvöxtur á Vestfjörðum aukinn a.m.k. til jafns á við hagvöxt á landinu öllu?
  3. Hvernig verður unnið að því að laun á Vestfjörðum verði ekki lægri en annars staðar á landinu? Kemur þar til greina að bæta lágtekjusvæðum upp lægri tekjur með tekjujafnandi aðgerðum svo sem hærri persónuafslætti?
  4. Hvaða ráðstafanir hyggst flokkurinn ráðast í til þess að hækka íbúðaverð a.m.k. til jafns á við almenna hækkun á landsvísu hverju sinni?

Sigurður Ingi Jóhannsson, formaður Framsóknar

1. Hvernig hyggst þinn flokkur auka hlutdeild Vestfirðinga í sjávarútvegi og ferðaþjónustu á næsta kjörtímabili?

Við í Framsóknarflokknum viljum að það sé blómlegur sjávarútvegur hringinn í kringum landið og höfum lagt sérstaka áherslu á að standa vörð um lítil og meðalstór sjávarútvegsfyrirtækji, sem töluvert er um á Vestfjörðum, þegar umgjörð stjórnvalda um sjávarútveg er uppfærð. Það er sérstaklega mikilvægt þegar samþjöppun er sífellt meiri og m.a. á þeim ástæðum höfum við alfarið hafnað stórauknum veiðigjöldum á minni fyrirtækin sem eru sum hver að berjast í bökkum sem og uppboðshugmyndum sem myndu flýta samþjöppun ennfrekar. Meginmarkmið kvótakerfisins voru þrjú, tryggja sjálfbæra nýtingu, hagkvæmni og byggð um allt land. Fyrstu tveimur markmiðunum hefur verið náð en byggðaþátturinn hefur ekki tekist upp. Þess vegna verður að huga sérstaklega að byggða þættinum við allar breytingar m.a. til þess að útgerð á Vestfjörðum sé tryggð en um leið að passa að slátra ekki þeim mjólkurkúm sem fyrir eru þegar við erum að reyna að fjölga í stofninum.

Varðandi ferðaþjónustuna höfum við lagst gegn hækkun á virðisaukaskatti á ferðaþjónustu m.a. vegna þess að sú hækkun myndi bitna helst á ferðaþjónustufyrirtækjum útá landi. Við verðum að dreifa ferðamönnunum betur og það gerum við meðal annars með bættu samgöngukerfi og uppbyggingu á innviðum. Ef við náum einnig að lengja ferðamannatímabilið yfir lengri tíma ársins verður einn af þessum grundvallaratvinnuvegum okkar Íslendinga, traustari og stöðugri.

2. Hvernig verður hagvöxtur á Vestfjörðum aukinn a.m.k. til jafns á við hagvöxt á landinu öllu?

Í fyrsta lagi verður að koma grunninnviðum í samt lag, ég get talað um tafarlausar aðgerðir til þess að koma veglagningu um Teigskóg áfram og vegagerð á Dynjandisheiði, ég horfi á hringtenginu rafmagns til þess að koma raforkumálunum í lag, ljósleiðaravæðing og 3 fasa væðing sveita en ekki síst bæting á grunnþjónustunni, heilbrigðisþjónustunni og menntakerfinu. Þetta eru allt hlutir sem Framsóknarflokkurinn mun beita sér fyrir. Þessu til vitnis er rétt að nefna að fyrir rúmlega ári síðan skilaði nefnd skipaðri heimamönnum í forsætisráðherratíð minni, Aðgerðaráætlun um Vestfirði. Þar eru margar góðar tillögur sem við hófum strax að setja í framkvæmd en því miður hefur áhugi fráfarandi stjórnarflokka verið hverfandi og engum tillögum verið hrint í framkvæmd síðan við fórum frá.

Það er mín trú að ef að ríkið komi strax að uppbyggingu á þessum grunn innviðum og grunnþjónustu og Vestfirðingar fái að nýta sínar auðlindir með skynsömum og ábyrgum hætti, ég nefni þar laxeldi sérstaklega, er það bjargföst trú mín að Vestfirðir muni blómstra í framhaldinu og hagvöxtur ekki verða minni en annarsstaðar.

3. Hvernig verður unnið að því að laun á Vestfjörðum verði ekki lægri en annars staðar á landinu? Kemur þar til greina að bæta lágtekjusvæðum upp lægri tekjur með tekjujafnandi aðgerðum svo sem hærri persónuafslætti?

Við höfum horft til Noregs varðandi róttækar byggðaaðgerðir og voru slíkar tillögur í nýrri byggðaáætlun sem Jón Gunnarsson hefur reyndar legið á í að verða 1 ár. Í Noregi er landinu skipt uppí svæði þar sem tryggingargjald lækkar á fyrirtæki því lengra sem komið er frá höfuðborginni, tekjuskattur er einnig lægri á svæðum sem hafa minni þjónustu og afsláttur er gefinn af námslánum á afskekktum svæðum. Við viljum koma slíkum aðgerðum af stað en þar með sagt erum við ekki að segja að við ætlum ekki að bæta grunnþjónustuna vegna þessara afslátta, að sjálfsögðu þarf að ráðast í þetta bæði þannig þetta haldist í hendur. Vestfirðir væru klárlega fyrsta svæðið til þess að njóta slíkra aðgerða.

4. Hvaða ráðstafanir hyggst flokkurinn ráðast í til þess að hækka íbúðaverð a.m.k. til jafns á við almenna hækkun á landsvísu hverju sinni?

Ég vísa til svara minna hér fyrir ofan, atvinnuástand skiptir þar lykilatriði. Þegar við verðum búinn að tryggja ábyrgt og sjálfbært fiskeldi á sunnanverðum og norðanverðum Vestfjörðum og styðja við sjávarútveginn og ferðaþjónustufyrirtækin sem eru aðalatvinnuvegir Vestfirðinga mun atvinnuástandið snúast við eins og við höfum séð núþegar á sunnanverðum Vestfjörðum. Samgöngurnar og raforkuafhendingin þurfa að vera fullnægjandi og grunnþjónustan, heilbrigðismálin og menntakerfið verða að vera fjármögnuð þannig sómi sé af þá munu hlutir eins og íbúðarverð og hagvöxtur fylgja með. Framsóknarflokkurinn hefur alltaf átt rætur sínar í hinum dreifðu byggðum og mun alltaf berjast fyrir hagsmunamálum íbúa landsbyggðanna. Á því verður engin breyting í þessum kosningum heldur þvert á móti, eftir mikilvægar efnahagsframfarir undanfarin ár eftir hrunið eru nú kjöraðstæður til þess að ráðast í framkvæmdir á innviðum og grunnþjónustunni. Getum við ekki öll verið sammála um það?

Birtist fyrst í Vestfirðir.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Stefnt að opnun neyslurýma fyrir vímuefnaneytendur

Svandís Svavarsdóttir heilbrigðisráðherra hefur sett af stað vinnu í velferðarráðuneytinu til að undirbúa opnun neyslurýma fyrir langt leidda vímuefnaneytendur. Neyslurými sem þessi eru þekkt úrræði erlendis og byggjast á hugmyndafræði skaðaminnkunar. Alþingi samþykkti í maí árið 2014 ályktun um að stefna í vímuefnamálum skyldi endurskoðuð „á grundvelli lausnamiðaðra og mannúðlegra úrræða, á forsendum heilbrigðiskerfisins og […]

Arnar Þór Sævarsson verður aðstoðarmaður félags- og jafnréttismálaráðherra

Ásmundur Einar Daðason félags- og jafnréttismálaráðherra hefur ráðið Arnar Þór Sævarsson, fráfarandi sveitarstjóra á Blönduósi aðstoðarmann sinn í velferðarráðuneytinu. Arnar Þór útskrifaðist úr lögfræði frá Háskóla Íslands árið 1999 og tók ári síðar réttindi til að gegna lögmennsku. Hann hefur gegnt stöðu sveitarstjóra á Blönduósi frá árinu 2007. Áður var hann aðstoðarmaður Jóns Sigurðssonar, þáverandi […]

Virtur læknir óttast að Trump fái hjartaáfall-Mældist með hættulega hátt kólesteról

Donald Trump Bandaríkjaforseti var sagður við hestaheilsu í reglubundinni læknisskoðun sinni á dögunum, þegar hann var skoðaður af lækni Hvíta hússins, Dr. Ronny L. Jackson. Sagði læknirinn að hjarta- og æðakerfi Trumps væri í fínu standi, þrátt fyrir að LDL kólesteról magnið mældist 143, sem er langt yfir viðmiðunarmörkum. LDL kólesteról er gjarnan nefnt „vonda“ […]

Una María kosin formaður Miðflokksfélags Suðvesturskjördæmis

Miðflokkurinn stofnaði flokksfélag Suðvesturkjördæmis í gærkvöldi í Glersalnum í Kópavogi, samkvæmt tilkynningu frá Miðflokknum. Gestir fundarins voru þeir Sigmundur Davíð Gunnlaugsson formaður Miðflokksins og Gunnar Bragi Sveinsson þingmaður Suðvesturkjördæmis. Miðflokksfélag Suðvesturkjördæmis er annað kjördæmafélag Miðflokksins sem stofnað er, en nýlega var stofnað Miðflokksfélag í Suðurkjördæmi. Félagið hefur, samkvæmt nýsamþykktum lögum þess, þann tilgang að vinna […]

Rúnar Björn kjörinn formaður Pírata í Reykjavík – Berst fyrir réttindum fatlaðra

Aðalfundur Pírata í Reykjavík var haldinn á dögunum, þar sem Rúnar Björn Herrera Þorkelsson, garðyrkjufræðingur og formaður NPA miðstöðvarinnar, var kjörinn formaður. Aðrir stjórnarmenn voru kosnir Þorgerður Ösp Arnþórsdóttir ritari, Björn Þór Jóhannesson gjaldkeri og Unnar Þór Sæmundsson. Elsa Nore hlaut kjör sem aðalmaður í stjórn en lækkaði sig um sæti og er nú fyrsti […]

Ráðherranefnd skipar samráðshóp um úrbætur er varðar kynferðislegt ofbeldi

Ráðherranefnd sem skipuð var af ríkisstjórninni í desember til að vinna að markmiðum sínum í jafnréttismálum, ákvað í dag að skipa samráðshóp um heildstæðar úrbætur er varðar kynferðislegt ofbeldi, en hópnum verður m.a. falið að fylgja eftir nýrri aðgerðaáætlun um úrbætur í meðferð kynferðisbrota. Þetta kemur fram í tilkynningu. Þá var farið yfir lög um […]

Hannes býðst til að skrifa skýrsluna á íslensku

Hannes Hólmsteinn Gissurason er höfundur skýrslu um bankahrunið, hvers útgáfa hefur ítrekað frestast. Skýrslan átti fyrst að koma út fyrir um þremur árum, síðan lofaði Hannes útgáfu hennar síðla í nóvember, en frestaði þá útgáfu hennar aftur til 16. janúar, þar sem hann vildi veita þeim sem skýrslan fjallar um, ráðrúm til að koma með […]

Guðmundur Andri líkir Davíð Oddssyni við Jónas frá Hriflu

Það fór framhjá fáum sem fylgjast með fréttum, að Davíð Oddsson varð sjötugur í gær. Afmæli þessa þaulsetnasta forsætisráðherra okkar og líklega umdeildasta stjórnmálamanns Íslands var tilefni greinar Guðmundar Andra Thorssonar, rithöfundar og þingmanns Samfylkingarinnar, á vef Herðubreiðar. Greinin heitir „Höfundur Hrunsins er sjötugur í dag. Honum skal óskað til hamingju.“ Guðmundur byrjar á því […]

Ný Gallup könnun: Tiltrú jarðarbúa á forystuhlutverki Bandaríkjanna aldrei mælst minni

Samkvæmt nýjustu mælingum Gallup, hefur tiltrú fólks á forystuhlutverki Bandaríkjanna fallið hratt á heimsvísu, eftir að Donald Trump tók við embætti forseta landsins, því hún hefur aldrei verið minni. Skoðanakönnunin tekur til 134 landa og telja 30 prósent þeirra sem svöruðu að Bandaríkin væri helsta forystuþjóðin á síðasta ári, sem er hlutfallslega lægsta einkunn sem […]

Fjögur nýsköpunarfyrirtæki hljóta viðurkenningar fyrir samstarf

Í dag afhenti Kristján Þór Júlíusson sjávarútvegsráðherra viðurkenningar til fjögurra fyrirtækja innan Íslenska sjávarklasans sem skarað hafa framúr við að efla samstarf við önnur fyrirtæki. Fyrirtækin sem hlutu viðurkenningu eru Navis, Evris, Iceland Sustainable Fisheries og Knarr Maritime. Navis hlýtur viðurkenningu fyrir að efla samstarf tæknifyrirtækja um hönnun á umhverfisvænum skipum. Evris hlýtur viðurkenningu fyrir […]

Grein Hannesar á skjön við skýrslu Rannsóknarnefndar – „Því var bjargað sem bjargað varð“

Í tilefni 70 ára afmælis Davíðs Oddssonar ritar Hannes Hólmsteinn Gissurason eina og hálfa opnu um aðkomu Davíðs að bankahruninu í Morgunblaðinu í dag. Í Stundinni kemur fram að Hannes sé ósammála niðurstöðum rannsóknarnefndar Alþingis og lýsi Davíð sem bjargvætti Íslands í hruninu, en það sé söguskýring sem Hannes kenni í skyldunámskeiði í Háskóla Íslands. […]

Samkeppniseftirlitið hafnar kröfu Símans – Skilyrði samnings verða óbreytt

Samkeppniseftirlitið hefur hafnað kröfu Símans um að breyta skilyrðum samnings milli Fjarskipta hf. (Vodafone) og 365 miðla hf. Þetta kemur fram í tilkynningu frá Samkeppniseftirlitinu. Þann 9. október sl. heimilaði Samkeppniseftirlitið kaup Fjarskipta hf. (Vodafone) á tilteknum eignum og rekstri 365 miðla hf. Samruninn er háður skilyrðum sem Samkeppniseftirlitið og samrunaaðilar gerðu sátt um.   […]

Forsætisráðherra fundaði með formanni landsstjórnar Grænlands

Katrín Jakobsdóttir, forsætisráðherra, átti fund með Kim Kielsen, formanni landsstjórnar Grænlands í dag. Á fundinum var rætt um góð samskipti Íslands og Grænlands, stöðu efnahagsmála og stjórnmála. Þetta kemur fram í tilkynningu frá forsætisráðuneytinu. Mikilvægi Vestnorræna ráðsins kom til umræðu og aukin samvinna Íslands og Grænlands, meðal annars á sviði ferðamála.Vaxandi straumur ferðamanna er fyrirliggjandi […]

Skúli Helgason stefnir á 3. sætið hjá Samfylkingunni

Borgarfulltrúinn Skúli Helgason gefur kost á sér í 3. sæti í flokksvali Samfylkingarinnar fyrir komandi borgarstjórnarkosningar sem fram fer 10. febrúar næstkomandi. Þetta kemur fram í tilkynningu. Skúli hefur verið borgarfulltrúi í eitt kjörtímabil, í meirihlutasamstarfi undir forystu Samfylkingarinnar og stýrir einum viðamesta málaflokknum í borgarmálunum, skóla- og frístundamálum.   Skúli er menntaður stjórnmálafræðingur frá […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is