Laugardagur 02.12.2017 - 14:41 - Ummæli ()

Kjartan segir Dag eigna sér gamla og margsvæfða tillögu Sjálfstæðismanna vegna vanda heimilislausra: „Þetta er einhver hráskinnaleikur“

Kjartan Magnússon, borgarfulltrúi Sjálfstæðisflokksins

„Í tvö ár og fjóra mánuði hefur tillaga mín um þetta efni legið óafgreidd í borgarkerfinu. Tillöguna lagði ég fram í júlí 2016 og hefur hún hrakist um borgarkerfið síðan og borgarstjórinn verið alveg áhugalaus þrátt fyrir að ég hafi oft minnt á hana,“ segir Kjartan Magnússon, borgarfulltrúi Sjálfstæðismanna, í tilefni af svari Dags B. Eggertssonar til Gylfa Ægissonar tónlistarmanns um vanda heimilislausra.

Vandi heimilislausra hefur verið mikið í fréttum undanfarið en fjöldi fólks sem ekki hefur þak yfir höfuðið hefst við á tjaldstæðinu í Laugardal. Meðal þeirra er Gylfi Ægisson, tónlistarmaður, sem steig fram í vikunni og greindi DV frá hlutskipti sína um leið og hann krafðist úrbóta í málum heimilislausra.

Dagur svaraði Gylfa með Facebook-færslu eins og DV greindi frá miðvikudag. Þar kemur fram að borgin hyggist útbúa neyðarhúsnæði í Víðisnesi fyrir heimilislausa Reykvíkinga.

Kjartan segist hins vegar hafa lagt fram tillögu um nákvæmlega þessa aðgerð fyrir tveimur árum og fjórum mánuðum en hún hafi verið svæfð í kerfinu.

„Mér fannst frétt DV frá því á miðvikudag vera mjög merkileg því þar lýsti borgarstjóri í fyrsta sinn yfir vilja sínum til þess að koma þessari tillögu Sjálfstæðisflokksins frá 2015 í framkvæmd.
Til þess að eitthvað gerist í þessum málum þarf hins vegar nauðsynlega að fá samþykki borgarráðs fyrir slíkri ráðstöfun húsnæðisins. Borgarráðsfundur var haldinn í gær og þegar ég sá að borgarstjóri hygðist ekki leggja fram tillögu um Víðines þar lagði ég fram tillöguna frá 2015 að nýju. Mæltist ég til þess að tillagan yrði samþykkt sem fyrst enda búa heimilislausir við mikla neyð eins og þið DV-menn hafið mikið fjallað um að undanförnu. Afgreiðslu tillögunnar var hins vegar frestað.“

Dagur B. Eggertsson borgarstjóri

Dagur B. Eggertsson borgarstjóri

Mynd: DV ehf / Sigtryggur Ari

Aðspurður hvers vegna Kjartan telji að afgreiðslu tillögunnar hafi verið frestað rétt eftir að borgarstjóri boðaði framkvæmd hennar á Facebook, segir Kjartan:

„Maður áttar sig ekki á því. Oft þegar maður leggur fram tillögu þá er þeim frestað vegna þess að um nýtt mál sé að ræða sem þurfi að skoða betur. Í þessu tilviki er ekki hægt að halda því fram. Hún var ekki felld á sínum tíma, fyrst var henni frestað og síðan vísað til skoðunar. En maður skyldi ætla að eftir tvö ár og fjóra mánuði sé búið að skoða þetta nægilega vel. Þetta er einhver hráskinnaleikur. Eins og þeir vilji hvorki afgreiða né fella tillöguna. “

„Það hefur komið fram hvað eftir annað að undanförnu að full þörf er á að nýta húsnæðið í Víðinesi fyrir heimilislaust fólk. Þess vegna er það mikill ábyrgðarhluti hjá borgarstjóra að hafa svæft tillögu Sjálfstæðisflokksins um Víðines og ekkert gert í rúm tvö ár. Nú, þegar loks keyrir um þverbak og spjótin beinast að borginni í fjölmiðlum, birtist borgarstjóri og kynnir Víðines til sögunnar sem nýja hugmynd sína til að leysa vanda heimilislausra.“

Það kom einnig fram í pistli borgarstjóra að borgin hefði fest kaup á 144 íbúðum til að mæta vanda heimilislausra. Kjartan segir hins vegar að biðlistinn eftir félagslegu húsnæði sé svo gríðarlega langur að þetta hrökkvi skammt til og óvíst að úrræðið nýtist nokkrum þeirra sem nú hafast við á tjaldstæðinu í Laugardal.

Kjartan segir enn fremur:

„Auk tillögunnar um Víðiness lögðum við fulltrúar Sjálfstæðisflokksins tillögu í þremur liðum um að bæta eftir megni aðstæður þess fjölda heimilislausra sem dvelst nú á tjaldstæðinu í Laugardal. Þau atriði snúa að rafmagni, salernisaðstöðu og smáhýsum sem þarna eru, eins og meðfylgjandi tillaga ber með sér.“

Kjartan rekur feril tillögunar með eftirfarandi hætti:

Tillaga Sjálfstæðisflokksins 30. nóvember 2017

Lagt er til að tafarlausar úrbætur verði gerðar í þágu heimilislauss fólks sem dvelst nú á tjaldstæðinu í Laugardal.

  1. Rafmagnskerfi svæðisins verði styrkt og betrumbætt en í nýafstöðnu kuldakasti hefur það hvað eftir annað slegið út og haft mikil óþægindi í för með sér.
  2. Tryggður verði greiður aðgangur tjaldstæðagesta að salernum allan sólarhringinn.
  3. Athugað verði hvort unnt sé að nýta þau smáhýsi sem eru á tjaldstæðinu í þágu heimilislausra en þau eru nú lokuð.

Tillaga Sjálfstæðisflokksins 30. nóvember 2017, áður flutt 16. júlí 2015

Vegna vaxandi vanda samþykkir borgarráð að útbúin verði aðstaða í ónotuðu húsnæði borgarinnar á Víðinesi til að taka á móti heimilislausu fólki og hýsa það. Leitað verði eftir samstarfi við önnur sveitarfélög á höfuðborgarsvæðinu um verkefnið.

Seinni tillöguna er ég í raun að endurflytja því hana lagði ég fyrst fram í borgarráði fyrir rúmum tveimur árum eða 16. júlí 2015. Var afgreiðslu hennar þá frestað og hún ekki tekin fyrir fyrr en 10. september, tveimur mánuðum síðar. Meirihlutinn ákvað þá að vísa henni inn í borgarkerfið til frekari meðferðar og skoðunar. Ég mótmælti þeirri afgreiðslu og bókaði eftirfarandi:

Bókun borgarráðsfulltrúa Sjálfstæðisflokksins 10. september 2015:

,,Vegna vaxandi umfangs vanda heimilislauss fólks og brýnnar þarfar þar sem vetur gengur brátt í garð, væri rétt að láta verkin tala og samþykkja fyrirliggjandi tillögu Sjálfstæðisflokksins um móttöku og hýsingu heimilislausra í ónotuðu húsnæði á Víðinesi. Þess í stað kýs borgarstjórnarmeirihlutinn að vísa henni til frekari skoðunar í borgarkerfinu þrátt fyrir að hún hafi verið þar til skoðunar um hríð. Minnt skal á að tillaga Sjálfstæðisflokksins var flutt í borgarráði um miðjan júlí og hefur hún því legið fyrir án afgreiðslu í tæpa tvo mánuði. Fulltrúar Sjálfstæðisflokksins telja að nú þegar hafi gefist nægur tími til að skoða þá framkvæmd sem tillagan felur í sér og styðja ekki að henni verði frestað frekar.“

Á fundi borgarráðs 13. október 2016 var samþykkt að leigja hluta af húsnæði borgarinnar á Víðinesi til Útlendingastofnunar til 2-3 mánaða í því skyni að hýsa hælisleitendur. Þá bókuðum við sjálfstæðismenn eftirfarandi:

Bókun borgarráðsfulltrúa Sjálfstæðisflokksins 13. október 2016:

,,Borgarráðsfulltrúar Sjálfstæðisflokksins samþykkja tillöguna enda er um tímabundna neyðarráðstöfun að ræða. Minnt er á tillögu Sjálfstæðisflokksins um að útbúin verði aðstaða í ónotuðu húsnæði borgarinnar á Víðinesi til að taka á móti heimilislausu fólki og hýsa það. Tillagan var flutt í júlí 2015 og vísað til velferðarsviðs í september sama ár. Borgarráðsfulltrúar Sjálfstæðisflokksins telja að nú hafi gefist nægur tími til að skoða tillöguna og hvetja til þess að framkvæmd hennar verði ekki frestað frekar.“

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Björn Bjarnason ýjar að vanhæfi umhverfisráðherra – Ver Kristján Þór fyrir „vinstri“ miðlum

Björn Bjarnason fjallar um hæfi tveggja ráðherra á heimasíðu sinni í dag. Hann gagnrýnir RÚV og fleiri „vinstrisinnaða“ miðla fyrir fréttaflutning af Kristjáni Þór Júlíussyni sjávarútvegsráðherra og tengslum hans við Samherja, sem Björn gerir lítið úr. Hann virðist frekar hafa áhyggjur af hæfi Guðmundur I. Guðbrandssonar umhverfisráðherra, ef marka má þessi orð: „Líklegt er að […]

Jón Steinar hefur málsvörn sína – Lagði fram greinargerð í morgun

Lögmaðurinn Jón Steinar Gunnlaugsson, sem stefnt var af Benedikti Bogasyni hæstaréttardómara fyrir meiðyrði, lagði fram greinargerð og aðilaskýrslu í morgun fyrir Héraðsdómi Reykjaness. Benedikt stefnir Jóni Steinari fyrir að nota orðið „dómsmorð“ í bók sinni Með lognið í fangið, hvar hann fjallar um störf Hæstarétts í máli Baldri Guðlaugssonar, sem dæmdur var fyrir innherjasvik árið 2012, en […]

Launþegum fer fjölgandi í ferðaþjónustu – Fækkar í sjávarútvegi

Samkvæmt vef Hagstofu Íslands hefur launþegum í sjávarútvegi fækkað undanfarið ár, meðan launþegum fjölgar í byggingariðnaði og ferðaþjónustu. Á tímabilinu, frá nóvember 2016 til október 2017, voru 17.411 launagreiðendur á Íslandi að jafnaði, sem er fjölgun um 642 frá árinu áður. Á sama tímabili fengu 186.900 einstaklingar laun, sem er aukning um 8.400 frá tímabilinu […]

Skoða möguleika á rafrænum fylgiseðlum lyfja

Á vef Lyfjastofnunar kemur fram að nú sé til skoðunar sé hvernig betrumbæta megi upplýsingar sem fylgja lyfjum og um leið nýtt fyrirkomulag fylgiseðla. Framtíðin virðist liggja í rafrænum lausnum, en málið gæti tekið tíma þar sem breyta þarf núgildandi reglum Evrópusambandsins varðandi afgreiðslu lyfja.   Sem stendur eru reglur ESB/EES þannig að tungumál viðkomandi […]

Forsætisráðherra á leiðtogafundi í París – Kynnti kolefnislaust Ísland 2040

Katrín Jakobsdóttir, forsætisráðherra, tók þátt í leiðtoga-fundi í París í dag undir yfirskriftinni „One Planet Summit“.  Fundurinn var haldinn í tilefni af því að í dag, 12. desember, eru tvö ár liðin frá samþykkt Parísarsamkomulagsins og lýkur fundinum síðar í kvöld. Megintilgangur fundarins er að fagna þeim áfanga sem Parísarsamkomulagið er og vekja athygli á markmiðum […]

Áform um hverfisskipulag Grafarvogs kynnt – Starfsemi fyrir kvikmyndaiðnað, verslun og þjónustu

Umhverfis- og skipulagssvið Reykjavíkurborgar hélt kynningarfund á dögunum vegna fyrsta áfanga skipulags í Gufunesi. Fundurinn var haldinn í Hlöðunni við Gufunesbæ. Stuðla á að fjölbreyttari byggð og starfsemi og styðja við og styrkja Grafarvog sem hverfisheild. Á svæðinu er einkum gert ráð fyrir starfsemi á sviði afþreyingar- og kvikmyndaiðnaðar og þjónustu tengdri slíkri starfsemi. Einnig […]

Trump verst ásökunum um kynferðislega áreitni á Twitter

Donald Trump Bandaríkjaforseti, sagði í dag að allur sá fjöldi ásakana á hendur honum varðandi kynferðislega áreitni, væri liður í samsæri Demókrata og kallaði þær falsfréttir. Orð Trump féllu degi eftir að þrjár konur ásökuðu Trump um að hafa áreitt sig kynferðislega í viðtali á NBC sjónvarpsstöðinni og á blaðamannafundi í New York í gær. […]

Herdís kjörin næst-æðsti stjórnandi Feneyjanefndar Evrópuráðsins -Fyrst Íslendinga

Dr. Herdís Kjerulf Þorgeirsdóttir hefur kjörin næst-æðsti stjórnandi Feneyjanefndar Evrópuráðsins, nefndar Evrópuráðsins um lýðræði með lögum. Á aðalfundi nefndarinnar nú í desember var Herdís kjörin fyrsti varaforseti nefndarinnar en hún hafði í tvígang verið kjörin ein þriggja varaforseta hennar. Hún er fyrsti Íslendingurinn sem kjörin er í stjórn Feneyjarnefndarinnar.     Aðspurð um hvaða þýðingu þetta […]

Kristinn H reiðir til höggs – Sakar umhverfisráðherra um „veruleikafirringu“ og tilheyra „öfgasamtökum“

Kristinn H. Gunnarsson, fyrrum þingmaður og nú ritstjóri Vestfirðings, gagnrýnir nýskipaðan umhverfisráðherra harðlega í leiðara blaðs síns í dag. Guðmundur I. Guðbrandsson, sem áður var framkvæmdarstjóri Landverndar, var skipaður sem fagráðherra af Vinstri grænum eftir síðustu kosningar, en sú ráðning virðist ekki vekja lukku hjá Kristni H. sem sakar umhverfisráðherra um að beita sér af […]

Kristján Þór gerir hreint fyrir sínum dyrum varðandi Samherjatengsl

Sjávarútvegs- og landbúnaðarráðherra, Kristján Þór Júlíusson, birti á Facebook síðu sinni í morgun yfirlýsingu, þar sem hann gerir grein fyrir tengslum sínum við Þorstein Má Baldvinsson, forstjóra Samherja sem og tengsl hans við fyrirtækið, en hann hefur legið undir ámæli vegna þessa, sökum stöðu sinnar og embættis. Flest, ef ekki allt það sem Kristján týnir […]

Olíunotkun sjávarútvegsins fer minnkandi – Nálgast markmið Parísarsamkomulagsins

Samkvæmt skýrslu Samtaka fyrirtækja í sjávarútvegi um olíunotkun greinarinnar til 2030, sem unnin er að hluta af stærstu sjávarútvegsfyrirtækjum landsins, kemur í ljós að eldsneytisnotkun hefur minnkað töluvert frá árinu 1990, eða um 43% Í skýrslunni kemur fram að „sterkir fiskistofnar, framfarir í veiðum og betra skipulag veiða hafa leitt til verulega minni olíunotkunar í […]

Dapurleg upprifjun

Jón Steinar Gunnlaugsson skrifar: Það var sorglegt að fylgjast með upprifjun á því í fréttum í síðustu viku hvernig margir Íslendingar höguðu sér fyrst eftir bankahrunið 2008. Menn fóru í ógnandi hópum að heimilum fólks, sem það taldi í fávisku sinni að borið hefði einhverja óskilgreinda ábyrgð á hörmungunum. Þar urðu meðal annars stjórnmálamenn og […]

„Tímabært að teikna upp mynd af því hvernig hann og hans nánustu hafa hagað sér“

Karl Th. Birgisson, ritstjóri Herðubreiðar, gaf út á dögunum bók er nefnist Hinir Ósnertanlegu, saga um auð, völd og spillingu. Þar er fjallað um viðskiptasögu Bjarna Benediktssonar, fjármálaráðherra og ítök föðurættar Bjarna í viðskiptalífinu í gegnum árin, sem höfundur kallar „eitrað samband stjórnmála og viðskipta.“       En af hverju réðst Karl í gerð […]

Aldrei munað eins litlu á WOW og Icelandair í farþegum talið

Aldrei hefur munað jafn litlu á stærð íslensku flugfélaganna tveggja, Icelandair og WOW, í farþegum talið. Icelandair flutti í nóvember 249 þúsund farþega, meðan Wow flaug með 224 þúsund farþega á sama tíma. Munurinn er 25 þúsund farþegar, sem er minnsti mælanlegi munur hingað til. Þar áður var munurinn minnstur í febrúar, eða 33,657 farþegar. […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is