Föstudagur 05.01.2018 - 11:13 - Ummæli ()

Virtur geðlæknir segir Trump vera „missa tökin á raunveruleikanum“ og á barmi taugaáfalls

Dr. Bandy X. Lee og Donald Trump. Mynd/Getty

Hópur þingmanna úr fulltrúadeild og öldungadeild Bandaríska þingsins fékk prófessor í geðlækningum, Dr. Bandy X. Lee frá Yale háskólanum, til þess að ræða við sig um geðheilbrigði Bandaríkjaforseta, Donald Trump, snemma í desembermánuði síðstliðnum. Voru þingmennirnir sagðir áhyggjufullir yfir ástandinu á Trump og vildu álit fagaðila til þess að skýra það betur. Flestir voru þingmennirnir úr hópi demókrata, en einn ónafngreindur fulltrúi repúblikana var einnig staddur á fundinum.

 

Haft var eftir Lee á fundinum:

„Hann virðist vera að missa tökin á raunveruleikanum og grípur til samsæriskenninga. Það eru merki þess að hann fari í árásarham þegar hann er undir álagi. Það þýðir að hann getur orðið hvatvís og afar óstöðugur.“

Þá sagði Lee forsetann hvetja til ofbeldis og laðast að öflugum vopnum. Hún sagði samskipti Trump við Norður-Kóreu bera þess merki  að forsetinn væri á barmi taugaáfalls.

Greining Lee hefur þó verið gagnrýnd, þar sem hún hefur aldrei hitt Trump, en samkvæmt siðareglum Geðlæknafélags Bandaríkjanna mega geðlæknar ekki framkvæma slíka greiningu á fólki sem það hefur ekki sjálft tekið til meðferðar.

 

Yale háskólinn sendi frá sér yfirlýsingu þar sem skólinn hélt fram hlutleysi sínu:

„Yale háskólinn tekur ekki afstöðu eða gefur út yfirlýsingar varðandi heilsu eða læknisfræðilegt ástand opinberra starfsmanna. Hinsvegar mun háskólinn ekki hlutast til um tjáningarfrelsi eða akademískt frelsi kennara skólans sem vilja tjá skoðanir sínar er varða sérsvið þeirra.“

 

Lee tók fram að hún væri ekki í aðstöðu til að sálgreina forsetann, eða aðrar opinberar persónur, úr fjarlægð. En hún sagði að það væri ætlast til inngrips af fagaðilum í læknastétt í aðstæðum þar sem hætta steðjar að almenningi. Sagði hún að hegðun forsetans sýndi þess glögg merki.

 

Viðbrögð Hvíta hússins voru fyrirsjáanleg. Sarah Sanders fjölmiðlafulltrúi, sagði allar spurningar varðandi geðheilsu forsetans „skammarlegar“. Og væri forsetinn ekki á vetur setjandi, „sæti hann ekki á forsetastóli“ og hefði ekki sigrað „hæfasta hóp frambjóðenda frá stofnun Repúblikanaflokksins“. Þá sagði hún Trump „ótrúlega sterkan“ leiðtoga og fólk ætti frekar að hafa áhyggjur yfir geðheilsu „leiðtoga Norður-Kóreu.“

Dr. Lee bar til baka ásakanir um að hún væri í pólitískum leðjuslag, sagðist ekki hafa áhuga á flokkspólitík og hafi aldrei verið skráð í stjórnmálaflokk; hugmyndafræði væri ekki áhugaverð.

Lee mun hitta fleiri þingmenn og áhrifavalda í Washington, síðar í mánuðinum. Þá hefur Jamie Raskin, þingmaður frá Maryland, kynnt frumvarp sem viðbót við 25.grein stjórnarskrárinnar, er fjallar um hvenær forseti telst óstarfhæfur vegna heilsufars. Í frumvarpi Raskin er mælt með að 11 manna nefnd geðlækna, fyrrum forseta, varaforseta, utanríkisráðherra og annarra háttsettra aðila ákveði hvort forsetinn sé hæfur til starfa eða ekki.

 

Heimild: CNN

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Fjögur nýsköpunarfyrirtæki hljóta viðurkenningar fyrir samstarf

Í dag afhenti Kristján Þór Júlíusson sjávarútvegsráðherra viðurkenningar til fjögurra fyrirtækja innan Íslenska sjávarklasans sem skarað hafa framúr við að efla samstarf við önnur fyrirtæki. Fyrirtækin sem hlutu viðurkenningu eru Navis, Evris, Iceland Sustainable Fisheries og Knarr Maritime. Navis hlýtur viðurkenningu fyrir að efla samstarf tæknifyrirtækja um hönnun á umhverfisvænum skipum. Evris hlýtur viðurkenningu fyrir […]

Grein Hannesar á skjön við skýrslu Rannsóknarnefndar – „Því var bjargað sem bjargað varð“

Í tilefni 70 ára afmælis Davíðs Oddssonar ritar Hannes Hólmsteinn Gissurason eina og hálfa opnu um aðkomu Davíðs að bankahruninu í Morgunblaðinu í dag. Í Stundinni kemur fram að Hannes sé ósammála niðurstöðum rannsóknarnefndar Alþingis og lýsi Davíð sem bjargvætti Íslands í hruninu, en það sé söguskýring sem Hannes kenni í skyldunámskeiði í Háskóla Íslands. […]

Samkeppniseftirlitið hafnar kröfu Símans – Skilyrði samnings verða óbreytt

Samkeppniseftirlitið hefur hafnað kröfu Símans um að breyta skilyrðum samnings milli Fjarskipta hf. (Vodafone) og 365 miðla hf. Þetta kemur fram í tilkynningu frá Samkeppniseftirlitinu. Þann 9. október sl. heimilaði Samkeppniseftirlitið kaup Fjarskipta hf. (Vodafone) á tilteknum eignum og rekstri 365 miðla hf. Samruninn er háður skilyrðum sem Samkeppniseftirlitið og samrunaaðilar gerðu sátt um.   […]

Forsætisráðherra fundaði með formanni landsstjórnar Grænlands

Katrín Jakobsdóttir, forsætisráðherra, átti fund með Kim Kielsen, formanni landsstjórnar Grænlands í dag. Á fundinum var rætt um góð samskipti Íslands og Grænlands, stöðu efnahagsmála og stjórnmála. Þetta kemur fram í tilkynningu frá forsætisráðuneytinu. Mikilvægi Vestnorræna ráðsins kom til umræðu og aukin samvinna Íslands og Grænlands, meðal annars á sviði ferðamála.Vaxandi straumur ferðamanna er fyrirliggjandi […]

Skúli Helgason stefnir á 3. sætið hjá Samfylkingunni

Borgarfulltrúinn Skúli Helgason gefur kost á sér í 3. sæti í flokksvali Samfylkingarinnar fyrir komandi borgarstjórnarkosningar sem fram fer 10. febrúar næstkomandi. Þetta kemur fram í tilkynningu. Skúli hefur verið borgarfulltrúi í eitt kjörtímabil, í meirihlutasamstarfi undir forystu Samfylkingarinnar og stýrir einum viðamesta málaflokknum í borgarmálunum, skóla- og frístundamálum.   Skúli er menntaður stjórnmálafræðingur frá […]

Gjörbreyting á Kringlusvæðinu – Fyrirhuguð uppbygging gerir ráð fyrir Borgarlínu

Í dag skrifuðu Dagur B. Eggertsson borgarstjóri og Guðjón Auðunsson forstjóri Reita undir viljayfirlýsingu Reykjavíkurborgar og Reita um uppbyggingu á Kringlureitnum og verður það umfangsmesta uppbygging á svæðinu frá því verslunarmiðstöðin Kringlan var opnuð árið 1987. Reitir og Reykjavíkurborg munu vinna saman að nýju rammaskipulagi fyrir svæðið og breyta gildandi skipulagsáætlunum. Miðað er við að […]

Björn Valur: „Árni Páll til liðs við stjórnina?“

Björn Valur Gíslason, fyrrum varaformaður Vinstri grænna, veltir því fyrir sér á heimasíðu sinni hvort að Árni Páll Árnason, fyrrum formaður Samfylkingarinnar, sé ekki vel til þess fallinn að liðsinna ríkisstjórninni þegar kemur að málefnum ESB og Brexit.   Björn Valur dáðist að framgöngu Árna Páls í Silfrinu um helgina, hvar hann ræddi Brexit af […]

Reykjavíkurborg fær falleinkunn í þjónustukönnun Gallup

Reykjavíkurborg fær lægstu einkunn í nýrri þjónustukönnun Gallup, þegar þjónusta borgarinnar við leik- og grunnskóla, eldri borgara og fatlaða er borin saman við önnur sveitafélög. Þetta kemur fram á Kjarnanum.   Mælist Reykjavíkurborg einnig neðst í heildaránægju íbúa af sveitafélagi sínu. Hún mælist þó ekki neðst í öllum flokkum, þó litlu muni. Garðabær mælist efstur […]

Davíð Oddsson sjötugur í dag – „Ég er ekk­ert að hugsa um að hætta“

Davíð Oddsson, ritstjóri Morgunblaðsins og fyrrverandi forsætisráðherra, er sjötugur í dag. Af því tilefni fór hann í viðtal á útvarpsstöð Árvakurs, K100, í morgun. Þar kvaðst hann ekki ætla að setjast í helgan stein, líkt og tveir forverar hans, þeir Styrmir Gunnarsson og Matthías Johannessen gerðu þegar þeir urðu sjötugir. Davíð var hress og kátur […]

Kjartan vill endurskoða samning ríkis og borgar um samgöngumál

Kjartan Magnússon, borgarfulltrúi Sjálfstæðisflokksins, flutti tillögu þess efnis á borgarstjórnarfundi í gær, að endurskoða þyrfti samning ríkis og borgar um samgöngumál frá árinu 2013, með því augnarmiði að hægt verði að fara í stórframkvæmdir í samgöngumálum í borginni. Samningurinn kveður á um svokallað „framkvæmdarstopp í samgöngumálum Reykjavíkurborgar“ að sögn Kjartans og að ríkið veiti borginni […]

Konur brjóta blað í Atvinnuveganefnd Alþingis

Atvinnuveganefnd hefur störf á morgun að loknu jólaleyfi. Nú ber svo við að eingöngu konur stýra starfi nefndarinnar. Lilja Rafney Magnúsdóttir VG, er formaður, Inga Sæland Flokki fólksins er 1. varaformaður og Halla Signý Kristjánsdóttir Framsóknarflokki er 2. varaformaður.   Mun það ekki hafa áður gerst að eingöngu konur veittu þessari nefnd eða fyrirrennurum hennar […]

Kjartan vill vera áfram bæjarstjóri í Reykjanesbæ: „Ég er alveg til í það“

Kjartan Már Kjartansson, bæjarstjóri í Reykjanesbæ, segist áfram vilja starfa sem slíkur, en hann var ráðinn af núverandi meirihluta eftir sveitastjórnarkosningarnar árið 2014, en meirihluta skipa Bein leið, Frjálst afl og Samfylking. Kjartan er fyrrum bæjarfulltrúi Framsóknarflokksins en var ráðinn á faglegum forsendum, ekki pólitískum. Þetta kemur fram í Víkurfréttum.       Aðspurður hvort […]

Helgi Seljan sakar formann Varðar um seinheppni – Formaðurinn býður Helga í Valhöll til að læra um húmor

Í dag byrjaði utan-kjörfundaratkvæða-greiðsla í leiðtogakjöri Sjálfstæðisflokksins í Reykjavík, en leiðtogakjörið sjálft er þann 27. janúar. Vörður, fulltrúaráð sjálfstæðisfélaganna í Reykjavík, sér um framkvæmdina, en formaður hennar, Gísli Kr. Björnsson, greiddi atkvæði sitt í morgun.   Gísli birti mynd af sér við athöfnina, líkt og tíðkast. Birti hann myndina á Facebooksíðu sinni. Netverjum brá sumum […]

Stofna á ungmennaráð Heimsmarkmiða sameinuðu þjóðanna

Greint var frá fyrirhugaðri stofnun ungmennaráðs Heimsmarkmiða Sameinuðu þjóðanna á ríkisstjórnarfundi í morgun. Forsætisráðuneytið mun óska eftir umsóknum í ungmennaráð Heimsmarkmiða Sameinuðu þjóðanna 31. janúar nk. og mun sérfræðingur í þátttöku barna og ungmenna hjá UNICEF á Íslandi halda utan um skipulag og vinnu ráðsins. Eitt af meginstefum Heimsmarkmiðanna er samvinna milli ólíkra hagsmunaaðila, þ.á […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is