Mánudagur 23.10.2017 - 15:25 - Ummæli ()

Förum með kjörstaðina þangað sem fólkið er

Morgunblaðið birtir þessa litlu frétt á forsíðu í dag. Hún er mjög athyglisverð. Kjörsókn í utankjörstaðaatvkæðagreiðslu er miklu meiri en hún hefur verið áður.

 

 

Ég held að skýringin á þessu sé tiltölulega einföld. Ég átti leið í Smáralind þar sem kosningin fer fram um daginn. Kjörstaðurinn blasir við öllum sem fara um ganga verslunarmiðstöðvarinnar. Hann lítur í raun út eins og ein af verslununum. Það er ómögulegt að láta hann fara fram hjá sér. Mín var næstum því freistað að fara inn og kjósa, ég sleppti því samt.

Það er kvartað undan lélegri kjörsókn og menn óttast að hún versni. En lausnin er þarna og hún er einföld. Fara með kjörstaðina út til fóksins. Það væri líka hægt að kjósa í Kringlunni, við Laugaveginn, í Spönginni, á Glerártorgi á Akureyri.

Það er algjör óþarfi að fólk þurfi að leita uppi einhverjar skrifstofur til að kjósa – slíkt er bara gamaldags. Þessa kjörstaði væri hægt að hafa opna í nokkrar vikur fyrir hinn eiginlega kjördag, um að gera að hafa þá nógu áberandi – og sjá, kjörsóknin mun batna.

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Frjáls fjölmiðlun ehf. - Kringlunni 4-12, Reykjavík - eyjan (hjá) eyjan.is