Mánudagur 08.01.2018 - 10:16 - Ummæli ()

Siðmennt í samkeppni á sálgæslumarkaði-Stofna húmanískt viðbragðsteymi

Bjarni Jónsson, framkvæmdarstjóri Siðmenntar

Siðmennt, félag siðrænna húmanista á Íslandi og veraldlegt lífsskoðunarfélag, sem hefur hingað til boðið upp á veraldlega nafngjöf, borgaralegar fermingar, giftingar og útfarir, færir nú út kvíarnar. Hafa samtökin stofnað húmanískt viðbragðsteymi sem ætlað er „að sinna sálgæslu á veraldlegum grunni“, líkt og segir í tilkynningu. Sú þjónusta er ætluð því fólki sem þarf á aðstoð að halda vegna persónulegra mála, hefur til dæmis lent í áföllum af einhverju tagi, eins og veikindum eða missi nákomins.

 

 

Bjarni Jónsson er framkvæmdarstjóri Siðmenntar. Hann segir að ekki sé sjálfgefið að fólk þurfi að leita til Þjóðkirkjunnar ef það lendir í slíkum vanda:

„Þetta hefur verið hátt í tvö ár í undirbúningi. Við höfðum orðið vör við það í okkar starfi að það væri vöntun á slíkri þjónustu og því höfum við sett saman hóp sálfræðinga og fagfólks sem hefur tekið á þessu einna mest og best í gegnum tíðina. Fólk sem lendir í einhverskonar áfalli þarf því ekki endilega að leita til Þjóðkirkjunnar,“

segir Bjarni.

 
Í tilkynningu Siðmenntar er talað um að samtökin veiti sálgæslu, en það orð er óneitanlega bundið við trúarleg gildi . Er Siðmennt að viðurkenna tilvist sálarinnar með þessu ?

„Góð spurning. Þetta var nú sérstaklega rætt hjá okkur, það kom til greina að nota orðið stuðningur líka, en við ákváðum að nota þetta orð þar sem að það lýsir þessu ferli best og búið er að koma því vel á framfæri. Þarna skilja allir hvað átt er við og því þurfum við ekki að byrja á því að útskýra við hvað er átt. En svarið er nei, við viðurkennum ekki tilvist sálarinnar.“

 

En hvernig verður þjónustan ? Er hún sambærileg við þá þjónustu sem prestar Þjóðkirkjunnar veita, til dæmis á sjúkrahúsum ?

„Hvað þjónustu presta varðar, þá er alveg vert að spyrja hvort einhver hafi kannað hvort allir þeir sem leggjast inn á spítala séu trúaðir ? Samkvæmt könnun sem Siðmennt lét Maskínu framkvæma um trúarafstöðu, þá er minnihluti landsmanna trúaður. Sólveig Ásgrímsdóttir sálfræðingur mun halda utan um þetta verkefni okkar og hún hefur á sínum snærum hóp fagfólks, sálfræðinga, lækna, iðjuþjálfa og félagsráðgjafa sem munu veita fyrsta flokks þjónustu. “

 

Í tilkynningu Siðmenntar segir:

 
Þjónustan verður á veraldlegum grunni og hentar því öllum. Hún verður gjaldfrjáls félagsmönnum en fyrir aðra er innheimt hóflegt gjald.
Þjónustunni er ekki ætlað að vera meðferðarúrræði heldur bjóða félagsmönnum og öðrum sem til félagsins leita upp á fyrsta samtal um málefni þeirra og vísa þeim síðan á fagaðila utan Siðmenntar til áframhaldandi úrvinnslu eða meðferðar.

 
Verkefni sem í fyrstu er ætlað að sinna eru:

– Fyrsta samtal við félagsmenn um úrræði og þaðan vísað til fagaðila

– Sálgæsla á veraldlegum grunni

– Stuðningur við athafnastjóra ef alvarleg mál koma upp

– Vera stjórn innan handar í málum sem koma upp og varða stuðning

– Veita samtal um málefni félagsmanna sem leita eftir stuðningi þegar þeir lenda í „krísum“.

– Veita áfallahjálp utanaðkomandi aðila

Dæmi um mál sem hafa borist félaginu:

– Ráðgjöf varðandi útfararskrá

– Ráðgjöf vegna dauða foreldris barna og unglinga

– Áfallahjálp og nærvera vegna sjálfsvígs

– Samtöl við einstaklinga sem eru deyjandi t.d. vegna krabbameins

– Viðtöl við deyjandi aldraða einstaklinga

– Aðstoð við útfarir lítilla barna

– Einstaklingur með sjálfsvígshugmyndir

– Krísa í samskiptum fjölskyldu

Hópur félagsmanna Siðmenntar með menntun og reynslu við störf sem sálfræðingar, læknar, iðjuþjálfar og önnur fagleg störf þessu tengd annast þjónustuna. Síðar meir er hugsanlegt að nokkrir athafnastjórar sem þjálfað hafa með sér færni í gagnvirkri hlustun geti sinnt hluta af þessum málum.

Ákveðið var að bjóða upp á þjónustuna þar sem leitað hefur verið til félagsins með ósk um aðstoð en einnig atvik í starfi stjórnarmanna og athafnastjóra sem krefjast slíkrar ráðgjafar.

 

Sólveig Ásgrímsdóttir
Siðmennt

Sólveig Ásgrímsdóttir, sálfræðingur mun leiða verkefnið. Hún hefur áratuga reynslu í starfi sem sálfræðingur og kom að stofnun áfallateymis Rauða krossins.

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Fjögur nýsköpunarfyrirtæki hljóta viðurkenningar fyrir samstarf

Í dag afhenti Kristján Þór Júlíusson sjávarútvegsráðherra viðurkenningar til fjögurra fyrirtækja innan Íslenska sjávarklasans sem skarað hafa framúr við að efla samstarf við önnur fyrirtæki. Fyrirtækin sem hlutu viðurkenningu eru Navis, Evris, Iceland Sustainable Fisheries og Knarr Maritime. Navis hlýtur viðurkenningu fyrir að efla samstarf tæknifyrirtækja um hönnun á umhverfisvænum skipum. Evris hlýtur viðurkenningu fyrir […]

Grein Hannesar á skjön við skýrslu Rannsóknarnefndar – „Því var bjargað sem bjargað varð“

Í tilefni 70 ára afmælis Davíðs Oddssonar ritar Hannes Hólmsteinn Gissurason eina og hálfa opnu um aðkomu Davíðs að bankahruninu í Morgunblaðinu í dag. Í Stundinni kemur fram að Hannes sé ósammála niðurstöðum rannsóknarnefndar Alþingis og lýsi Davíð sem bjargvætti Íslands í hruninu, en það sé söguskýring sem Hannes kenni í skyldunámskeiði í Háskóla Íslands. […]

Samkeppniseftirlitið hafnar kröfu Símans – Skilyrði samnings verða óbreytt

Samkeppniseftirlitið hefur hafnað kröfu Símans um að breyta skilyrðum samnings milli Fjarskipta hf. (Vodafone) og 365 miðla hf. Þetta kemur fram í tilkynningu frá Samkeppniseftirlitinu. Þann 9. október sl. heimilaði Samkeppniseftirlitið kaup Fjarskipta hf. (Vodafone) á tilteknum eignum og rekstri 365 miðla hf. Samruninn er háður skilyrðum sem Samkeppniseftirlitið og samrunaaðilar gerðu sátt um.   […]

Forsætisráðherra fundaði með formanni landsstjórnar Grænlands

Katrín Jakobsdóttir, forsætisráðherra, átti fund með Kim Kielsen, formanni landsstjórnar Grænlands í dag. Á fundinum var rætt um góð samskipti Íslands og Grænlands, stöðu efnahagsmála og stjórnmála. Þetta kemur fram í tilkynningu frá forsætisráðuneytinu. Mikilvægi Vestnorræna ráðsins kom til umræðu og aukin samvinna Íslands og Grænlands, meðal annars á sviði ferðamála.Vaxandi straumur ferðamanna er fyrirliggjandi […]

Skúli Helgason stefnir á 3. sætið hjá Samfylkingunni

Borgarfulltrúinn Skúli Helgason gefur kost á sér í 3. sæti í flokksvali Samfylkingarinnar fyrir komandi borgarstjórnarkosningar sem fram fer 10. febrúar næstkomandi. Þetta kemur fram í tilkynningu. Skúli hefur verið borgarfulltrúi í eitt kjörtímabil, í meirihlutasamstarfi undir forystu Samfylkingarinnar og stýrir einum viðamesta málaflokknum í borgarmálunum, skóla- og frístundamálum.   Skúli er menntaður stjórnmálafræðingur frá […]

Gjörbreyting á Kringlusvæðinu – Fyrirhuguð uppbygging gerir ráð fyrir Borgarlínu

Í dag skrifuðu Dagur B. Eggertsson borgarstjóri og Guðjón Auðunsson forstjóri Reita undir viljayfirlýsingu Reykjavíkurborgar og Reita um uppbyggingu á Kringlureitnum og verður það umfangsmesta uppbygging á svæðinu frá því verslunarmiðstöðin Kringlan var opnuð árið 1987. Reitir og Reykjavíkurborg munu vinna saman að nýju rammaskipulagi fyrir svæðið og breyta gildandi skipulagsáætlunum. Miðað er við að […]

Björn Valur: „Árni Páll til liðs við stjórnina?“

Björn Valur Gíslason, fyrrum varaformaður Vinstri grænna, veltir því fyrir sér á heimasíðu sinni hvort að Árni Páll Árnason, fyrrum formaður Samfylkingarinnar, sé ekki vel til þess fallinn að liðsinna ríkisstjórninni þegar kemur að málefnum ESB og Brexit.   Björn Valur dáðist að framgöngu Árna Páls í Silfrinu um helgina, hvar hann ræddi Brexit af […]

Reykjavíkurborg fær falleinkunn í þjónustukönnun Gallup

Reykjavíkurborg fær lægstu einkunn í nýrri þjónustukönnun Gallup, þegar þjónusta borgarinnar við leik- og grunnskóla, eldri borgara og fatlaða er borin saman við önnur sveitafélög. Þetta kemur fram á Kjarnanum.   Mælist Reykjavíkurborg einnig neðst í heildaránægju íbúa af sveitafélagi sínu. Hún mælist þó ekki neðst í öllum flokkum, þó litlu muni. Garðabær mælist efstur […]

Davíð Oddsson sjötugur í dag – „Ég er ekk­ert að hugsa um að hætta“

Davíð Oddsson, ritstjóri Morgunblaðsins og fyrrverandi forsætisráðherra, er sjötugur í dag. Af því tilefni fór hann í viðtal á útvarpsstöð Árvakurs, K100, í morgun. Þar kvaðst hann ekki ætla að setjast í helgan stein, líkt og tveir forverar hans, þeir Styrmir Gunnarsson og Matthías Johannessen gerðu þegar þeir urðu sjötugir. Davíð var hress og kátur […]

Kjartan vill endurskoða samning ríkis og borgar um samgöngumál

Kjartan Magnússon, borgarfulltrúi Sjálfstæðisflokksins, flutti tillögu þess efnis á borgarstjórnarfundi í gær, að endurskoða þyrfti samning ríkis og borgar um samgöngumál frá árinu 2013, með því augnarmiði að hægt verði að fara í stórframkvæmdir í samgöngumálum í borginni. Samningurinn kveður á um svokallað „framkvæmdarstopp í samgöngumálum Reykjavíkurborgar“ að sögn Kjartans og að ríkið veiti borginni […]

Konur brjóta blað í Atvinnuveganefnd Alþingis

Atvinnuveganefnd hefur störf á morgun að loknu jólaleyfi. Nú ber svo við að eingöngu konur stýra starfi nefndarinnar. Lilja Rafney Magnúsdóttir VG, er formaður, Inga Sæland Flokki fólksins er 1. varaformaður og Halla Signý Kristjánsdóttir Framsóknarflokki er 2. varaformaður.   Mun það ekki hafa áður gerst að eingöngu konur veittu þessari nefnd eða fyrirrennurum hennar […]

Kjartan vill vera áfram bæjarstjóri í Reykjanesbæ: „Ég er alveg til í það“

Kjartan Már Kjartansson, bæjarstjóri í Reykjanesbæ, segist áfram vilja starfa sem slíkur, en hann var ráðinn af núverandi meirihluta eftir sveitastjórnarkosningarnar árið 2014, en meirihluta skipa Bein leið, Frjálst afl og Samfylking. Kjartan er fyrrum bæjarfulltrúi Framsóknarflokksins en var ráðinn á faglegum forsendum, ekki pólitískum. Þetta kemur fram í Víkurfréttum.       Aðspurður hvort […]

Helgi Seljan sakar formann Varðar um seinheppni – Formaðurinn býður Helga í Valhöll til að læra um húmor

Í dag byrjaði utan-kjörfundaratkvæða-greiðsla í leiðtogakjöri Sjálfstæðisflokksins í Reykjavík, en leiðtogakjörið sjálft er þann 27. janúar. Vörður, fulltrúaráð sjálfstæðisfélaganna í Reykjavík, sér um framkvæmdina, en formaður hennar, Gísli Kr. Björnsson, greiddi atkvæði sitt í morgun.   Gísli birti mynd af sér við athöfnina, líkt og tíðkast. Birti hann myndina á Facebooksíðu sinni. Netverjum brá sumum […]

Stofna á ungmennaráð Heimsmarkmiða sameinuðu þjóðanna

Greint var frá fyrirhugaðri stofnun ungmennaráðs Heimsmarkmiða Sameinuðu þjóðanna á ríkisstjórnarfundi í morgun. Forsætisráðuneytið mun óska eftir umsóknum í ungmennaráð Heimsmarkmiða Sameinuðu þjóðanna 31. janúar nk. og mun sérfræðingur í þátttöku barna og ungmenna hjá UNICEF á Íslandi halda utan um skipulag og vinnu ráðsins. Eitt af meginstefum Heimsmarkmiðanna er samvinna milli ólíkra hagsmunaaðila, þ.á […]

Frjáls fjölmiðlun ehf. - Kringlunni 4-12, 103 Reykjavík - eyjan (hjá) eyjan.is