Fimmtudagur 02.11.2017 - 10:29 - Ummæli ()

Þegar gjafir sjá til gjalda

Sighvatur Björgvinsson fyrrverandi ráðherra.

Sighvatur Björgvinsson skrifar:

Miklar fréttir berast nú frá Bandaríkjunum um niðurstöður rannsókna sérstaks saksóknara á hvort , hvernig og þá hversu mikil áhrif stjórnvöld í Rússlandi kunni að hafa haft á forsetakosningarnar í Bandaríkjunum. Fyrstu niðurstöður þeirra rannsókna eru sagðar hafa leitt í ljós, að aðilar tengdir rússneskum stjórnvöldum hafi bæði hannað og kostað áróður, sem náð hefur til langt á annað hundrað milljóna bandarískra kjósenda og kostað hafa hundruði milljóna bandarískra dollara. Þetta hafi gerst fyrir milligöngu samfélagsmiðla hverskonar, sem selja auglýsendum aðgang og taka fyrir það háar fjárhæðir. Gleymst hefur hins vegar að geta þess í öllum hamaganginum, að sömu úrræði hafa staðið opin fyrir bandarísk fjársterk fyrirtæki og auðmenn sem þannig geta beitt auðlegð sinni til þess að hafa áhrif á ákvarðanir flokka og frambjóðenda og niðurstöður lýðræðislegra kosninga. Þegar talið er að í hlut eigi rússnesk stjórnvöld er sérstakur saksóknari látinn rannsaka hlutina. Þegar innlendir auðmenn og stórfyrirtæki eiga hlut að máli er kíkirinn settur fyrir blinda augað og þögnin látin ríkja.

líkavið

En hvað kemur þetta okkur Íslendingum við? Jú, síðasta kosningabarátta sýnir okkur glögglega- þ.e. þeim, sem vilja sjá – að þessar aðferðir tíðkast líka hér hjá okkur. Ábyrgir voru ekki Rússar eða rússnesk stjórnvöld heldur fjársterkir innlendir aðilar. Samfélagsmiðlunum var óspart beitt til áróðurs gegnum aðkeyptar auglýsingar – aðallega illmælgi og níð um þann og þá, sem auglýst var gegn – án þess að nokkurs staðar kæmi fram hvað sá eða þeir heita eða eru, sem reikninginn borguðu. Framboðsaðilar – þ.e. stjórnmálaflokkarnir sjálfir – voru ekki greiðendurnir og voru ekki skrifaðir fyrir illmælginni heldur einhver eða einhverjir fjársterkir aðilar sem beittu ríkidæmi sínu til þess að kaupa illmælgi og níð af þessu tagi gegn þeim, sem þeim var illa við til gagns fyrir þá, sem þeim líkaði. Sjálfstæðisflokkurinn kostaði ekki auglýsingarnar um Skatta-Kötu en engum getur dulist af hverjum sá auglýsandi dregur dám. Sá á mikla peninga og skirrist ekki við að nota þá svona. Þetta er langt í frá eina dæmið. Þau eru mörg – og í margra þágu og voru mjög áberandi í síðustu kosningabaráttu.

Glöggt mun heyrast geltið

Fyrir fáum árum voru sett lög í þeim tilgangi að takmarka möguleika fjársterkra aðila til þess að kaupa sig til áhrifa á Alþingi Íslendinga gegnum fjárstyrki til flokka eða einstakra frambjóðenda. Til þess að kaupa hagsmunum sínum varðhunda. Það var ekki að ástæðulausu sem slíkt var gert. Þegar fjársterkir aðilar lögðu einum einstaklingi 25 milljónir króna til þess að ná öruggu sæti á framboðslista þá var orðið tímabært að taka í taumana. Og það var gert. En auðmenn og peningar finna sér nýjar leiðir. Þær leiðir voru farnar í síðustu kosningabaráttu. Sömu leiðir og sérstakur saksóknari í Bandaríkjunum er nú að upplýsa – en að vísu bara hvað varðar rússnesk stjórnvöld en ekki innlenda auðmenn. Hér á Íslandi eru rússnesk stjórnvöld ekki að verki. Bara íslenskir auðmenn. Þar komust þeir á bragðið – og brögðuðu hressilega. Með níði og illmælgi um andstæðinga í krafti peninga án þess að þurfa nokkrum að standa reikningsskap gerða sinna. Munu svo bara innheimta síðar hjá varðhundum hagsmunanna. Þá munu gjafir sjá til gjalda. Þá má glöggt heyra geltið.

Sighvatur Björgvinsson

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Samkeppni um listaverk á vegg sjávarútvegshússins -Hjörleifur tjáir sig ekki

Atvinnuvega- og nýsköpunarráðuneytið hefur ákveðið í samráði við Samtök íslenskra myndlistamanna að efna til samkeppni um nýtt listaverk sem prýða skal gafl sjávarútvegshússins. Eins og kunnugt er var málað yfir mynd af „sjómanninum“ í sumar, sem prýddi gaflinn í næstum tvö ár, sem hluti af Iceland Airwaves tónlistarhátíðinni. Var Hjörleifur Guttormsson, fyrrum ráðherra, sagður einn […]

Enn frestar Hannes skýrslunni – Átti að birtast eftir helgi

Hannes Hólmsteinn Gissurarson, prófessor í stjórnmálafræði við HÍ og höfundur skýrslu um bankahrunið, sem til stóð að gefa út núna á mánudaginn, hefur frestað birtingu hennar fram í janúar. Þetta segir hann í pistli á Pressunni. Skýrslan hefur tekið um þrjú ár í vinnslu, en átti upphaflega að koma út árið 2015, samkvæmt samningi Félagsvísindastofnunnar […]

Vilja fá sérstakt ráðuneyti öldrunarmála -Skora á stjórnarmyndunarflokkana

Landssamband eldri borgara hefur sent frá sér áskorun, sem samþykkt var á stjórnarfundi félagsins í gærkvöldi. Þar er skorað á þá stjórnmálaflokka sem nú ræða myndun ríkisstjórnar, að stofna sérstakt embætti ráðherra öldrunarmála. Þórunn Sveinbjörnsdóttir er formaður Landssambands eldri borgara. Telur hún áskorunina raunhæfa ?   „Já við erum að horfa til þess að í […]

Sigmundur baunar á stjórnarmyndunarflokkana

Sigmundur Davíð Gunnlaugsson, formaður Miðflokksins, ritaði pistil á heimasíðu flokksins í dag. Þar segir hann meðal annars að Vinstri grænir séu að veita Sjálfstæðis-flokknum „uppreist æru“ og vitnar þar í málið sem varð til þess að Björt framtíð sleit stjórnarsamstarfinu við Sjálfstæðisflokkinn og Viðreisn.       Þá spáir hann því einnig að Bjarni Benediktsson […]

Jóhanna Sigurðardóttir rifjar upp gömul svik Jóns Baldvins

Jóhanna Sigurðardóttir, fyrrverandi forsætisráðherra, var gestur Kastljóssins í gærkvöldi í tilefni af útgáfu ævisögu hennar, Minn tími. Meðal þess sem kom fram í þættinum var upprifjun Jóhönnu á samskiptum hennar við Jón Baldvin Hannibalsson, en þau voru oft á tíðum erfið meðan þau voru samherjar í Alþýðuflokknum. Þau voru bæði ráðherrar í Viðeyjarstjórn Davíðs Oddsonar […]

Ræða skattamál í dag

Samkvæmt heimildum Eyjunnar verða skattamál ofarlega á baugi í stjórnarmyndunarviðræðum í dag, líkt og í gær. Vinstri grænir eru sagðir vilja lækka skatt hjá þeim sem eru í lægsta skattþrepinu en á móti hækka fjármagnstekjuskatt. Þá er lækkun tryggingargjalds sagt krafa frá Sjálfstæðiflokknum. Þá eru umhverfismál einnig ofarlega á baugi hjá Vinstri grænum sem og […]

Nóbelsverðlaunahafi segir Donald Trump vera fasista

Bandaríski hagfræðingurinn og nóbelsverðlaunahafinn Joseph Stiglitz, sem starfaði sem ráðgjafi Bill Clinton í forsetatíð hans, segir að Donald Trump Bandaríkjaforseti, sé fasisti.  Í nýrri bók rekur hann áhyggjur sínar af þeim vaxandi ójöfnuði sem ríkt hefur vestra undanfarin ár og reiðinni fylgdi í kjölfarið. „Ég sagði í fyrstu, að ef við löguðum ekki þetta vandamál […]

Friðheimar hlutu Nýsköpunarverðlaun Samtaka ferðaþjónustunnar 2017

Friðheimar hlutu Nýsköpunarverðlaun Samtaka ferðaþjónustunnar fyrir árið 2017 í dag. Verðalunin voru afhent af forseta Íslands, Guðna Th. Jóhannessyni. Markmiðið með verðlaununum er að hvetja fyrirtæki innan SAF til nýsköpunar og vöruþróunar, að því er segir í tilkynningu. Friðheimar er bæði veitingastaður og tómataræktun. Á heimasíðu þess segir: „Friðheimar er fjölskyldurekið fyrirtæki þar sem eru […]

Katrín um fjölgun ráðherra: „Ég hef ekki hug á því“

Opnað var á umræðu um skiptingu ráðuneytisstóla í gær í stjórnarmyndunarviðræðum Vinstri grænna, Sjálfstæðisflokks og Framsóknarflokks. Þaðan bárust fréttir um að skipta ætti upp fjármála- og efnahags-ráðuneytinu með það í huga að Framsókn fengi síðarnefnda ráðuneytið og Bjarni Benediktsson það fyrra. Hinsvegar virðist Katrín Jakobsdóttir, formaður Vinstri grænna og væntanlegur forsætisráðherra, ekki spennt fyrir þeim […]

Minnist þátttöku Vestur-Íslendinga í fyrri heimsstyrjöld

Íslendingar hafa löngum stært sig af því að eiga engan her og ekki tekið þátt í stríðum, ekki sem þjóðríki að minnsta kosti. En fyrir rúmlega 100 árum tóku fjölmargir Vestur-Íslendingar þátt í fyrri heimsstyrjöldinni, sem höfðu gengið í kanadíska herinn haustið 1914 til að þjóna sínu nýja föðurlandi.   Í bókinni „Mamma, ég er […]

Björn Valur: „Óráð hjá nýrri ríkisstjórn að fjölga ráðherrum“

Fyrrum varaformaður Vinstri grænna, Björn Valur Gíslason, vill ekki fjölgun ráðuneyta í væntanlegri ríkisstjórn Vinstri grænna, Sjálfstæðisflokks og Framsóknar. Þetta segir hann í pistli á heimasíðu sinni. Samkvæmt fréttum er það nú rætt í stjórnarmyndunar-viðræðum að  fjölga ráðuneytum með þeim hætti að skipta upp fjármálaráðuneytinu, þar sem Framsókn vill stjórna efnahagsmálum. Fjármálaráðuneytið er sagt tilheyra […]

Jón Steinar skrifar: „Málinu drepið á dreif“

Í síðustu viku kom Helgi Seljan fréttamaður á RÚV að máli við mig og óskaði eftir viðtali um nýútkomna bók mína „Með lognið í fangið“ og málssókn Benedikts Bogasonar hæstaréttardómara á hendur mér. Benedikt byggir málssókn sína á því að ég hafi meitt æru hans með því að nota í bókinni orðið„dómsmorð“ um dóm hans […]

Verður ráðuneytum fjölgað ?

Meðal þess sem rætt er í stjórnarmyndunarviðræðum er fjölgun ráðuneyta. Það ku vera Framsóknarflokkurinn sem leggur áherslu á að fá efnahagsmálin á sitt borð, en fjármálaráðuneytið er talið fara til Bjarna Benediktssonar. Þetta segir á Vísi. Því muni fjármálaráðuneytinu hugsanlega skipt upp í tvö ráðuneyti, líkt og því var háttað fyrir 2009. Þá segir að […]

Samhljóða Steingrímur og Óli Björn í leiðaraopnu Moggans

Er ný ríkisstjórn að fæðast – jú, margt bendir til þess. Og nú má greina samhljóm með Vinstri grænum og Sjálfstæðisflokknum. Til dæmis á leiðaraopnu Morgunblaðsins í dag. Þar eru tvær greinar sem eru mjög keimlíkar. Önnur er eftir Steingrím J. Sigfússon, fyrrverandi formann VG, hin er eftir Óla Björn Kárason, þingmann Sjálfstæðisflokksins. Hingað til […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is