Þriðjudagur 18.11.2014 - 13:44 - Ummæli ()

Samstöðufundur með tónlistarkennurum

Nú vantar aðeins fjóra daga í að verkfall tónlistarkennara hafi staðið í heilan mánuð. Manni skilst að þokist lítið í samningaátt. Verkfallið gæti þess vegna staðið fram að jólum.

Samningavilji sveitarfélaganna virðist lítill, sérstaklega fulltrúa Reykjavíkur, og það eykur enn á vandann að sveitarfélögin og ríkið eru í togstreitu vegna tónlistarskólanna.

Þessi önn, sem foreldrar hafa borgað fyrir, fer að verða ónýt. Jólatónleikar sem hafa verið hápunktur starfsins fyrri part vetrar eru í uppnámi – börn og unglingar sem hafa ætlað að ljúka stigsprófum verða hugsanlega að fresta því.

Sjálfur á ég son í tónlistarskóla, hann er mjög ósáttur við að komast ekki í spilatíma né tónfræði. En hann eins og aðrir sem hafa kynnst innra starfi tónlistarskólanna skilur verkfallsaðgerðir kennaranna. Það fer ekki framhjá neinum sem þekkir til hversu hefur verið þrengt að tónlistarnáminu undanfarin ár.

Það er samstöðufundur með tónlistarkennurum í Hörpu í dag klukkan fimm. Foreldrar barna í tónlistarnámi eru sérstaklega hvattir til að mæta – mun ekki af veita ef málin eiga að komast á hreyfingu.

1932290_10205460353533942_3379908807030841608_n-1

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Frjáls fjölmiðlun ehf. - Kringlunni 4-12, Reykjavík - eyjan (hjá) eyjan.is