Mánudagur 15.05.2017 - 17:39 - Ummæli ()

Leynipukur um innri mál hjá Pírötum

Það er stóreinkennileg uppákoma þegar Píratar rjúka út af fundum á Alþingi, fara inn á lokaðan uppgjörsfund þingflokksins, og koma þaðan út með þá tilkynningu að formaðurinn og ritarinn séu hætt. Ásta Guðrún Helgadóttir og Björn Leví láta af störfum og við taka Einar Aðalsteinn Brynjólfsson og Smári McCarthy. Manni skilst að þingmenn úr öðrum flokkum hafi verið mjög forviða yfir þessu.

Aftur blossa upp deilur innan Píratanna eins og þegar Helgi Hrafn Gunnarsson og Ásta Guðrún tókust á við Birgittu Jónsdóttur og þurfti að kalla á vinnustaðasálfræðing.

Það sem er einkennilegast er að þetta gerist innan flokks sem boðar gegnsæi, ætti í raun að vera með opna þingflokksfundi – það væri í anda stefnunnar. En svo vill enginn Píratanna segja frá því sem er raunverulega á seyði, þeir eru líkt og með saumað fyrir munninn. Hjá þeim ríkir leyndarhyggja um innri mál.

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Frjáls fjölmiðlun ehf. - Kringlunni 4-12, Reykjavík - eyjan (hjá) eyjan.is