Þriðjudagur 12.12.2017 - 10:56 - Ummæli ()

Hrollvekjandi framtíð með misnotkun gervigreindar

Framtíðarfræðingurinn Zeynep Tufecki  heldur fyrirlestur hjá TED – sjá hér að neðan. Það er mikilvægt að hlusta á þetta. Hún fjallar um gervigreind og dregur upp dökka framtíðarsýn – dystópíu. Hún er ekki að tala um gervigreind sem tekur völdin af manninum, heldur hvernig þeir sem hafa völdin nota gervigreindina. Hér er hún að tala um fyrirtæki eins og Facebook og Google sem safna endalausum upplýsingum – magnið er gríðarlegt –  um notendur sýna og nota þær til að þróa sífellt fullkomnari algóriþma sem beina efni, auglýsingum og þjónustu að okkur.

Þetta er algjör hrollvekja eins og Tufecki lýsir því – gervigreindin getur farið að nema alls konar tilfinningar og skapbrigði hjá okkur og skammtar okkur efni eftir því. Þetta er ekki bara spurning um pólitík, heldur allt okkar daglega líf – á tíma þegar fólk notar marga klukkutíma á dag á netinu.

Kjartan Hreinn Njálsson skrifar ágætan leiðara um þetta í Fréttablaðið í dag. Hann lýsir samfélagsmiðlum eins og vímuefni, og lýkur greininni með þessum orðum:

Árið sem gengur í garð ætti að verða árið sem við spyrnum við fótum og vinnum bug á fíkninni, krefjumst þess að höfundarnir beri ábyrgð á miðlum sínum, og freistum þess að nýta það mikla tækifæri sem felst í heilbrigðum samfélagsmiðlum.

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Frjáls fjölmiðlun ehf. - Kringlunni 4-12, Reykjavík - eyjan (hjá) eyjan.is