Mánudagur 23.10.2017 - 14:04 - Ummæli ()

Eva hjólar í Viðreisn: „Af hverju ættu kjósendur að treysta þessu aftur?“

Eva H. Baldursdóttir skipar 3. sæti á lista Samfylkingarinnar í Reykjavík norður.

Eva H. Baldursdóttir frambjóðandi Samfylkingarinnar í Reykjavík segir ekkert að marka loforð Viðreisnar í gjaldmiðla-, Evrópu- og sjávarútvegsmálum, segir hún á Fésbók að Viðreisn hafi sýnt spilin þegar flokkurinn fór í ríkisstjórn með Sjálfstæðisflokknum og ekki hafi verið minnst á þessi atriði í stjórnarsáttmála:

„Það er alveg sama hvað menn reikna – Viðreisn sýndi á spilin í stjórnarsáttmálanum og skilaði auðu. Helstu baráttumál Viðreisnar fyrir síðustu kosningar tengdust gjaldmiðlinum, kerfisbreytingum í sjávarútvegi og Evrópu. Engin af þessum atriðum skipuðu veigamikinn sess í stjórnarsáttmála ríkisstjórnarinnar,“

segir Eva. Vitnar hún í stjórnarsáttmála ríkisstjórnar Sjálfstæðisflokks, Viðreisnar og Bjartrar framtíðar þar sem orðalagið í sjávarútvegsmálum var óljóst, ekki sé talað um upptöku evru eða myntráð og ekkert um þjóðaratkvæði um ESB:

Öll þessi atriði eru soft – óljós – moð. Þau sömdu allt af sér og samkvæmt þessu virðist þau ekki hafa náð neinu fram af sínum helstu stefnumálum.

Allt eru þetta baráttumál Samfylkingarinnar og þar af leiðandi er ég pólitískt sammála um öll atriðin. Nýr gjaldmiðill, breytingar í sjávarútvegi og að kosið verði um áframhaldandi aðild. Munurinn er sá að hér er flokkur sem sýndi að hann gekk bara inn í stefnu Sjálfstæðisflokksins.

Það er alveg sama hvað menn eru duglegir í excel – ekkert af þessum málum voru sett á dagskrá. Af hverju ættu kjósendur að treysta þessu aftur?

Geir Finnsson frambjóðandi Viðreisnar segir þetta aumt hjá Evu:

Æj, þetta þykir mér ofboðslega aumt. Viðreisn sem 10% flokkur náði að setja þjóðaratkvæðisgreiðslu um Evrópusambandið á dagskrá með stærsta og íhaldssamasta flokki landsins, skipa nefnd um sátt í sjávarútvegsmálum með einum fulltrúa frá hverjum flokki, standa vörð um hagsmuni þjóðarinnar þegar íhaldið vildi að skattgreiðendur borguðu hálfan milljarð vegna kjaradeilu sjómanna, lögfesta jafnlaunavottun, endurskoða búvörusamninga og skipa Þórólf Matt sem fulltrúa neytenda, lækka vexti með ábyrgri hagstjórn og auk þess að setja af stað peningastefnunefnd með því markmiði að tengja krónuna við evru. Þá er ég alls ekki búinn að telja allt upp og þetta eru bara afrekin á fyrstu átta mánuðunum,

segir Geir og bætir við:

Gleymum því ekki að Samfylkingin neyddist líka til að reyna ríkisstjórn með Sjálfstæðisflokknum. Í ríkisstjórninni þar á eftir var Samfylkingin stærst og samt bolaði ekkert á uppboðsleið í sjávarútvegi. Við reyndum þó önnur stjórnarmynstur í tvígang.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Stefnt að opnun neyslurýma fyrir vímuefnaneytendur

Svandís Svavarsdóttir heilbrigðisráðherra hefur sett af stað vinnu í velferðarráðuneytinu til að undirbúa opnun neyslurýma fyrir langt leidda vímuefnaneytendur. Neyslurými sem þessi eru þekkt úrræði erlendis og byggjast á hugmyndafræði skaðaminnkunar. Alþingi samþykkti í maí árið 2014 ályktun um að stefna í vímuefnamálum skyldi endurskoðuð „á grundvelli lausnamiðaðra og mannúðlegra úrræða, á forsendum heilbrigðiskerfisins og […]

Arnar Þór Sævarsson verður aðstoðarmaður félags- og jafnréttismálaráðherra

Ásmundur Einar Daðason félags- og jafnréttismálaráðherra hefur ráðið Arnar Þór Sævarsson, fráfarandi sveitarstjóra á Blönduósi aðstoðarmann sinn í velferðarráðuneytinu. Arnar Þór útskrifaðist úr lögfræði frá Háskóla Íslands árið 1999 og tók ári síðar réttindi til að gegna lögmennsku. Hann hefur gegnt stöðu sveitarstjóra á Blönduósi frá árinu 2007. Áður var hann aðstoðarmaður Jóns Sigurðssonar, þáverandi […]

Virtur læknir óttast að Trump fái hjartaáfall-Mældist með hættulega hátt kólesteról

Donald Trump Bandaríkjaforseti var sagður við hestaheilsu í reglubundinni læknisskoðun sinni á dögunum, þegar hann var skoðaður af lækni Hvíta hússins, Dr. Ronny L. Jackson. Sagði læknirinn að hjarta- og æðakerfi Trumps væri í fínu standi, þrátt fyrir að LDL kólesteról magnið mældist 143, sem er langt yfir viðmiðunarmörkum. LDL kólesteról er gjarnan nefnt „vonda“ […]

Una María kosin formaður Miðflokksfélags Suðvesturskjördæmis

Miðflokkurinn stofnaði flokksfélag Suðvesturkjördæmis í gærkvöldi í Glersalnum í Kópavogi, samkvæmt tilkynningu frá Miðflokknum. Gestir fundarins voru þeir Sigmundur Davíð Gunnlaugsson formaður Miðflokksins og Gunnar Bragi Sveinsson þingmaður Suðvesturkjördæmis. Miðflokksfélag Suðvesturkjördæmis er annað kjördæmafélag Miðflokksins sem stofnað er, en nýlega var stofnað Miðflokksfélag í Suðurkjördæmi. Félagið hefur, samkvæmt nýsamþykktum lögum þess, þann tilgang að vinna […]

Rúnar Björn kjörinn formaður Pírata í Reykjavík – Berst fyrir réttindum fatlaðra

Aðalfundur Pírata í Reykjavík var haldinn á dögunum, þar sem Rúnar Björn Herrera Þorkelsson, garðyrkjufræðingur og formaður NPA miðstöðvarinnar, var kjörinn formaður. Aðrir stjórnarmenn voru kosnir Þorgerður Ösp Arnþórsdóttir ritari, Björn Þór Jóhannesson gjaldkeri og Unnar Þór Sæmundsson. Elsa Nore hlaut kjör sem aðalmaður í stjórn en lækkaði sig um sæti og er nú fyrsti […]

Ráðherranefnd skipar samráðshóp um úrbætur er varðar kynferðislegt ofbeldi

Ráðherranefnd sem skipuð var af ríkisstjórninni í desember til að vinna að markmiðum sínum í jafnréttismálum, ákvað í dag að skipa samráðshóp um heildstæðar úrbætur er varðar kynferðislegt ofbeldi, en hópnum verður m.a. falið að fylgja eftir nýrri aðgerðaáætlun um úrbætur í meðferð kynferðisbrota. Þetta kemur fram í tilkynningu. Þá var farið yfir lög um […]

Hannes býðst til að skrifa skýrsluna á íslensku

Hannes Hólmsteinn Gissurason er höfundur skýrslu um bankahrunið, hvers útgáfa hefur ítrekað frestast. Skýrslan átti fyrst að koma út fyrir um þremur árum, síðan lofaði Hannes útgáfu hennar síðla í nóvember, en frestaði þá útgáfu hennar aftur til 16. janúar, þar sem hann vildi veita þeim sem skýrslan fjallar um, ráðrúm til að koma með […]

Guðmundur Andri líkir Davíð Oddssyni við Jónas frá Hriflu

Það fór framhjá fáum sem fylgjast með fréttum, að Davíð Oddsson varð sjötugur í gær. Afmæli þessa þaulsetnasta forsætisráðherra okkar og líklega umdeildasta stjórnmálamanns Íslands var tilefni greinar Guðmundar Andra Thorssonar, rithöfundar og þingmanns Samfylkingarinnar, á vef Herðubreiðar. Greinin heitir „Höfundur Hrunsins er sjötugur í dag. Honum skal óskað til hamingju.“ Guðmundur byrjar á því […]

Ný Gallup könnun: Tiltrú jarðarbúa á forystuhlutverki Bandaríkjanna aldrei mælst minni

Samkvæmt nýjustu mælingum Gallup, hefur tiltrú fólks á forystuhlutverki Bandaríkjanna fallið hratt á heimsvísu, eftir að Donald Trump tók við embætti forseta landsins, því hún hefur aldrei verið minni. Skoðanakönnunin tekur til 134 landa og telja 30 prósent þeirra sem svöruðu að Bandaríkin væri helsta forystuþjóðin á síðasta ári, sem er hlutfallslega lægsta einkunn sem […]

Fjögur nýsköpunarfyrirtæki hljóta viðurkenningar fyrir samstarf

Í dag afhenti Kristján Þór Júlíusson sjávarútvegsráðherra viðurkenningar til fjögurra fyrirtækja innan Íslenska sjávarklasans sem skarað hafa framúr við að efla samstarf við önnur fyrirtæki. Fyrirtækin sem hlutu viðurkenningu eru Navis, Evris, Iceland Sustainable Fisheries og Knarr Maritime. Navis hlýtur viðurkenningu fyrir að efla samstarf tæknifyrirtækja um hönnun á umhverfisvænum skipum. Evris hlýtur viðurkenningu fyrir […]

Grein Hannesar á skjön við skýrslu Rannsóknarnefndar – „Því var bjargað sem bjargað varð“

Í tilefni 70 ára afmælis Davíðs Oddssonar ritar Hannes Hólmsteinn Gissurason eina og hálfa opnu um aðkomu Davíðs að bankahruninu í Morgunblaðinu í dag. Í Stundinni kemur fram að Hannes sé ósammála niðurstöðum rannsóknarnefndar Alþingis og lýsi Davíð sem bjargvætti Íslands í hruninu, en það sé söguskýring sem Hannes kenni í skyldunámskeiði í Háskóla Íslands. […]

Samkeppniseftirlitið hafnar kröfu Símans – Skilyrði samnings verða óbreytt

Samkeppniseftirlitið hefur hafnað kröfu Símans um að breyta skilyrðum samnings milli Fjarskipta hf. (Vodafone) og 365 miðla hf. Þetta kemur fram í tilkynningu frá Samkeppniseftirlitinu. Þann 9. október sl. heimilaði Samkeppniseftirlitið kaup Fjarskipta hf. (Vodafone) á tilteknum eignum og rekstri 365 miðla hf. Samruninn er háður skilyrðum sem Samkeppniseftirlitið og samrunaaðilar gerðu sátt um.   […]

Forsætisráðherra fundaði með formanni landsstjórnar Grænlands

Katrín Jakobsdóttir, forsætisráðherra, átti fund með Kim Kielsen, formanni landsstjórnar Grænlands í dag. Á fundinum var rætt um góð samskipti Íslands og Grænlands, stöðu efnahagsmála og stjórnmála. Þetta kemur fram í tilkynningu frá forsætisráðuneytinu. Mikilvægi Vestnorræna ráðsins kom til umræðu og aukin samvinna Íslands og Grænlands, meðal annars á sviði ferðamála.Vaxandi straumur ferðamanna er fyrirliggjandi […]

Skúli Helgason stefnir á 3. sætið hjá Samfylkingunni

Borgarfulltrúinn Skúli Helgason gefur kost á sér í 3. sæti í flokksvali Samfylkingarinnar fyrir komandi borgarstjórnarkosningar sem fram fer 10. febrúar næstkomandi. Þetta kemur fram í tilkynningu. Skúli hefur verið borgarfulltrúi í eitt kjörtímabil, í meirihlutasamstarfi undir forystu Samfylkingarinnar og stýrir einum viðamesta málaflokknum í borgarmálunum, skóla- og frístundamálum.   Skúli er menntaður stjórnmálafræðingur frá […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is