Föstudagur 09.02.2018 - 08:55 - Ummæli ()

Flóttinn úr fjölmiðlunum yfir í almannatengslin

Nokkrir félagar mínir á RÚV fóru í dag að tala á svokölluðum Framadögum í Háskólanum í Reykjavík. Ef ég skil rétt er þetta að miklu leyti kynning á störfum. Ég sagði við þau áður en þau fóru að réttast væri að þau ráðlegðu öllu unga fólkinu að forðast störf í fjölmiðlum. Þau væru illa borguð, starfsöryggið væri lítið, vonir því að vinna sig upp væru frekar lélegar – og það sem verra væri, horfur í starfinu hefðu snarversnað á síðustu árum.

Ég veit ekki hvort þau tóku nokkuð mark á mér.

En það er tímanna tákn að auglýst sé starf upplýsingafulltrúa Landhelgisgæslunnar og umsækjendur séu 54 talsins – og þar af sumir bestu blaða- og fréttamenn landsins. Næsti upplýsingafulltrúi mun reyndar taka við af afburðagóðum fjölmiðlamanni sem hætti til að fara í annað upplýsingafulltrúadjobb.

Ætli fylgi einkennisbúningur starfinu hjá Landhelgisgæslunni. Það myndi sjálfsagt heilla – fyrir utan kjörin.

 

«
»

Ummæli ()

Vinsamlegast athugið:
Ummæli eru á ábyrgð þeirra sem þau skrifa. Eyjan áskilur sér þó rétt til að fjarlægja óviðeigandi og meiðandi ummæli. Tilkynna má óviðeigandi ummæli í netfangið ritstjorn@eyjan.is

Frjáls fjölmiðlun ehf. - Kringlunni 4-12, Reykjavík - eyjan (hjá) eyjan.is